اضماااااااااااااك

[مشبب العاصمي]

متواضعه علها ترقى الى ذائقتكم الطيبه


لوتدري بشوقي وش اقصى حدوده=تصاغرت في عينك حدود الافلاك
ولوتدري بكوني وش اللي يسوده=ما شفت غيرك حاكمٍ فيه ويّاك
ولوتدري بجمر الغلا وش وقوده=ماكان تبعد عن وليفٍ تمنّاك
ماتدري ان جرح المحاني يزوده=بعدك وبسماة الوله في محياك
في غيبتك كلش بدا في وجوده=مثل العدم الا شعوري وطرياك
لوقللوا رمل الثرا في نفوده=ماقل حبي لك ولا حب لاماك
ما غاب طيفك عن فوادٍ يروده =ذكراك .. يا لبا معاليق ذكراك
جيتك ودمع الشوق عانق خدوده=من لاهب الفرقا وعجزي عن رضاك
عسفت لك مهر القوافي الشروده = لين القوافي طاوعت لي وجيناك
يافاتنٍ صدّ وذبحني صدوده =لا تذبح اللي بدّت الناس بداك
اضماك والصبح الندي ويش جوده =عند السحاب اللي تسوقه ثناياك
ايوالله اضما والعواذل حسوده=يقطع رجاهم ويش انا دون حسناك
وانت الذي كل ما شكيته .. شهوده=عقلي . وقلبي . والجوارح تفداك
تبغى الحقيقه ودّنا ما يكوده=غير الفراق اللي لقيته بدنياك

[قديم الشوق]

شاعرنا العلم / مشبب العاصمي

أتيت لأقرءك السلام

وأرحب بك أجمل ترحيب

ولي عودة أخرى تليق بهكذا تواجد

[خلود الياسمين]

في غيبتك كلش بـدا فـي وجـوده مثل العـدم الا شعـوري وطريـاك

شاعرنا الراقي \ مشبب العاصمي
وقصيدهـ تنبع رقي ومشاعر صادقهـ
راقت لى جداً برغم بساطتها إلا أنها
تحمل بين طياتها الكثير
دمت بود شاعرنا ..,

[عسافه]

مشبب العاصمي


صح لسانك قصيده في قمة الروعــــــــه



وتسلم يمناك


ولاهنت


حضور وارف بالجمل والابداع


دمت ودام حضورك


تقدير إحترامي

[عيوو"الغلا"وون]

صح لسانك مبدعنا وشاعرنا

مشبب العاصمي

لك أجمل تحياتي

لاحرمنا إبداااااااااااااااااااااااااعك

[قديم الشوق]

ارررررحب والله يا مشبب العاصمي

في البداية يسعدني أن أرحب بك أجمل ترحيب بعد هذه الغيبة الطويلة عن المنتدى

والله يحييك تحية المطر بين اخوانك وأخواتك وفي منتداك الذي يتشرف بوجود أمثالك

من الشعراء الأفذاذ والرجال الكرام

وصح لسانك يا ابو فهد على هذه القصيدة الشامخة وغير المستغربة

من شاعر متمكن وقدير ومبدع

وشهادتي مجروحة في القصيدة وشاعرها

صح لسانك حتى ترضى

ولا تحرمنا من هذا الإبداع

وفي انتظار جديدك المميز دائماً

وتقبل فااائق تقديري واحترامي

[مشبب العاصمي]

http://www.manab3.com/vb/images/mnb_gl/misc/quotes/quot-top-left.gifاقتباس:http://www.manab3.com/vb/images/mnb_gl/misc/quotes/quot-top-right.gifhttp://www.manab3.com/vb/images/mnb_gl/misc/quotes/quot-by-left.gifالمشاركة الأصلية كتبت بواسطة قديم الشوق http://www.manab3.com/vb/images/mnb_gl/buttons/viewpost.gif (http://www.manab3.com/vb/showthread.php?p=163442#post163442) http://www.manab3.com/vb/images/mnb_gl/misc/quotes/quot-by-right.gifhttp://www.manab3.com/vb/images/mnb_gl/misc/quotes/quot-top-right-10.gif شاعرنا العلم / مشبب العاصمي

أتيت لأقرءك السلام

وأرحب بك أجمل ترحيب

ولي عودة أخرى تليق بهكذا تواجد
http://www.manab3.com/vb/images/mnb_gl/misc/quotes/quot-bot-left.gifhttp://www.manab3.com/vb/images/mnb_gl/misc/quotes/quot-bot-right.gifاخوي الغالي قديم الشوق

والله ان الشرف لي بتواجدي مع الاخوان الطيبين مثلك و شرواك

و ان كان باعدنا الزمان فثق اخي الغالي ان قدركم و غلاكم لا يزال في القلب

تحياتي لا عدمت زولك الغالي

اخوك ومحبك في الله

[لون الثلج]

:

شاعر..

مشبب العاصمي

تتقزّم حروفي أمام هذا الإبداع ,,,
لا أجد ما يرتقي الى هذا التميّز ,,,
قد يكون السكوت في حضرة الجمال جمالا ,,

إح ــترامي لك

}

[شـجن]

شاعرنا


تعرف حقا كيف


تداعب اوتار الكلام


كيف تجعل الناس يغرقون


في بحر الهيام


مشبب العاصمي ..


أهلاً بك وَ بِمدآدك آلفآخِر


صحـ بيآنك


طِبت

[ماجد عبد الرحمن]

مذهل ..!

هذا ما وشوشتهُ السماءُ في أذنيّ ..

وهذا ما نقلتهُ تماماً لـ وسادتي عنك ..!

إنكَ مذهلٌ يا صديقي ..

ولا عدمناك ..

سراب الوهم

[مشبب العاصمي]

في غيبتك كلش بـدا فـي وجـوده مثل العـدم الا شعـوري وطريـاك


شاعرنا الراقي \ مشبب العاصمي
وقصيدهـ تنبع رقي ومشاعر صادقهـ
راقت لى جداً برغم بساطتها إلا أنها
تحمل بين طياتها الكثير
دمت بود شاعرنا ..,

صح بدنك و الله لا يهينك على حضورك الكريم يا خلود

تحياتي

اخوك