جدتي

[جورج الشوملي]

جدتي تقول
يا ولدي
أخاف عليك
من غدر الزمن
أخاف عليك
يجي يوم
لحالك تمشي في الحياه
وتموت زيك زي أي رقم
قلت يا جدتي
خليها على الله
مستوره
ماشي بدحدل
على أي جوره
قالت بدي اياك
جبل ما يهدوا الاعصار
ومطر بوسط الجفاف
اتزود وتمنح وتروي العطشان
واعمل خير ورمي بالبحر
قلت بعمل باصلي
زي ما علمتيني
اخدم جاري
زي ما بخدم اخوي
قالت هيك بموت انا مرتاح
حفيدي دوالي الجراح
مواطن صالح لهلبلاد
الموت علينا حق
بزور كل انسان
فيا حفيدي
كون ثمره صالحه
لذيذه تنذكر بالخير
وين ما كان
قلت لا توصي حريص
الله يطول بعمرك
يا جدتي
يا غاليه
ضحكة وقالت حبيبي
يا ولدي انت مش بتمدحني
ولا بتدعيلي انت بتدعي علي
انا اكبرت وعجزت
وبالحياه تعبان
كلها شقى وسهر
وهم ومراض واحزان
بالموت برتاح
والبركه بالشباب
ليكملوا مسيرة الحياه
ضليت بصفنتي ساكت
مش عارف شو الجواب
الحياه تستمر بنولد حدا
بموت حدا هيك الحياه
طبعها حلوه ومره
غصبت عنك بدك تتقبلها
وماتت الجده
وكل مره بذكرها
بقول الله يرحمها
كانت حنونه علي
هيك الحياه كلشي فيها قسمه ونصيب
كل ما تتعلق فيها بيجي يوم تفقدها
وحتى انت بيجي يوم وتفقد جسدك
بضل الامل في الحياه الاخرى
لانها ببساطه مش فانيه