وينكم يا أهل المحاوره ؟؟

[( حايره )]

السلام عليكم ورحمة الله وبركاته

حبايبي

المنتدى ماشاء الله أكثر أعضائه شعراء

يعني الله لا يهينكم نبغى ( محاورات ) نبغى ردّيات

وينكم يا أهل المحاوره ؟؟

نبغى تشعلون المنتدى حماس

وبالنسبه للصفوف لا تخافون ماراح نقصّر معكم

:)

لكم الود و الورد

[أكرم التلاوي]

ما يموت الشعر لو ماتت قلوب = تنتشي القيفان من رحم الألم
الشمس تشرق ولو طال الغروب = وما يجف الشعر لو جف القلم
الشعر ميدان // والقلطه حروب = والشعير يبات في سوق الغنم
من يباشر من حروفي من ينوب = يحمل الرايات ويرفع هالعلم


الأخت الكريمه حايره


مشكوره على اهتمامك

وأتمنى من الشعراء التفاعل مع الموضوع

تحياتي لك

[بسـام بن عبدالعزيـز]

وينكم يا جماعة

http://ccs.jeeran.com/p2.gif

أكرم أعلنها مدوّيـة

ننتظركم

http://ccs.jeeran.com/p2.gif

احترامي

[عبدالله العقيل]

كل الود لصاحبة الفكره الاخت حايره

وللاخ بسام بن عبدالعزيز

والود مقدما للغالي اكرم التلاوي واحب اجرب نفسي معه


ياموجه للشمال انظر جنوب
لا تصحي الناس من اجمل حلم

لا تشب النار وتهد الشبوب
احذر اللي جاك للمصحف ختم

لا تقل ما اهتم من كثر الذنوب
دامني باري ذنوبك باغتنم

فقدمك اللي ما تعلم للهروب
مير سلم كل من سلم سلم

[أكرم التلاوي]

كل الود لصاحبة الفكره الاخت حايره

وللاخ بسام بن عبدالعزيز

والود مقدما للغالي اكرم التلاوي واحب اجرب نفسي معه


ياموجه للشمال انظر جنوب
لا تصحي الناس من اجمل حلم

لا تشب النار وتهد الشبوب
احذر اللي جاك للمصحف ختم

لا تقل ما اهتم من كثر الذنوب
دامني باري ذنوبك باغتنم

فقدمك اللي ما تعلم للهروب
مير سلم كل من سلم سلم



شكلي ورطت نفسي ( هههه )


أخوي عبد الله العقيل

ألف شكر مني لك على مجاراتك العذبه

وألف شكر للأخ بسام على اللفته الجميله



( كل ما نسنس من الغرب هبوب ) =في هبوب النسنسه عقلي انقسم

جيت أسلم مير شيطانن لعوب =فوق صدري في وشاياته ختم

ربي وحده هو الي يعلم بالقلوب =ما بصدري أي شـَرّن يـُحتدم

عابد لربي وفي طوعه أذوب =مخلصن وإسمي مثالن للكرم

عارفن دربي ولا ادور درورب = الأوله تهريج وآخرها ندم !!

[جارالله الشدي]

السلام عليكم ورحمة الله وبركاته

الاخت العزيزه حايره

يعطيكـ العافيه على فتح الباب وتنشيط ماهو ساكن في ذاكرة أكثر الشعراء

كما أتقدم بشكري وتقديري للأخ الشاعر أكرم والاخ الشاعر عبدالله العقيل

ولكــن عندي ملاحظه أو بالاصح توجيه لقانون المحاوره

المحاوره تبدأ بيتان فقط ويرد الشاعر الثاني بيتان آخرى

كي لا يشيب القاف وكي نستمتع أكثر وأكثر وتكون هناك زاويه ضيقه لهم :)

ولكــن ماهو ملحوظ هنا مجاراه تمت بأربع أبيات وتم الرد باربع ابيات

ومن ثم تم الرد بخمس ابيات من الاخ اكرم

بالطريقه هذي ما راح نستمتع :(

أتمنى أن تقبلوا مداخلتي البسيطه

كل الود والتقدير لقلوبكم الطاهره

[أكرم التلاوي]

الأخ الكريم جار الله الشدي


أشكرك جزيل الشكر على مداخلتك القيمه والتوضيح

وأعتذر منك ومن الأخوه بشده , فأنا بكل صراحه لست متمرس بشعر المحاوره
أو بالأحرى ليس عندي خلفيه عنه وعن قوانينه , ولكني قرأت موضوع الأخت حايره وودت تنشيط الشعراء ويبدو أنني كما ذكرت قد ورطت نفسي ههه , أشكرك جزيل الشكر مره أخرى على توضيحك


دمت بكل الود :)

[جارالله الشدي]

الغالي أكرم

كل الود لقلبك الطااااااااااهر

دمت

[عبدالله العقيل]

الغالي جار الله الشدي

اطربني المربوع فجاريت اخي اكرم بس مخيمس هو يبيني انسحب هاهاهاهاها بعدما ورطت نفسي




لو يجي الشيطان يكرم بيتوب
وارجمه من قبل تاجي تعتصم

دامها تطرب وما تسمى طروب
خلها في حالها يالملتزم

شدها نرخي نشد ودوب دوب
مانجي الحرجا ويشبعنا الدسم

ماقبلت تقول لي ياكرم تعوب
تونا نبدا فزم القاف زم

[أكرم التلاوي]

أخوي عبد الله العقيل


الله يسامحك والله ما طرا على بالي بالمخيميس إنك تنسحب , خلاص بنتابع بيتين بيتين والله يعيني عليك , شكل الورطه بتكبر كل شوي هههه , خذني بحلمك ;)


الحرايق دوم أولها شبوب = ورحلة الميلين من خطوة قدم

ما خطت رجلي على درب الهروب = وما تعودت أقبل وأقفي مـِن عدم

[عبدالله العقيل]

حبيبي ياشاعر المهجر

والله بس حبيت مشاكستك ياجبل

ولك كل الود

مابها ناجح ولا فيها رسوب
كلها كلمه وكلمه تزدحم

فما ادعيت اني بعلام الغيوب
وما ادعيت الشعر خله ينهزم

[أكرم التلاوي]

حبــّــتك العافيه يالغالي

ألف ورده مني لك ;)




النوافل ما تـُقارن بالوجوب = والشعر ما هو بكفارة قسم
الشعر لو ذنب عنه ما أتوب = يعربي أصلي ولاني من العجم

[( حايره )]

عبد الله العقيل
+
أكرم التلاوي

لا هنتوا
لكم الإبداع ولنا الإستمتاع

بسام
+
جارالله

ألف شكر على المرور

ولازلنا نطالب بتفعيل ( المحاورة ) أكثر وأكثر
ونتمنى أن يكون هناك محاورات أسبوعية
يتم الإعلان عنها مسبقاً ليتمكن الجميع من حضورها ومتابعتها
على صفحات منابعنا الجميلة

لكم الود والورد

[مزون المحمد]

صوتنا مع صوتك ياحايرة



لازلنا ننتظر

[حواء]

الله الله عن جد استمعت بهذه المحاورة






صح لسانكم واعتلى شانكم

[منصور العصيمي]

انا جاهز في اوقت اعطوني خبر برساله منكم

وبشرو بسعدكم بس شوفو شاعر معي وزهلو الباقي علي

[( حايره )]

منصور العصيمي

يا هلا فيك

وعساك ع القوووه

وإحنا معك نتمنى تكون فيه محاورات

أسعدنا حضورك

[بروق السحايب]

انا جاهز في اوقت اعطوني خبر برساله منكم

وبشرو بسعدكم بس شوفو شاعر معي وزهلو الباقي علي



العصيمي


شكلك خطيييير بالحيل :D


مافيه أحد من الشباب استجاب :confused:


ولايمكن شباب بالعمر فقط :p






حايرة فكرتك مرة حلوة ياقلبي


مدري ليه ما استمروا الربع ؟؟ !!!


v


v


v


v


ما زال عندي أمل تتنشط قريحتهم ويتحفونا بمحاورة متميزة