الوصل عيدك يالقلوب المواليف

[حسين النجراني]

السلام عليكم ورحمة الله وبركاته

اصافحكم هذه المره بهذا النص المتواضع متمنيا ان يحوز على استحسانكم وللمعلومية تم نشر هذا النص في جريدة شمس بتاريخ 12/3/2009 والشكر موصول للزميل حمد فرحان










الوصل عيدك يالقلوب المواليف=والهجر والفرقى عدوّين الاحباب

ياويش عذر اللي له ايام ماشيف=اقفى ولا ادري ويش عذره والاسباب

غروٍ جماله فاق كل التواصيف=عليه نظرات المخاليق تنساب

كنّه لحاله فوق روس المشاريف=والبيض من دونه مجاريح واغراب

يزهى المدينه وان وطت رجله الرّيف=تزهر بساتينه نواوير واعشاب

واليا حكى كنّه يزيد السّواليف=ذوق وعذوبه وابتسامات واعجاب

له نظرةٍ لا سلّها وقعها سيف=القلب منها يشتكي مابعد طاب

ربيع لا جارت لظى الشمس بالصيف=ومدهال لا شحّت سما كل الاصحاب

شوفه يريح من العنى والتّكاليف=وضحكة حجاجه تبري جروح منصاب

ان غاب عني سامرت عيني الطّيف=ارجي وصاله والامل فيه ماخاب

كنه معزّب والا انا عنده الضّيف=العين بيته والهدب حوله حجاب

احب لاجله واكره احيان وآعيف=واقدّره واحسب لشرهاته حساب

هذاك احبه دون لادري ولا كيف=وتوّي عرفت ان الهوى حيل غلّاب













اخوكم/ حسين النجراني

[عناوين الدمـوع]

يسرني أن أكون أول من يحظى بالرد على هذه الباسقه

أمتعتنا بحق اخي حسين.. وهكذا يكون الشعر

صح لسانك واعتلا شانك... وننتظر الجديد دائماً

تقديري لك شاعرنا النجراني..

[لون الثلج]

:

ح ــسين النجراني ..

من جد نص رااق لي جدااا ..

كـ عادتك مبدع داايم صح لسانك ميلايين

إح ــترامي لك..

.

[عروس الأشعار]

الشِعَرْ / حسِينْ النَجْرَآنِيْ ..
صَح آلسَآنِكْ وآعتَلىَـآ شَآنِكْ .. نًصْ مُغَلفْ بـ آلجَمآلْ والعُذُبَهْ ..
تَقدِيريْ لكْ ..!!

[قديم الشوق]

حسين النجراني

صح لسانك وانا أخوك على هذه الرااائعة

قصيدة مميزة من شاعر مميز وقدير

شكرا ً لك من الأعماق

وتقبل فاائق تقديري واحترامي