كسبان فالحب لو زادت مصاريفه

[شباب السبيعي]

بسم الله الرحمن الرحيم

السلام عليكم ورحمة الله وبركاته

اتمنى ان تحوز على رضاكم



صدفت منهو جماله نادر(ن) ماشيف=ريم(ن) بها زين من يقدر بتوصيفه

كامل مكمل وزينه يعجز التوصيف=خالقه ربي فريد وصعب توليفه

عمره صغير(ن) تحت عشرين له تصنيف=عقله رزين وفهيم وصعب تخويفه

الصوت نغمه ونطقه مابه التزييف=بالحق ينطق ولا يحتاج تحليفه

نادر في صخف الذراع اميزه تصخيف=واللون صافي ومن عادٌته تنظيفه

جادٌله ليل(ن) تلحفه الخصر تلحيف=والعنق شبرن على الرمان تشريفه

والخد ناعم نعومة وردة(ن) بالريف=يسقيه نبع الحيا والصعب تجفيفه

وسط الثغر توت نابت ماهو للتقطيف=طعمه شهد مايموت وصعب تقطيفه

عينه كحيله ورمشه مابه التقصيف=والخشم رزه مابين اورود(ن) ابريفه

مهره نحيلة غصن هي صعبة التعسيف=اتشيل قلب(ن) رهيف وصعب تعسيفه

واهبه ربي جمال مشرفه تشريف=مااحدن يضاهي جمالن زاد تشريفه

لااقبل علينا تلاشت حاجة التعريف=يسبقه نوره ولايحتاج تعريفه

وان قفى ردفه يميل ابميلته تجديف=مثله مثل حوت بحر(ن) زين تجديفه

محسود حب(ن) هواه وبيته التجويف=مبخوت قلب(ن) سكن في وسط تجويفه

مايطلبه ياخذه ومكيف(ن) تكييف=كسبان فالحب لو زادت مصاريفه



وسلامتكم

..........................

.

...................

[قديم الشوق]

الشاعر / شباب السبيعي

أولا ً يسعدني الترحيب بك في منتديات منابع الأدبية التي تسعد بك

والله يحييك تحية المطر

وصح لسانك على هالقصيدة العذبة والمميزة

هجينية رااائعة بحق

وشاعر متمكن من أدواته الشعرية

أشكرك من الأعماق على هذا الجمال

وفي انتظار المزيد من هذا الإبداع

وتقبل فاائق تقديري واحترامي

[محمد الضرير]

الشـاعر شــباب السبيعي


ســعدت بانضمــامك لكوكبــة شــعراء منابعنـــا ، وســعدت بمعانقــة هـــذه
الأبيــات العذبـــة والبــوح الجميـــل ، صـح لســانك وعلا شــانك وبيّــــض
الله وجهـك ، بانتظــار روائعــك ، مع أجمل التحــــــــــــــايا 0



محمد الضرير