واللــه طفح الكيل

[روعة المشاعر]

بسم الله الرحمن الرحيم

كيفكم ياحبايب قلبي انتم

وش مسوين ان شاء الله طيبين

المهم


هذا واحد طفح كيله من الإيميلات البايخة







بس انه صااااااااااااااااااادق

جابها في الصميم

------------ --------- --------- -------




والله طفح الكيل......مليت
الانترنت صار مقرف .
اول نفتحه ندور شي يوسع الصدر, الحين ما فيه الا الاكله هذي مسرطنه, والعصير هذا يسبب صلع , وكيس الخبز اذا شقيته بدون تفك الربطه يسبب سرطان في الابط , والصابون اذا حطيته في فمك يسبب سرطان لثه.
والله مليت كل شي مسرطن .كل شي ضار ..
يلعن بليسكم اذا كل شي مسرطن وضار وشلون عشنا؟؟ حتى الحب قالوا مسرطن..
والشطة الي فيها مادة سو بي كورا مي دقني دقني دقني دق دق
دق !!!...
مسرطنه الجح الي يباع في عز الصيف مسرطن.
الماء الي تشربه بعد الوجبه يسبب حوله..
طيب ياخي غصيت وشلون ادف اللقمة .
اموت ؟؟..
لا والمصيبه اذا صار مصدر الاشاعة شركة تعال شوف.
شركة سنكرس تستخدم زيت الخنزير عشان تدعم اسرائيل
والله يا جماعه من كثر الخزعبلات تلخبططت الافكار.
الشماغ اذا لبسته والمرزام مقلوب يسبب سرطان في الاصبع الصغير من رجل شغالتكم (عشانها هي اليي تغسله)
بلد خربان..كله اشاعات واي شي تلقاه عندك ومبسوط فيه يقرفونك فيه ويقولون يسبب مرض.
مثل عندك الخيار تحبه ولذيذ والسلطه بدونه ولا شي .
يطلع لك طلعه ويقول ان الخيار كبير الحجم
يسبب سرطان قولون ولا معدة ولا اي شي يضيق صدرك طيب ياخي السؤال الي يطرح نفسه
الخيار كبير الحجم وش يستخدم فيه!!!!! رد

هذا كوم وتراه ما يخلص وخلونا نروح للكوم الثاني
____________ ____

الكوم الثاني
مليت من الرسايل الدينيه المكذوبة .
كلها احاديث مكذوبه ومصطنعه.
واخرتها يجي يقولك قل هذي الجمله؟؟؟؟؟
الان كسبت 398321 حسنه..على كيفك هي .توزع حسنات!!
لا ويقولك انتبه لا يضحك عليك الشيطان ارسلها .انتبه تضغط دليت ترا اصل كلمت
دليت

delete = devel

وتعني الشيطان
تلاحظ انا اول حرفين نفس الشي
de
Vوبدل.
L. بحرف
>L يعني لا يضحك عليك الشيطان

Tوحرف
معناها تخسي تضحك علي

وصدقوني انا كتبتها وبعد فترة بتجيكم اشاعة وان مخترع الكيبورد يهودي
الله يلعن ام الخزعبلات يا شيخ
انتبه انتبه ترا الشيطان واقف جنبك

ما درا ان الشيطان هو الي يضحك عليه وطاق معسل جنبه ويقول قم غير لي جمر

سامحوني كل الحكاية ان الكيل طفح.....

وانا بعد استغرب ايميل ديني وصلني يقولو صاحبه توفي وانشرها عشان تزيد حسناته ؟؟؟؟؟؟؟؟؟


هاذا من بريدي ^_*

[البرواز المكسور]

بجد

الايميلات الدينيه اللي لو ارسلتها لكل اصدقائك تدخل الجنه بيوم وانت نايم


والايميلات الثانيه اليوم يجيك شي يقول لك الموز يقيك من السرطان وبكره يجيك ايميل يقول لك الموز يسبب السرطان

والسبب ان البعض يعيد ارسال الايميلات اللي تجيه واحيانا حتى بدون مايقرا محتواها

وماننكر فيه ايميلات جميله لكن فيه ايميلات تخرب عليها

والمفترض اننا نفلتر الايميلات اللي نرسلها للاشخاص ومو كل ايميل يوصل لنا نرسله

مشكوره خيتوو

موضوع ذو شجون مع اني مدري شجون هذي هي الممثله الكويتيه والا وحده سعوديه خخخخخ

[عاشق خيال]

أشكرك عظيم الشكر أيتها الرائعة روعة

على هذا الموضوع الجميل

وبالفعل الاشاعات كاثرة هاليومين
ويكفينا حديث النبي صلى الله عليه و سلم << كفى بالمرء كذباً أن يحدث بكل ما سمع >>
وقال تعالى << يا أيها الذين آمنوا إن جاءكم فاسق بنبأ فتبينوا أن تصيبوا قوماً بجهالة >>

و أما الرسائل الدينية فقد كتبت عنها موضوعاً في القسم الإسلامي بعنوان ( ظاهرة منتشرة ) أرجو التكرم بالاطلاع عليه

وتقبلي عزيزتي خالص التحية و التقدير...