الله يفرّج همكم يا اهل الشام !

[ساير الرماحي]

السلام عليكم

إليكم ..واعذروني على الغياب

صلوا على محمد..


الله يفرّج همكم يا أهل الشام=والله ينصركم على كل ملعون

ضعتوا مابين أهل المصالح والإعلام=مابين بشار الأسد وابن غليون

الشعب يِذبح والرجاجيل تنضام=والموت مايرحم كبيرٍ ومجنون

ومظاهرات الشعب اعقابها اعدام=اِكم قهرك! ولا تعبّر له بلون!

الله يزيل اللي على الشعب مقدام=والأنظمة اللي للأعدا يوالون!

أحباب "لاوباما وكلنتون" وأزلام=وأخوة "نتنياهو وموشي وشمعون"

حكام باعت عرضها وصارت أقزام=وأصبح لواحدهم عمالة لصهيون

فارس على شعبه وللغرب خدّام=يبي دوام الكرسي اللي يعبدون

واصبح "عبيد" البيت الأبيض له أعمام!=عميل غربٍ "ولبني سام" مديون

باسبابهم دارت رحى أهل الإسلام=ومن عقب قود الخلق صاروا يقادون!

[صـمـ الجروح ــت]

اللهم انصر المسلمين

واعنهم يارب

صح لسانك اخوي

[الطيبة]

ربى يفرجها عليهم وعلى امة محمد وينصر الظالم على المظلوم يارب وتسلم على الكلمات الطيبة وصح السانك يا شاعرنا

[الطيبة]

اسفة على الخطا وينصر المظلوم على الظالم يارب سامحنى

[عناوين الدمـوع]

باسبابهم دارت رحى أهل الإسلام=ومن عقب قود الخلق صاروا يقادون!

بيت يوازي قصايد يالرماحي

صح لسانك ولاهنت والله ينصر الاسلام والمسلمين .

[صمت الرحيل]

صح لسانك يالرماحي
ونسأل الله ان ينصر المسلمين في كل بقاع الارض
وان يرد كيد الظالم في نحره
الشعب يِذبح والرجاجيل تنضام=والموت مايرحم كبيرٍ ومجنون

كلام موجع ونصر الله قريب فالله يمهل ولا يهمل
قلوبنا معكم ودعواتنا ان ينصر الله كل مسلم ويدحر كل ظالم
دمت بسلام

[العف الخجول]

اللهم صل وسلم عليه
اللهم انصر الاسلام والمسلمين
صح لسانك اخوي
قصيده راااائعه

[قديم الشوق]

الشاعر ساير الرماحي

صح لسانك وأنا أخوك

قصيدة رائعة ومعبرة تتحدث بألسنتنا جميعاً من شاعر مبدع ومتمكن

الله يعطيك ألف عافية

وحفظ الله أهل سوريا من كل مكروه

وأرانا في بشار الأسد وزمرته يوما ً أسودا ً

وفي انتظار المزيد من هذا الجمال

وتقبل فائق تقديري واحترامي

[بسكوته]

ضعتوا مابين أهل المصالح والإعلام=مابين بشار الأسد وابن غليون

الشعب يِذبح والرجاجيل تنضام=والموت مايرحم كبيرٍ ومجنون

ومظاهرات الشعب اعقابها اعدام=اِكم قهرك! ولا تعبّر له بلون!

كلمات تمس اقلب فتوقظه حلو كتير

[ساير الرماحي]

صمت الجروح

صح بدنك

وألف شكر لمرورك وتعقيبك

ودمتي بكل خير

[ساير الرماحي]

الطيبة

صح بدنك

والله يسمع منك

تشرفت بمرورك


ألف تحية

[ساير الرماحي]

عناوين الدموع


صح بدنك


وألف شكر لمرورك العذب


ودمتي بكل خير

[ساير الرماحي]

صمت الرحيل


اللهم آمين والله يسمعك منك

وصح بدنك ملايين

وألف شكر لمرورك العذب هنا وتعقيبك الرائع

ودمتي بكل خير

[ساير الرماحي]

العف الخجول

آمين والله يسمع منك

صح بدنك

وألف شكر للمرور والحضور

ودمتي بخير

[ساير الرماحي]

الغالي

قديم الشوق

صح بدنك ملايين


وآمييييييين الله يسمع منك

والنصر بإذن الله قريب إنه سميع مجيب

وألف شكر لمرورك هنا وحضورك

دمت بكل خير

[ساير الرماحي]

بسكوته

صح بدنك

ومشكورة على كلماتك العذبة

دمتي كما تحبين