بيدك تحول حياتي

[شوق البراري]

لو تبي تعكر مزاجي ما عسرك اللي تبيه
بيدك تخلي حياتي جنة وبيدك جحيم

صايرن عند أسيرن ما عرف شللي عليه
مرة اتفتّح جروحه ومرة اتخله سليم

ماني بعينك لباسن لا بغيته تشتريه
ون تعافه النفس بعته قلت في جسمي حميم

وش تبي أزود من اللي ماخذه شللي تبيه
خذتني بكلي وكلي عقــــب ماخذته يتيم

عرشك اللي من غرورك تحسب انك معتليه
زايلن واللي رميمن ما يكون إلا رميم

قصرك اللي تفتخر به لا لفيته تنتخيه
ما نخاك إلا خوين يحرسك وقت العتيم

طبعك الهادي تنمرد صرت دايم تشتهيه
لا لفى يمك خوي قمت تضرب في الصميم

تحرق يبوس المراعي وأخضر المرعى تجيه
تذبح الراعي وتمشي في هوى الراعي تهيم

ما عرفتك شي واحد ماعرفت شللي تبيه
يما تخلّي حيـــــــاتي جنة ويما جحيـــــم

[قديم الشوق]

شاعرتنا / شوق البراري

أهلا ً بك بعد طول غياب

منورة منابع

وصح لسانك على هذه القصيدة المليئة بالشجن والجمال

فقط لي ملحوظة على هذا البيت :

صايرن عند أسيرن ما عرف شللي عليه
مرة اتفتّح جروحه ومرة اتخله سليم

فالشطر الذي باللون الأحمر فيه كلمة (صايرن)

ولا أدري إلى من يعود الضمير فيها ؟

بمعنى من هو اللي (صايرن) ؟

بالإضافة إلى أن هذا الشطر فيه كسر لكن لو جاء البيت بهذا الشكل :

صايرن عندك أسيرن ما عرف شللي عليه

لما أصبح هناك مشكلة في الوزن

وفي هذا البيت :

ون تعافه النفس بعته قلت في جسمي حميم

فالهاء زائدة وأدت زيادتها إلى كسر البيت

وهذه الملحوظات تصب في صالح القصيدة ولا تقلل من جمالها

أشكرك مرة أخرى من الأعماق

ونطمع في تواصلك معنا

وتقبلي فاائق تقديري واحترامي

[شوق البراري]

أخي / قديم الشوق
شكرا لمداخلتك الطيبة حول القصيدة
وردا على استفسارك وملاحظتك فإن ( صايرن ) أقصد بها (ذاتي)
أما لفظة (عندك أسيرن) فأصلها عندك
ويبدو أن حرف الكاف سقط سهوا أثناء الكتابة ولم أنتبه له إلا حين قرأت ملاحظتك فلك كل الشكر والتقدير..

[إنزوآء انثى]

ربي يحفظك ياشوق

نص جميل والله صح لسآنك

مبدعه مبدعه

ربي لايحرمنا جديدكِ

انا بأنتظآره

[بروق الشمال]

صح لسآنك

ايتها المبدعة
ربي لايحرمنا جديدكِ

بانتظار جديدك

[بسكوته]

الف شكر
.. لك مني أجمل تحية

[جنون قلم]

ما عرفتك شي واحد ماعرفت شللي تبيه
يما تخلّي حيـــــــاتي جنة ويما جحيـــــم


صح لسانك
تحياتي لك

[سليمان العقيل]

حضور متألق ورائع


تحياتي لك ولقلمك المبدع

[نداء الذات]

ربي لايحرمنا جديدك

بانتظار جديدك

[فهد الروقي]

صح لسانك ولاتحرمينا من الجديد

مودتي