هــيـــه!!

[فهد الماجدي]

هــيـــه يا صحــرا !!!
\\







.
.

الوجوه تغيّرت
والناس تكبر ..
والقلوب اللّي قبل كانت حنونه
صارت الغـدر وطعونه !!
السما حمرا وطيور الحب ماتت
واشتعل ( دوح ) الوفا
نار وحريق ..
وين يصدح عندليـبه ؟!
كلّ جرحٍ تجرحه لمسة طبيبه !
كلّ قلبٍ تطعنه يمنـا حبيبه !!
والقريب يشوف موته من قريبه !!!
.
.
ياصديقٍ مابقى
غيره صديق ..
واقفٍ لي بالطريق ..
ينكسر من دون كسري
ينثني من دون ربعي ..
إن كتبني سال دمعه
وان كتبته جفّ دمعي ..!
ليتني ماكنت شاعر ..
واكتشفت ان الحروف
اصدق من اوهام المشاعر ..!
.
.
من مدينه
يسكنون الناس فيها
هاجرت روحي
طريد ووجه شاحب ..
وبدفاتر
ينـتـثر شعري عليها
طابت جروحي
سكنت وصرت صاحب ..
ماسمعت اللّي نصحني
" لاتهاجـر " !!
ماسمعت اللّي جرحني
" لاتهاجـر " !!
بعت عمـرْ .. سنين عمـره
علّقوها الناس في سوق
المدينه والمتاجر ..
وقلت اهاجر !!
بعت عمران المدينه ..
الشوارع
والميادين الحزينه ..
والنهار اللّي بكت فيه الفضيله
والظلام اللّي ضحك به
ألف فاجر ..!!
باتحمل كلّ صيحات الحناجر !!
واتحمّل كلّ طعنات الخناجر !!
بس .. اهـاجر !!
.
.
لعنبوها هالمدينه ..
فرّقت بين الحبايب
والنسايب
والقرايب ..
علّمتنا كيف نكره
كيف نكفر ..
نسرق اللقمه من عيون
اليتامى !!
ونتعامى !!
علّمتنا كيف نخسر
كل ( طـيّب ) وبجداره !!
كيف نفرح بالخساره !!
بس ابد ما علّمتنا
كيف نرقى
ونتسامى ..
كيف نقسم لقمة العيش البسيطه
بين جار
وبين جاره !!!
.
.
وين جرّات الربابه ؟؟
وين ( رجمٍ ) صدّعه صوت الذيابه ؟؟
صيحة ( الهاون ) تشقّ الليل
وصهيل الخيل
ودلة هيل
ومشاكيل القرابه ‍‍!!؟
يوم كانت عامره بيض النوايا
كانت الدنيا..
سحـابه !!
هيه ياصحرا ..
على سكانك الاف السلام ..
عاصروا برد وسموم
وواجهوا عصف المنايا
لكن ابداً ماتخلوا
عن طباع ( الطيب ) في حرب وسلام ..
علمهم فوق أي علم
وحلمهم فوق أي حلم
وجهلنا فوق أي جهل
وغيظنا ما يفتح ابوابه لسلم !!
.
.
يا صاحبي ..
ما في الرجاوي خير
بعض الرجاوي هم
وقت ( الرجاجيل ) انتهى
وهالحين وقت ( الغمّ ) ..
لاتقول لي بالهون
اصبر ولاتهتم ..
لـو للضمير عيـون
سـالـت
دموعـه
دم !!!



\\





\\

فالح الهاجري

[إيمان السعيد]

الوجوه تغيّرت
والناس تكبر ..
والقلوب اللّي قبل كانت حنونه
صارت الغـدر وطعونه !!
السما حمرا وطيور الحب ماتت
واشتعل ( دوح ) الوفا
نار وحريق ..
وين يصدح عندليـبه ؟!
كلّ جرحٍ تجرحه لمسة طبيبه !
كلّ قلبٍ تطعنه يمنـا حبيبه !!
والقريب يشوف موته من قريبه !!!



فهد

رائع بكل المعانى


متى يكون للنقاء

فى حياتنا مساحة

وفى قلوبنا مكان

دمت بكل الخير


نغم

[فهد الماجدي]

تسلمين نغم على المرور يالغاليه


تحيه لك

[مبارك بن مسفر]

فهد الماجدي

بصراحة جميل جدا

لاهنت والله

تقبل تحيتي واعجابي وتقديري

[فهد الماجدي]

الف شكر لك ولمرورك الغالي مسفر


كل التحيه لك

[فهد الدباسي]

فعلاً


هذا هو الواقع


زمنٌ غريب تذبحُ فيه الأخلاق و العادات الأصيلة




ألف شكر لك يافهد


تحياتي

[فهد الماجدي]

الغالي السمي الف شكر لمرورك الكريم ولاعدمناك يالغالي



تحيه لك

,,

[رنين الماس]

موضوع رائع اخى

دمت بخير


رنين

[محمد الفرحان]

.

.

وين جرّات الربابه ؟؟
وين ( رجمٍ ) صدّعه صوت الذيابه ؟؟
صيحة ( الهاون ) تشقّ الليل
وصهيل الخيل
ودلة هيل
ومشاكيل القرابه ‍‍!!؟
يوم كانت عامره بيض النوايا
كانت الدنيا..
سحـابه !!

.

.

ياسلام ياسلام عليك يافهد

.

.

كل الشكر على هذا الاختيار المميز

.

.

دمت ودام حضورك

.

.

تقبل فائق تقديري واحترامي

[فهد الماجدي]

تسلمين الغاليه رنين على المرور الكريم لاهنتي يالغاليه



تحيتي

[فهد الماجدي]

تسلم والله الغالي محمد الفرحان على مرورك الكريم ياشيخ لاعدمناك يالغالي






تحيتي لك من القلب