يهيض القلب

[عبدالله النعيمي]

يهيض القلب من حر الوقيدة
يزيد الشوق ويهل القصيدة
قصيدة وجد ابكت من كتبها
ومن يقرا ومن يصغي تزيده
عذابن فوق ماهو قد تعذب
تذكره القديمات البديدة
وتظهر ما غبا في القلب سره
وسر الحب ما كلن يحيده
وجرحن غايرن في جوف قلبي
وطاري الود لا هود يعيده
ولينه تو بالنصل يتهذى
بسكين الهوى يهذى وريده
تحرق وانصهر بالنار يشوى
كما يشوي اللحم حامي حديدة
وجفني خالجه لا امسيت خاطر
طويل الليل يمضي ما يهيده
الا يا عون من نومه تقزى
وسهر العين ما يقوى يبيده
انا لي صاحبن قد صد عني
وعقب الود بدلني صديدة
بليا انذار شد لوين مدري؟
نسى ما كان ودي ما يريده
وانا اللي شلت له بالروح منزل
بجوف القلب يصبح له عميده
عميد مخولن تصريف فكري
تسود فيه صار اليوم سيده
غضيض الجسم والشعر يتحلوى
سواد الليل في غدرا سهيدة
زمي النهد لا منه تلثم
كما درة من الغبه جديدة
تلحف بالحراير ما تورى
وسلك القز صار لها وسيده
عن عيونن شفيحة ما تصلي
على اللي كل اخلاقه حميده
محمد خير خلق الله كله
باصلي واذكر الله واستزيده
انا مقدر فراقه يا جماعة
ثقيل الصبر مدري وش مزيده؟
عسى اللي فرق قلوب الحبايب
يجمعها ويرجعها وديدة
تكمل ما استهاض القلب واكمل
لساني ما طرالي في نشيدة




عبدالله المهنا النعيمي

[عشرة قلـوب]

الا يا عون من نومه تقزى
وسهر العين ما يقوى يبيده
انا لي صاحبن قد صد عني
وعقب الود بدلني صديدة
بليا انذار شد لوين مدري؟
نسى ما كان ودي ما يريده
وانا اللي شلت له بالروح منزل
بجوف القلب يصبح له عميده



والله انهآ في وقتهآ .. وفي صميم القلب ...

صح لسآنك مليوون

ويعطيك العآفيه اخوي عبد الله

شكراً لك على هذه الابيات الجميلـه التي استوقفتني



ومآنقدر نقول آمآم هذآ البيت

عسى اللي فرق قلوب الحبايب
يجمعها ويرجعها وديدةغيـر آآآآمـــين




.
.

تقبل مروري

^^

[قديم الشوق]

عبدالله النعيمي

صح لسانك

قصيدة راائعة ومعبرة

وفيها الكثير من الإبداع

شكرا ً لك من الأعماق

وتقبل فاائق تقديري واحترامي

[إنزوآء انثى]

لله أنت يآ عبدالله

صح لسآنك أكثر

ولاحرمنا الله روحك الشعريه ونبضك

لاتحرمنا جديدك

ودي