رثائيات >>>> شارك بها [الأرشيف] - منتديات منابع الأدبية

محمد الفرحان

28-01-2007, 04:10 PM

حسب ما سمعت أن هذه القصيده حدثت في البادية

وكتبت عندما اقدم زوج بقتل زوجته بالبارود بالخطأ

كان يحسبها احد اللصوص لانها خرجت في منتصف

الليل لغرض مـــا لا أتذكره

أختلف في هذه القصيـدة بيـن نسبتها إلى نمر بن عدوان

وهو اِهر لدى العامة ، وبين محمد بن مسلم شاعر الأحساء

وهو ما ورد لدى بعض الكتاب المهمين كعبدالله الحاتم وابن يحيى

وقـد بحث الزميل بدر الحمد في كتابه " قالت الصحراء " في هذا

الموضوع ورجـح نسبهـا إلى ابن مسلم بدلالات قوية تتسم بالمنطقية ،

وأيا كان صاحب هذه القصيـدة فإنهــا مرثية حزينة تتناقلها الأجيال

وتنفطر لها أفئدة سامعيها :

البارحة يوم الخلايق نياما =بيحت من كثر البكا كل مكنون

قمت اتوجد وانثر الماء على ما= من موق عين دمعها كان مخزون

ولى ونة من سمعها مايناما =كني صويب بين الأضلاع مطعون

وإلا كما ونت كسير السلاما= خلوه ربعة للمعادين مديون

في ساعة قل الرجا والمحاما =في ما يطالع يومهم عنه يقفون

وإلا كما ونت راعبية حماما =غاد ذكرها والقوانيص يرمون

تسمع لها بين الجرايد حطاما =من نوحها تدعي المواليف يبكون

وإلا خلوج سايبة للهياما =على حوار ضايع في ضحى الكون

وإلا حوار نشقوله شماما =وهي تطالع يوم جروه بعيون

يردون مثله والظوامي سياما= ترزموا معها وقامو يحنون

وإلا رضيع جرعوه الفطاما =امه توفت قبل اربعينه يتمون

عليك يا شارب لكاس الحماما =صرف بتقدير من الله مأذون

جاه القضاء من بعد شهر الصياما= صافي الجبين بثاني العيد مدفون

كسوه من بيض الخرق ثوب خاما= وقاموا عليه من الترايب يهلون

راحوا بها حروة صلاة الاماما =عند الدفن قاموا لها الله يدعون

برضاه والجنة وحسن الختاما= ودموع عيني فوق خدي يهلون

حطوه في قبر غطاه الهداما= في مهمة من عرب الامات مسكون

يا حفرة يسقي ثراك الغماما= مزن من الرحمة عليها يصبون

جعل البختري والنفل والخزاما= ينبت على قبر به العذب مدفون

مرحوم يالي ما مشي بالملاما= جيران بيته راح ما منه يشكون

يا وسع عذري وأن هجرت المناما= ورافقت من عقب العقل كل مجنون

أخذت أنا وياه سبعة اعواما= مامثلهن في كيفة مالها لون

والله كنة يا عرب صرف عاما =يا عونة الله صرف الأيام وشلون

وأكبر اهمومي من بزور يتاما =وإن شفتهم قدام وجهي يصيحون

وأن قلت لا تبكون قالوا علاما =نبكي ويبكي مثلنا كل محزون

لاقلت وش تبكون ؟ قالو يتاما =قلت اليتيم اياي وانتم تسجون

قمت اتشكا عند ربع اعداماما= وجوني على فرقا خليلي يعزون

قالوا تجوز وانس لامه بلاما =ترى العذارى عن بعضهم يسلون

ما ظنتي تلقون مثله حراما =ايضا ولا فيهن على السر مامون

وأخاف أنا من غاديات الذماما= اللي على ضيم الدهر ما يتاقون

أوخبلة ما عقلها بالتماما= تضحك وهي تلذغ على الكبد بالهون

توذي عيالي بالنهر والكلاما =وانا تجر عني من المر بصحون

والله لولا هالصغار اليتاما= وخايف عليهم من الدجه يضيعون

لقول كل البيض عقبة حراما =واصبر كما يصبر على الحبس مسجون

عليه مني كل يوم سلاما =عدة حجيج البيت واللي يطوفون

وصـــــلّـوا على سيد جميع الاناما= على النبي يللى حضرتوا تصلون

منقووول بتصرف بسيط

بروق السحايب

28-01-2007, 04:21 PM

فكرة رااااائعه وطرح جميل
ألف شكر لك غاليتي ويسعدني ان اساهم في المشاركة
هز انفجار عالي طويق وأرتج=وصابت شظايا منه وسط الضلوعي

إللي فعل هذا حطب نار لو حج =مريض عقل ودين خبيث الطبوعي

الدين صك أبواب للعنف ماهج =وأنتم يا جند إبليس للشر طوعي

قتلتوا أللي له القرآن منهـــــج =ماخفتوا الله يوم حشر يروعي

الطيب يبكي ياهل الطيب محتج =يبكي محمد مشعلً له شموعي

أبن بليهد فزعة الناس ماسج =يسرع بدرب الخير ماهو قطوعي

ياالله في قبره تنور له السرج =وتدخله في الجنة برحمة شفوعي

بقلم / عبدالله بن عبدالرحمن البليهد 20/مايو/2000

تسلمين مشاعل ياغالية على المشاركة

لاهنتي

وأعتقد إنه يرثي ابن بليهد الذي قتل جراء الإنفجارات الظالمة التي قام بها الإرهابيين وسقط الأبرياء

ضحايا بدون جرم اقترفوه .

نسأل الله أن يهدي الضال

ويعم الأمن في بلاد المسلمين كاااافة .

بروق السحايب

28-01-2007, 04:33 PM

أستاذي محمد الفرحان

شرفني مرورك ، ودائما مشاركاتك تحمل في طياتها الفائدة .

فعلا كنت أسمع الأهل وكبار السن دائما يرددون هذه القصيدة المبكية

ويعزونها لنمر بن عدوان .

قصيدة بحق قوية جدا ومن قلب منفطر حزين

أعجبني فيها التشبيهات التي جمع فيها أشد حالات الحزن لدى المشبه بهم !!

مبدع بحق ..

http://www.alnarges.com/up/uploads/685be1ced2.gif (http://www.alnarges.com/up)

البارحة يوم الخلايق نياما = بيحت من كثر البكا كل مكنون

قمت اتوجد وانثر الماء على ما = من موق عين دمعها كان مخزون

ولى ونة من سمعها مايناما = كني صويب بين الأضلاع مطعون

وإلا كما ونت كسير السلاما = خلوه ربعة للمعادين مديون

في ساعة قل الرجا والمحاما = في ما يطالع يومهم عنه يقفون

وإلا كما ونت راعبية حماما = غاد ذكرها والقوانيص يرمون

تسمع لها بين الجرايد حطاما = من نوحها تدعي المواليف يبكون

وإلا خلوج سايبة للهياما = على حوار ضايع في ضحى الكون

وإلا حوار نشقوله شماما = وهي تطالع يوم جروه بعيون

يردون مثله والظوامي سياما = ترزموا معها وقامو يحنون

وإلا رضيع جرعوه الفطاما = امه توفت قبل اربعينه يتمون

http://www.alnarges.com/up/uploads/685be1ced2.gif (http://www.alnarges.com/up)

مشاعل ابراهيم

28-01-2007, 05:35 PM

سيكوووووووون لي عودة
انتظريني يا احلى سراب

بروق السحايب

28-01-2007, 09:06 PM

سيكوووووووون لي عودة
انتظريني يا احلى سراب

الله لا يخليني منك شعوووولة ;)

بسنتر هنا لا تبطين :D

يمكن أجمد من البرد وأموووووت يابسة :(

وتقولين فيني قصيدة رثائية ياشاعرتي المميزة :)

بأهديها بدوري للموضوع >>> رثائيات

صدقة عني وعنك ياغناتي :D

مشاعل ابراهيم

29-01-2007, 05:32 PM

رجعت :)
عســـــــــى ما تأخرت سراااااااب ؟؟؟
هذي من اجمل المراثي التي كتبت بالشيخ زايد من خارج الأمارات

قصيده قراءتها للشاعـر السعـودي / غالـب الظاهـري

.

زايـــد وراح الـلــي عــلــى زودهــــم زاد
والنـاقـصـيـن اعــدادهــم فــــي تــزايــد

هــول الـخـبـر هـــز الأمـاكــن والأجـــواد
هـزالـقـلــوب وطــوّحـــت بـالـقـصـايــد

صحـيـح مــن قــال الـحـزن مـالــه ابـــلاد
الــحــزن كــايــد والله الــحــزن كــايــد

وأنــا هـنــا بالممـلـكـه هـزنــي .. عـــاد
وشلـون ( ابــو ظـبـي ) عـقـب غــاب زايــد ؟

تخـيـلـوا عـيــد الـفـطـر بـيــن الأعــيــاد
شـعـب الأمــارات الـوفـي .. مـــن يـعـايـد ؟

والا ( دبــي ) الـلــي بـكــت قـبــل بـغــداد
تبـكـي عـلـى قـايـد عـــن الـفـيـن قـايــد

و (أم القـويـن ) الـلـي بـكـت رمــز الأمـجــاد
تـقـول ويــن الـلـي عـلـى الـشـعـب جـايــد

و( الـشـارقـه ) غـيّــم سـمـاهـا بـالأنـكــاد
قـالـت لـهـا ( عـجـمـان ) مـاهــوب عـايــد

صـاحـن وصـاحـت معـهـن ( العـيـن ) يـازيــاد
ووجــه (الفجـيـره) فـوقــه الـحــزن سـايــد

كـــأن ( رأس الخـيـمـه ) تــقــول لاعــــاد
يـــوم ٍ هـــوى بـــه نجـمـنـا بـالـشـدايـد

بـكــوا عـلــى زايـــد جـمـاعـات وافـــراد
فــــي الـخـلـيـج وبـالـمـكـان الـمـحـايـد

زايـــد وراح الـلــي عــلــى زودهــــم زاد
الله يــرحــم شــيــخ الأبــطــال زايـــــد

منقول

بروق السحايب

29-01-2007, 08:07 PM

مشاعل

تسلم يمينك على النقل الطيب

نسأل الله أن يغفر للوالد القائد صاحب السمو الشيخ زايد بن سلطان آل نهيان رحمه الله

بالفعل موته أثر في الجميع وليس قصرا على شعبه فقط ..

هو بحق رجل ماتت دونه الصعاب وظل حيٍ في تاريخ الشموخ !!

بروق السحايب

29-01-2007, 09:18 PM

http://alnarges.com/up/uploads/4e7e9ecde7.jpg (http://alnarges.com/up)

رحم الله والدنا زايد

بالفعل هذا الرجل امتلك قلبي وحبي الشديد له .

كنت قد قرأت قصيدة رائعة في رثائه ، واحتفظت بها لكن ينقصني اسم قائلها .

أضعها بين أيديكم هنا وفضلا ممن يعرف قائل الأبيات أن يذكره لنا هنا مشكورا .

http://alnarges.com/up/uploads/2991d7713f.gif (http://alnarges.com/up)

وقف نبض المسا فجأة وفجأة كل شي مهمـوم

ومن وقع الخبر صارت تنكس نفسها الأعـلام

رحل زايد رحل والليل يتسـاءل بعـد هاليـوم

صباحج كيف يا بـلادن شعبهـا كلهـم أيتـام

ترجل فارس الأمة قدر وأمـر القـدر محتـوم

ترجل من على خيله وصاحت أمـة الإسـلام

رحل وانجازه الأكبر بلادن مـا بهـا مظلـوم

حكمها الفارس القايد ومـات الفـارس المقـدام

سمعتك يا الخبر وأمري ما بين مصدق وموهوم

وأمشي خطوة مصدق وخطوة تشبـه الأوهـام

ويسري شي في دمي كأني بالحـزن مسمـوم

وأشوف الناس من حولي وجـوهٍ تشيـه الآلام

أشوف رجال مااكبرها بكت كنها طفل محروم

وأنا يا دوبي مصـدق واقـول الله يـا الايـام

خذيتي زايد وكنك خذيتي مـن مسانـا النـوم

ولكن حكمتك ربـي وحكمـك سيـد الأحكـام

رحل واحد نعم واحـد ولكنـه يسـاوي قــــوم

رحل بس بعد ما حقق طموح الشعب والأحـلام

فمان الله يا زايد كثـر مـا هالخبـر مشـؤوم

فمان الله يا الوالد كثر خيـرك فـي هالأعـوام

كثر حزني وانا اشوفك تروح وموكبك مزحوم

كثر ما نظرة محمد بهـا غبنـا ومـا تنـــلام

كثر ما صورتك بكت عيون الناس ياالمرحـوم

أبدعيلـك فمـان الله وبراحـة عسـاك تنـام

http://alnarges.com/up/uploads/2991d7713f.gif (http://alnarges.com/up)

خالد ماطر

01-02-2007, 01:02 AM

اتيت للتحيه لهكذا فكر :)

وهكذا موضوع000:)

سراااااااااااااااب شكراًً لك من القلب00

وسيكون لي أكثر من عوده 00

( حايره )

01-02-2007, 01:25 AM

هذي قصيده للشاعر / فـالـح بـن قـشـعـم

وهي رثاء في ملك القلوب الملك /

فــهــد بــن عــبـد الــعـزيــز

رحمه الله وأسكنه فسيح جناته

لا اله الا الله الوالي ولاغيره عويني = واحدٍ ماله شريك ونسأله من كلّ سيّه

نستغفره من سهوّ الأنفس ونرجع تايبيني = من خطى جلب الذنوب الليّ تحملنّا خطيّه

ونسجد لوجه الكريم اللي خلقنا مسلميني = وخصنّا الدين الحنيف وقادنا محمد نبيّه

والصلاة أزكى على خاتم جميع المرسليني = صفوة الخلق الرسول الهاشمي خير البريّه

يالله عنّا صبر طيّب يامعين الصابريني = في فقيد الأمتين الليّ فذمتّك ضحويّه

جعل علمٍ صرحّت فيه المحطه مايزيني = ضيّق صدور الشعوب الليّ لبو فيصل وفيّه

المليك الليّ لشرع الله حكم دنيا وديني = حامي البيت العتيق وحاميٍ نجد العذيه

المليك الليّ لشعب المملكه حصنٍ حصيني = للوفي خزنه وللعدوان مابه مرحميه

حاكمٍ ماله شبيه ولوّ خلق منّه أثنيني = أستقر الشرق الاوسط من هناك الى هنيّه

فالمواقف يعجبّك فعله وله عقلٍ رزيني = وفال***** يتعب أعقولٍ هقاويها مديّه

وللعداء ياقوم ياهتلر وطيشة موسليني = وللصداقه بيت عزّ ومرحباه وشاذليه

ترفع البيضاء لبو فيصل عشير الغانميني = يوم بار الجار جاره والخوي همّل خويّه

ساعةٍ كلٍ تبرى وأعتذر عذرٍ مشيني = قام ابو فيصل ووقف وقفةٍ فيها حميّه

رحّب بشعب الكويت وفالهم سمن وسميني = وعقبها قاد الكتايب والفصايل والسريّه

حررّ اقيود الكويت ورد كيد المعتديني = وقال انا لاهل الكويت اليوم والصبح وقفيّه

وقفته تغنيك عن وقفة عيون الطامعيني = من عربنا والشعوب المسلمه والاجنيه

عطّر الله قبر أبو فيصل فقيد الأمتيني = وأسكنه جنّات عدن الليّ منازلها هنيّه

ليه مايرثيك قلب وليه ماتبكيك عيني = وأنت في هذا مقرّ وقرةٍ في شوف ذيّه

حكمة الله فالعباد المؤمنين الصالحيني = وعظم الله اجرنا في حاكمٍ مافيه زيّه

والعوض في راس ابو متعب اكعام العايليني = حاكمٍ رايه سديد ولا أحتمى الموقف بليّه

حبّ عبدالله زرعه الله بقلب الطيبيني = و حيّ ابو متعب ومنهو مثل ابو متعب ياحيّه

بايعك شعبك وحب الشعب في قلبك رصيني = وكلنا من دون عبدالله قواعد عسكرية

والولي العهد تجديد الولاء حبله متيني = ومن محبتنا لسلطان الكرم نغلي سميّه

عشت ياسلطان ابو خالد ملاذ المعسريني = سعد منهو ضامته بقعاء ولا له مقدريه

دام عز المملكه على مدارات السنيني = والله يخلي هل العوجا لها والنار حيه

وعطّر الله قبر أبو فيصل فقيد الأمتيني = وأسكنه جنّات عدن الليّ منازلها هنيّه

بروق السحايب

02-02-2007, 03:43 PM

اتيت للتحيه لهكذا فكر :)

وهكذا موضوع000:)

سراااااااااااااااب شكراًً لك من القلب00

وسيكون لي أكثر من عوده 00

هلاااا بك طال عمرك

يشرفني ويسعدني مرورك

بانتظار عودتك وهطولك الماطر ياخالد ماطر :D

بروق السحايب

02-02-2007, 03:56 PM

حايرة

أشكرك على مشاركتك لشاعر جزل في فقيد الأمة خادم الحرمين رحمه الله تعالى وأحسن إليه

مهما قيل وما سيقال لن يصل لمستوى الوفاء لهذا القائد الراحل

فمازالت القلوب منكسره لفقده ومازال القلب يتفطر ألما لفقده

هنا أضع بين أيديكم مرثية تركي الزلامي في والدنا فهد بن عبدالعزيز رحمه الله وغفر له

*** ياليت صدري قبر في ساحة العود ***

http://www.q8boy.com/uploads/56ec22739c.jpg (http://www.q8boy.com)

ياليت صدري قبر في ساحة العـود=واحضن به اللي مات في يوم الاثنين
لجل الفخر والمجد والعـز والجـود=يبقى بصدري حافضه بين ضلعيـن
ماقلتهـا للمـدح والذكـر والـزود=هـذا شعـور ولازم يشـع ويبيـن
حبي لشخصه مايبي حلف وشهـود=تشهد دموع جرحـت مقلـت العيـن
هليتهـا والنـاس هجـاع ورقـود=ماحد درابـي غيـر رب المصليـن
يالله ياغـفـار ياخـيـر معـبـود=ترحـم فهـد وتسكنـه دار عليـن
في جنة الفردوس والطلـح منظـود=وتزوجه يارب من حـورك العيـن
عيشة نعيم وحولـه الظـل ممـدود=ينعم بها وتجمع معـه كـل غاليـن
لا ياوجـودي كـل ماذعـذع النـود=وذكرت بانه صار مابيـن نصبيـن
وجد تعدى الوجد ماهـوب محـدود=تضيع بقياسـه جميـع الموازيـن
لكن عزاي ان البطل فيـه موجـود=يكمل لنا المشوار في نصرت الديـن
راح الفهد لكن بقـى غيـره فهـود=كل مارحل سلطان يبقـى سلاطيـن
عبدالله اللي لازبـن كـل مضهـود=يشكي زمانه راح طلق الحجاجيـن
وسلطان ياقف في حمى الدار ويذود=كم مـرة كحـل عيـون المعاديـن
نعمه وامان ومسلك الشـر مسـدود=من حكم ابو تركي ليا وقتنا الحيـن
يامملكتنا عيشي ارسى مـن الطـود=وكل البشر من خلقة الارض فانيـن
مافيه نفس الا لهـا يـوم موعـود=وجه الولي باقـي وغيـره موليـن
ودام الفهد باقي ولا هـوب مفقـود=بقلوبنا لو مـرت اسنيـن وسنيـن
ياليت صدر قبر في ساحـة العـود=واحضن به اللي مات في يوم الاثنين

محمد الفرحان

02-02-2007, 07:42 PM

.

.

هنا شاعر المنابع الأدبية / عبدالله المطرفي

يرثي الشيخ زايد بن سلطان آل نهيان :

الطيب يبكي / والكرم صار مجروح"="راح الزعيم اللي كسته الشهامه

ابكي صحيح ودمعتي حزنها إيلوح "=" ماهي اغاني حزن راغب علامه

ياصوت قلبي / يابشر صار مذبوح"="طاح الزعيم وطاح شيخ الزعامه

في موتته طاحت / ميادين وصروح"="وفي غيبته يبكون كل اليتامه

عز الله انك بين الاجواد ممدوح "="يبكيك طفلاٍ ماتعدى فطامه

المرجله ماهي سواليف ومزوح "=" المرجله حرب ٍ سماها عتامه

خضت المراجل بحرها طاغي الشوح "="تمثال جودك لابسٍ له عمامه

محمد الفرحان

02-02-2007, 07:45 PM

.

.

ومرثية ثانية في الشيخ زايد لشاعرنا / عبدالله المطرفي

ياشيخ زايد رافقك قلب وجروح"="وغّسلك ربي بالبرد والسلامه

يبكيك شيخٍ يشهق الروح بالروح"="تطيح هام وترتفع الف هامه

رحماك ربي نزحّه خير منزوح"=" في جنة الفردوس ترقد عظامه

لا لا تلومون الصدى كان بانوح"="علام دمعي يابشر وش علامه

غديت في بحر المتاهات مطروح"="اللطم خدود الفقر !! واللعن ظلامه

ماعاد صدري يابشر صار مشروح"="تخنقني العبراات !! وأذكر كلامه

قال اولدي !! الله خلق للزهر فوح"=" فوح الولد يابوك !! صقلت !!حسامه

وخذ الصبر يابوك من سيدك نوح "="وترى الجهل يابوك !! طاغي !! غمامه

محمد الفرحان

02-02-2007, 07:46 PM

.

.

وهنا ابيات للشاعر عبدالله المطرفي :

في موتته يفرح / بخيلين وشحوح"=" وتبكي على فرقاه تبكي الكرامه

يارب / اذا ناديت وأعطيته اللوح"="عط ابيمين الشيخ يوم القيامه

ياشيخ زايد يلتهج صوت مبحوح"="يارب يامعبود أرفع مقامه

ياليتني قبل الخبر كنت مذبوح "="ومن لامني جعل اتغشاه الملامه

الشيخ زايد موتته تنزع الروووح "=" وش علم صدري آه مادري علامه

محمد الفرحان

02-02-2007, 07:48 PM

مرثية في الشيخ زايد لشاعر المنابع الأدبية /

عبدالرحمن العمري :

شـقـيـت لـــه ثـوبي و ناديــت..نــاديت =يـا ربّ سـاعـدني و يــا نـاس تـكفـون

عـزاااااااااه يـا قلبـي و يــا قـلـب عزّيــت=وجـدي علـى قلـبـي بسيفـيـن مطـعـون

دنيــاي تـغـدر عـلــى غــيـر تـوقيــت=و الـحـظ عانـدنـي و ســوّد لـي اللــون

حطّـتـني الـدنـيـا عـلـى كـف عـفـريـت=و الـجـانّ لامــنّـي تـنـهـدت يبكــون

مـا بـيـن كفـيـن الـقـدر صـرت تشـتـيـت=يا من جمع بعضي على بعـض بـكْـفــون

لـفّـيـت بــديــار الـشـقــى ثــــمّ لـفّـيــت=و اصبحت لديار الشقـى رمـش و جفـون

عاينت في شمس الضحى ليني اعمِــيت=و اقبـلـت فــي دربٍ بـه الـنـاس يقـفـون

شبّيـت مـن نــار القـهـر صــدر و اطــفيت=و الضـلـع كـسّـرتـه عـلـى الـنـار بالهـون

مــن أول ابـيـات الـهـوى شـدّنــي بـــيت=ليـن آخـر ابـيـات الـهـوى صـرت مجـنون

من ثانـي ايديـن الزمـن خـذت و اعطـيــت=و اصبحـت بيـديـن الـزمـن خارج الكـون

مــن ثـالـث ايــام الـعـزااا و الـوفـا مــيت=آخـــر وفِـــي مـــات و بقى من يخـونون

مــن رابــع اركـــان الـبـنـا هــدّت الـبـيـت=ريــحٍ كـمـا بـحــرٍ لـطـم خـــدّ فـرعــون

من خامس عيوب البشر عيبـي اخطيــــت=مــا خـنـت خــلٍ لــي ولا قـلـبـي يْـخـــون

فـي سـادس سنيـن العـمـر مــا تهنّــيت=تبكيـنـي عـيـون الـهنـا و ابـكـي عـيون

فــي سـابـع بْـحـور الـعـنـا كـــم تعنّـيـت=ا والله اضـعــاف الـبـشــر مـا يعـانــون

فــي ثـامـن ابــواب الجحـيـم استهـلّـيـت=و بْثـامـن ابــواب الجـنـان اطـلـب العـون

مــا عــدّد هـمـومـي ولا قـلـت عـدّيــت=تعـدادهـا{زايـد} عــن الـفـيــن مـلـيـون

محمد الفرحان

02-02-2007, 07:49 PM

.

.

ومرثية في الشيخ زايد من شاعر المنابع الأدبية /

سعود المحجان :

جات الهجوس وخلفها جيش جرار=من صوتها تبكي و ترثي سموّه

الله اكبر من سمعت الخبر صار=صار الخبر ولا بعـد تـو ّتـوّه

هذا صحيح الشيخ قفى عن الدار=راع الكرم والجود شيخ المـروّه

هذا صحيح الشيخ قفى عن الدار=راع الوفا نسل الرجال الحمـوّه

هذا صحيح الشيخ قفى عن الدار=الطيب من كفه على القاع روّه

مثل سحاب الخير لاجاك مدرار=يروي هشيم القاع مـن زود نـوّه

يرثيك رجلٍ ناقل الحر صقار=يرثيك نبـع الطيـب ياخيـر خـوّه

يرثيك رجلٍ غنه في زين الاشعار=عقب المزاج اللي تعكّر صفـوّه

مرحوم يانبع الوفا سيد الاحرار=يالله عسى الفردوس جوّي وجّوه

وختامها صلواّ علي سيد الابرار=محمـد المبعـوث خيـر النبـوّه

محمد الفرحان

02-02-2007, 07:50 PM

.

.

ومرثية لشاعر المنابع الأدبية مبروك بن ماضي :

عــلـم لـفى يـــوم الــــثـلاثــاء بـنــشــرات = الاخـبـار0 وا شـعـل وسـط جــوفي وقـايــد
يـاعـيـن هــلي واذرفي الــدمـع عـبـرات = عـــلى زعـــيـمٍ راح مـاهـــــوب عـــايــد
لـيــت الاجـل عــنّـه تـخــطى لـعــشـرات = مــامــن ولايـتـهـم صــــــلاح و فــــوايــد
وسَـلّم لـنـا بــانـي صــروح الحـضـارات = الــلي بـفـضـلـه أصـــــبـح الجـــهـل بــايــد
شـيخ رحـيـلـه صـاب الامــه بـحـسـرات = عـقـبـه. وصـار الحـزن في الـنـاس ســايــد
الله . يــعـّظـم اجــــر شــعـب الامــارات = ويحـسـن عــزاء الامـه في الـشـــيخ زايــد
شــيخٍ ســما بـالـطـيـب فــــوق المـجـرات = صـــنـديـد تــتـعـب في رثــاه الـقــصـــايــد
تـصــغـر وتــتـقـزم جـمــيـع الـعـــبـارات = في وصـف شــيـخٍ في ســما الـمجــد رايــد
عـالي شـــمـوخـه في زمـن الانـكـسـارات = لـلـجـود والـمــعـروف قـــد لــه عــوايــد
ماهــو مـن الـلي يـرفـعـــون الــشـعارات = ولاّ عـــلى بـعــــض الـقـضـــايــا يــزايــد
عــنـد الـدول: تـقـديـر لــه واعــتــبـارات = في الـكـون. مـأيـحــظى بـهــا أي قـــايــد
فــي كل مجـــال يـحــقـق الانـتـصــارات = ذخـــر الـعــرب دايــــم بـوقــت الـشــدايــد
لـه فــي الـســـيـاسـه والكــيـاسـه مهارات = ولـــه حـكــمــةٍ يــســــهـل لــهـا كل كايــد

يـارب تــســـكـن زايـــد الخــــيـر جــنـات = وتــنـزل عـلى قـــــبـره ســـلام وبـرايــد
ان كان حــســن الخــاتـمـه لـــه أشــارات = احـســب لـه الـعـــشـر الاواخـــر شهايــد

محمد الفرحان

02-02-2007, 07:51 PM

.

.

وهنا شاعرة المنابع الأدبية / دموع الورد ومرثية

بالشيخ زايد بن سلطان رحمه الله :

يا حزن شق صدور شعبه..وشوفه = سمح المحيا..نابض بصدق وايمان

شوفه حبيب الشعب رافع كفوفه = من بين كفينه..نبع حب الاوطـــــان

ياموت لو حــلّيت..تبقى طيوفه = يبقى غـــلاه بوسط قلبٍ وأعيــــــــان

يبقى بشفاه اطفال بإسمه شغـوفه = يبقى برمال اوطان للــــعز ميـــدان

يبقى الحبيب اللي نعدد وصوفه = يبقى مشاريف الوفا ســرّ الاحســـان

تلقاه اســـم ٍ ما نكرنا معروفه = تلقاه حكــمه بالدّ هر وقت الامحــــان

تلقاه كــفّ ٍ لليتامى عطوفه = وتلقاه صدر ٍ يحـــتوي كل شفقـــــــان

تلقاه شعر ٍ بارق ٍ في حروفه = تلقـــــاه معنى للمفــــاهيــم عنــــوان

وتلقاه ظلٍ نلتجي في ريوفه = وتلـــقاه نورٍ ضمّنــــا فرح واحـــــزان

ياموت كنـّا انخاف انك تلوفه = والكل يـجزع لو عرفــــناه تعبــــــان

الكل يسعى باســطٍ لك كفوفه = لو كان أمر الموت بيــــدين إنســـــان

ياموت بك آمنت ودربك يطوفه= كل البشر مايعرف اعموم واعيــــان

مرحوم يادرع الوطن يا سيوفه = عسى ترابك نور من روض الاجنان

عساك جار المصطفى في صفوفه = في جنة الفردوس في ظل رحمــــــان

محمد الفرحان

02-02-2007, 07:52 PM

.

.

ومرثية ثانية لشاعرتنا / دموع الورد

يارب بك آمنت..وباقدارك آمنت = وانت الوحيد اللي حنينا له ارقاب

يارب صبرك ان تزلزلت او كنت = أضعف من اني احتمل موت وغياب

يارب بك آمنت وباسمك تطمنت = لو هالمصاب أكبر من عقول و ألباب

يارب ياك اللي بفعله تأمنّت= ياك الحبيب اللي غدينا له احباب

ياك الزعيم اللي وهبته وأمـّنت = انه بدينك يروي اقلوب واشعاب

ياك الذي باسط يمينه بما احسنت = ذاك الكريم اللي به الخير منساب

والله لولا اني بديني تحصـّنت = لكان حزني شرّع ابواب وابواب

ياوقت اشوفك من بعد هامته شنت = كني اشوف الفرح في ناظرك شاب

الله ياجرحٍ بقلبي تمكـّنت = حتى الصبر في حزّة الجرح ماطاب

الحزن اسرف ماعرف رجل او بنت = شوف الطفل يبكيه والكهل والشاب

يابوي انا لو اظلم الوقت لك صنت = صنتك مناهج دون اوراق وكتاب

لانك معالم للوفا والوفا انت = كل المكارم تنتهج درب ماخاب

يابوي في وقت العجب ماتلونت = لو كلهم يصغون بالسمع لاجناب

يابوي كنت العز وبالعز زيّنت = ارضك وشعبك عانقوا طيب سحّاب

يابوي ودّعتك رحيم ٍ وايقنت = انك في ظل العرش في كف وهـّاب

محمد الفرحان

02-02-2007, 07:54 PM

.

.

ومرثية ثالثة لشاعرة المنابع الأدبية / دموع الورد بالشيخ

زايد رحمة الله عليه :

منك العذر ياعيد في بُـعد الافراح= هالقلب مابه غير حزن ٍ مكايد

مابه سوى دمعات وآهات وجراح = مابه سوى غصات والصمت سايد

كل الفرح في غيبته ودّع وراح = بالله كيف العيد من غير زايد ؟؟؟؟؟

العيد كان بشوفة الكف لوّاح = وبسمة محيا حولها الكل عايد

ياعين شعبك يا مشاعر وارواح = يانبض قلبٍ بعد شوفك وقايد

ياصوت طفلٍ ارتفع وقت الاصباح = عيشي بلادي عاش هالحر رايد

العيد عاد ودمع بالعين نضّاح = في كل يوم الشوق فينا يتزايد

بالله كيف العيد من غيره افراح؟= وبالله كيف العيد من غير زايد ؟؟؟؟

محمد الفرحان

02-02-2007, 07:55 PM

.

.

قصيدة لشاعر المنابع الأدبية / عواض عبدالرحمن الشهيب

ورثاء في الشيخ زايد بن سلطان آل نهيان رحمه الله :

ياسنام المجد .. وظهور الخيول المسرجات =يا ثرى السبع العزاز .. ويا شراع الجيلبوت

يا زمان المال واليامال في ملح الشتات =يا بحر يا لول يا مرجان يا قناص حوت

يا حجر ( قصر الحصن ) يا ساسه العز الثبات=يا سنين اول حياة الشيخ برهان وثبوت

يا دروب الخير وايمان الشيوخ الطايلات =يا كرم حاتم وضيفانه كبيرين البخوت

يا خليج الخير يا بيض السيوف المرهفات =يا حماة الدين والأعراض بيضان البشوت

من يقول الشيخ زايد مات لا والله ما مات =مايموت اللي بناء مجد وحضارة ما يموت

وان رحل عنا الجسد والروح تبقى الذكريات =في قلوب المسلمين وكل بيت من البيوت

محمد الفرحان

02-02-2007, 07:57 PM

.

.

وهنا شاعر المنابع الأدبية / صالح مصلح الحربي

يرثي الشيخ زايد رحمة الله عليه

فقدان موقف / قبل / ما نفقد الروح= فقدان طيب / وطيب / هالشيخ زايد

فقدان عز ٍ / عقب / فرقاه مطروح = فقدان قايد / كل ما تقول قايد

فقدان فارس / عزّز / لمجده صروح=فقدان / رجال السلام / المحايد

فقدان وافي / للعروبه / وممدوح=فعله / أليا شدت / عليها شديد

راي ِ سديد / وكلمته / صادقة بوح = قلب ٍ كبير / ويحتوي / هالبدايد

شوفه بعيد / ويعطي / العلم مشروح = جمايله / بانت علي / راس نايد

شعر ٍ / ماياقف له / مقدر ومسموح =يتعب مداد / الشامخات / القصايد

يكفي بلاده / عانقت / قمة اسفوح= وتكفيه دعوتها / هي / أصدق شهايد

بليلة عشر / اللي لها / الباب مفتوح=الله يغفر / له / نهار الوعايد

في جنة / الفردوس / يسكن ومبيوح = يغفر خطاه / ولا / تجيه الوقايد

ياعيد باقبالك / تبي / تنقض جروح= مالك معايد / عقب / فقدان زايد

بروق السحايب

03-02-2007, 08:20 PM

أستاذ محمد الفرحان

غيمة ماطرة هو حضورك بكل مكان تتواجد به

كل الشكر لك أستاذنا على ما أسهمت به من مشاركات رثائية

في القائد الوالد زايد آل نهيان رحمه الله

موته أثار حروف الشعراء للترجم مشاعر الحزن والأسى التي وجدها كل محب له في مشارق

الأرض ومغاربها

محبة اكتسبها من الجميع وهو أهل لها

رحمه الله وأنزله فسيح الجنان برحمته وفضله .

لاهنت ولا هان حضورك

قديم الشوق

05-02-2007, 02:15 AM

أختي الغالية / سراب ..

صباحك عطر

وألف شكر لك على هذا الموضوع المتميز

والفكرة الأكثر من رائعة

ولي عودة قريبة

وتقبلي خالص تحياتي

أخوك / قديم الشوق

بروق السحايب

06-02-2007, 06:04 PM

أختي الغالية / سراب ..

صباحك عطر

وألف شكر لك على هذا الموضوع المتميز

والفكرة الأكثر من رائعة

ولي عودة قريبة

وتقبلي خالص تحياتي

أخوك / قديم الشوق

مرحبا بك اخي قديم الشوق

ليس أروع من ذوقك وتواجدك شيء .

ونظل دوما بشوق لعودتك وتميز مشاركاتك

بروق السحايب

10-02-2007, 05:14 AM

وهذه قصيدة رثائية لرشيد الزلامي في أخيه الذي توفي في أثناء غياب الزلامي بالخارج :

الله مـن دمـع عيونـي تهلـه=والله من ليل طويـل قضيتـه
أونس بحجر العين مثل الأخلـة=وأمر على رب البرية شكيتـه
وياقلبي اللي نار بقعـاء تملـه=جرحت قلبي يالزمان وكويتـه
بفرقا عضيدي دبة الدهر كلـه=لو انها فرقـى سنـة مابكيتـه
سافرت وأنا خابره فـي محله=ورجعت من هاااك السفر مالقيته

بسـام بن عبدالعزيـز

13-02-2007, 09:16 PM

السلام عليكم

http://ccs.jeeran.com/p2.gif

حضرت ومعي من حـزن الصديق الشاعر/ خالد القحطاني (وجد الكتابة)

هذه القصيـدة

.

http://almeshal1.jeeran.com/labaihyomma1.gif
http://almeshal1.jeeran.com/labaihyomma2.gif
http://almeshal1.jeeran.com/labaihyomma3.gif

http://ccs.jeeran.com/p2.gif

رحمها الله وأسكنها فسيح جناته

وجميـع أموات المسلميـن

بروق السحايب

14-02-2007, 11:41 PM

بسام بن عبدالعزيز

لا أجد ما أشكرك به من كلمات تعبر عن امتناني لهذا النقل المميز

وبتلك المشاعر الحزينة الصادقة

وللأسف إني لم أطلع عليها مسبقا

جزاك الله خير أبو غلا

والله يرحمها وأموات المسلمين

وفقد الوالدين ما له عوض

لكن العوض على الله منه

إيمان السعيد

02-03-2007, 02:32 AM

نقل أدبي مميز

تسلمين سراب لهذا

المجهود الرائع

مودتي وتقديري

إيمان

مزون المحمد

15-03-2007, 04:58 AM

سراب

يعطيك العافية على هالموضوع الجميل

وعسى أن أعود بشيء يستحق في وقت لاحق

لاهنتي

بروق السحايب

17-03-2007, 02:46 AM

نقل أدبي مميز

تسلمين سراب لهذا

المجهود الرائع

مودتي وتقديري

إيمان

إيمان السعيد

سرني مرورك هنا

مودتي لكِ

بروق السحايب

20-04-2007, 01:20 AM

من يلوم العين لو هلت لدموع =ومن يلوم القب لو كفخ وصاح
لي حبيب راح ماطري الرجوع = ليتني ودعت زوله يوم راح
آه من قلب كفخ بين الضلوع = مثل كفخ الطيرمكسور الجناح
ليتني وسط الخلا اعطش وأجوع = ولا سمعت اللي نعى ذاك الصباح
ساهرة يا سعود والعالم هجوع= ليت منهو مات قبلك واستراح

البندري بنت عبدالعزيز

محمد الفرحان

30-04-2007, 05:38 AM

.

.

رثائيات في الشيخ جابر الصباح

1

جنّبت لكن ماعـن الحـزن مجنـاب=كنّ الحزن منسـوج داخـل مَعَمّـي
وانا من اول ماحسب لحزني حسـاب=لو كان مابـه هـم ويفـوق همّـي
وياجفن عيني شرّع لدمعـي البـاب=يمكن يخفّف بعـض همّـي وغمّـي
ولاتنحرج لامن غدا الدمـع سكّـاب=وشافك بعيد الحيّ والا ابـن عمّـي
واليا نشدك اشرح له وقلّـه اسبـاب=همّك ومااسْـرع مابكـا واستهمّـي
لَنّ الفقيده غير من غُـرْب واقـراب=ومحبتـه فـي كـل قلـبٍ تعـمّـي
ولو آصفه بكتاب وكتـاب وكتـاب=جفّ القلـم واحتـار تعبيـر فمّـي
هذاك جابر شوق تلعـات الارقـاب=حاكم حكيـم وبـال***** ملِمّـي
رمزالوفا و الطيب فكـاك الانشـاب=سقم الحريـب اللـي يدينـه تخمّـي
لاجا نهـارٍ فيـه تحتـار الالبـاب=يسقي عـدوّه كـاس علقـم وسِمّـي
لبّس كويتـه بالفخـر كـل جلبـاب=وامّن بها مواطـن وسايـح وذمّـي
عنّا رحَل ووالموت مَضْرِبْه لاصاب=ماهـوب لايخطـي ولاهـو يِزِمّـي
امقدّره منـزل تبـارك والاحـزاب=ربٍّ بإسْمـه كـلّ خلقـه تسَـمّـي
آمنت به وبماقضـى رب الاربـاب=وادعيـه يكشـف همّـي المدلهمّـي
وياشعر في ماقفك لاصار غصّـاب=تعـال يـاراع المواجيـب يَـمّـي
وعزّ الكويت ديار عربين الانسـاب=دارٍ غلاهـا فـي شراييـن دمّــي
وعزّ الثلاث ابراج مع عالي اطنـاب=قصـرٍ بدسمـان الشمـوخ متسَمّـي
وعزّ الشعوب المسلمه حضر واعراب=وعزّ الخليج ومـوج بحـرٍ مطِمّـي
وعزّ الخيول الصفر وسيوف وحراب=اللـي بـدمّ المعـتـدي تِسْتحـمّـي
وانا عزايه فيه مـن عقـب ماغـاب=حـبٍّ تبعثـره الضلـوع وتلـمّـي
يبقى بصدري عالي اركان واطنـاب=ويكفي غلاه وشعبـه بجـوف دمّـي
(( محمد القثامي ))

محمد الفرحان

30-04-2007, 05:40 AM

.

.

2

البقـا للله والراحـل فقـيـده=والفقيده كـل مخلـوقٍ درابـه
جابر اللي يمسح الدمعات بيـده=عن عيون الشعب مهديهم شبابه
همه ان الناس بالدنيـا سعيـده=لين خلا شعبه الوافـي قرابـه
يرحمه رب السما محصي عبيده=الله اللي حطلـه قـدر ومهابـه
في قلوب الناس والدم ووريـده=اخو مريم ساس منهين الطلابه
بالكويت ونجد وديـارٍ بعيـده=تبكي اللي بالوفاء ماصك بابـه
رحمتك يامحيي اعضامٍ هميـده=تجعله بالخلد بديـار الصحابـه

فازع الرشيدي

محمد الفرحان

30-04-2007, 05:41 AM

.

.

3

ياعلـم رفـرف تـرا مـامـات جـابـر = حي بارواح ٍ تضمه في جسدهـا

ياعلـم صيـتـه عـلـي روس المنـابـر= من عرف سيرة ابو مبارك حمدها

رِفعـت الاقــلام وارتفـعـت محـابـر=حي ذكره لوتوسـط فـي لحدهـا

ياعلـم وش انـت عـن هالشيـخ خـابـر =سولفه للي خفـا علومـك نشدهـا

جـابـر العـثـرات للعـثـرات جـابـر =وقفته تِعرف ولايحصـي عددهـا

رمـز عزتـنـا وحـنّـا بــه انكـابـر= مانست هالارض لِه سجده سجدها

مـدّتـه للطـيـب ماتِشـبـر بـشـابـر = انشد كفوف تغـذّت مـن رغدهـا

الارامــل واليتـيـم وكــل عـابــر = والعجـوز اللـي تنكّرهـا ولدهـا

والفقيـر اللـي علـي اللوعـات صـابـر= وكل منهو يشتكي ضيقـة نكدهـا

والبـلاد اللـي عليـهـا الـعـوز ثـابـر= والشعوب اللي تشكيّ مـن لهدهـا

ويوم ضـاق الشعـب فـي كـل المعابـر = مد كفين العطـا وكـل ٍ شهدهـا

وراح يركـض مــن ورا داره يثـابـر = لين رد الدار واوفي فـي وعدهـا

والكويـت بعهـد جابـر بـنـت اكـابـر =شامخه والمجد تلعـب بّـه بيدهـا

مجدهـا لاِمـع ماتعشـق مـجـد غـابـر= سطّر التاريخ باسطـورة بلدهـا

يـاالاهـي رحمـتـك للشـيـخ جـابـر = ياوسيـع المغفـره بِيـدك مددهـا

ياعظيـم الشـان عفـوك فــي المقـابـر = يوم ضمت جابـر الخيـر بلحدهـا

.
.
.

صـالــح مـصـلــح الـحـربــي

محمد الفرحان

30-04-2007, 05:44 AM

.

.

4

نصف ال(يناير)..نصف(ذيْ الحِجَّه)! دَريَت..أيَّت دريَت؟!=ألاّ فُجَعْت..وزُلـزِلَـت أرضـي..وبـرق الـهَــمّ لاح

في عـام ستّـه بعـد الالفيَـن! إنطفـى بالكـون ليَـت!=نَجـمٍ ذبَل...وَجـه الظـلام ارخـى لثامـه ثُـمّ شـاح

وبالستّـه وعشريـن والأربـع ميـه والألف..(لـيَـت)=مـع (لـوّ)..! ماتنفـع بَعَـد نَشْبَـت أظافرها..وطـاح

ظلعٍ..سجَد بـالأرض وإحظنتـه ولـه سمعـه وصيِـت=وتزيَّنَـت بـه واَخضَـرَت بـه كَـنّ كاسيهـا وشـاح

يـالزايـر اللـي بالخبـر صبـح الأحـد يَمّـي لفيَـت=ياخي(صباح الخيـر) كيـف إتقولهـا؟! أيَّـت صبـاح!

وشهي صباح الخير!..ياللـي بـاسـوأ الأخبـار جيِـت=أستَغفـر الله...راح كـل الخيـر مـع مـوت الصبـاح

غلطان..ياخـي قل(معَـوَّض خير)..ليتـك ماحكـيَـت=ماتدري إن الصمت بعـض احيـان مرغـوب ومُبـاح!

يـارب لاتكتـب عـلـيّ الذنْب..بحـمـاك إلتجـيـت=إغـفـر ذنــوبٍ خافيه,والبيّنـه..مـنـك الـسـمـاح

اللهُ أكـبـر..لا إلــه الاّْ انـــت يامُحيي,مُـمـيِـت=ياحيّ,ياقيّـوم,يـاعـالـي..ولادون ـك ســـنـــاح

ياواحـدٍ تعطـي مـن افضالك..وتـاخـذ ماعطـيَـت=وإتـبَـدّل العُـسـرى بيُسرى,والـكَـدَر بالإنـشـراح

لَـك ماعطيَـتـه يارَفـيـع المنزلـه..لَـك ماخـذيَـت=لَـك كُــلّ مانملك..لَـنـا لطفك,وهديَك,والـصـلاح

ويامَـن تقول(إطلـب ياعبدي,واَستمـع لـك لادعيَـت)=ندعيـك وايديـنـا رفعناهـا..وكـلّ الـدمـع ســاح

بقلـوب كـلّ المُسلميـن الـلـي لبلـواهـم رضـيَـت=نطلبـك تخفـيـف الألم..وإتـزيـح هَــمٍّ مـايُـزاح

ياجـابـر المكسور,يـامَـن للمخـالـيِـق إبتـلـيَـت=ولازادت البلوى!..تفـرّجـهـا وكـــل الـهَــمّ راح

إجبـر مُصيبتنـا بـ(جابـر كـلّ عثـرات الكـويـت)=الشيخ,والإنسان,والمحـبـوب,والـوَجـه الـسـمــاح

حَبـيـب شعبه,والخليج,..وبالعرب..حـبّـه رأيَـــت=بوجيههم,بـاصواتهم,بقلوبـهـم..والـسَـدّ بـــــاح

والمُسلمـيـن بحزنـهـم! تـوَحَّـدوَ بـيَـتٍ وبـيَـت=أعظـم تكاتُف,وإتـحـادٍ للعـرب,واقـوى ســلاح!!!

في موت جابر! عـادت الوحده..وفـي حزني!..بغيَـت=افـرح بوحدَتهُـم.. واثَـر طعـم الحـزن سـمٍّ ذحـاح

موته! رسـوب إبـمدرَسَـة كـلّ العرب..لكـن لقيَـت=إنه..قِـدَر حتـى بموته..للـعـرب يصـنـع نـجـاح!

نَعَم..وهـاذا يَتَّضِـح مـن بعـد ماشـفـت وقـريَـت=!توَحَّـدوَ كــلّ العرب..(حزن,وتشـابُـه بالـجِـراح)

لله درّك مــن بَطَل..حـتـى بمـوتـك إمتـطـيَـت=صهـوَة جواد..إتلـمّ شمـلٍ منتثـر عـبـر الـريـاح

مرحـوم يـابـادي بنخوَه..وإنتهـيَـت بـمـا بـديَـت=نخوَه,وطيب,ومجـد للباديـن مــن بـعْـدِك مُـتـاح

للمُسلمين,ووللعـرب جمـعـاء, وإلـشعـبـك بنـيَـت=أمجـاد مشهودَه,ومعـهـم للفـخـر تبـنـي صِــراح

معْك! إعتلـى دَسمان..وانتـه! فـوق دَسمـان إعتليَـت=يـاروح شعبك,قلبـه النـابـض, وياسـتـر الـمـلاح

يالـعـاهـل الـلــي بالإراده,والعَزيمه.إحتـمـيَـت=محبوبـة الشعـب الخليجـي..مـن عَمـيـلٍ إستَـبـاح

لحدودها..وانـتـه وقـفـت إلـهـا بعزم..ولاثنـيَـت=ساقـك..ولا طـاب إلـك زاد ولاطـعـام ولامــراح

وللمعظلـه شَمَّـرت عـن ساعِدْك..للحمـل إرتكـيَـت=وكافحْـت وانتـه صامـل الزنديَن..يانـعـم الكِـفـاح

ينظـر لـك العالـم بعيـن إعجاب..وشلـون إحتويَـت=للموقـف المُذهِـل؟!.. ومـن فعلـك كسبـت الإمتـداح

ولاخاب ظنّـك فـي رجـالٍ جيـت ناصـي وإنتخيـت=بعروقـهـم دمّ الحمَـيَّـا ضَــخّ بالفـزعـه وفــاح

معـك معك..ياللـي (نخيَـتـك فـالقدايم)..وإعتـزيَـت=ابشر يـاخو مريَم..بـاخـو نـوره وبقلـوبٍ صحـاح

ولَجَّـوَ بعزوة(جارنـا ياعـيـاااال) كــلٍّ مستمـيِـت=جار,وفضـل سابـق.. ولا نجـزاه بكفـوفٍ شـحـاح

ليـن إستقـرّت وإستـوت لك,وانـت للعلـم إستـويَـت=وإعن الوَعـر ساويَـت هيبتهـا علـى الأرض البـراح

ويهـل الكويـت أشعـر بتقصيري..ولـوّ إنـي بقيـت=اكتب سنَه..عَـن مـا بداخـل مهجتـي حـزن ونيـاح

الموقـف! اكبـر منـك يافكـري وياهَجـسٍ طـريَـت=مهمـا تجلَّـت صـورة التعبير!..مـاشعـر بـإرتيـاح

وياشعر..لايمكـن توفـيِّ لومشـيَـت ولــو عـديَـت=ترقـى جبـل شاهِق..ومـن عاليِـه تُرمـى بالـرمـاح

والواجب! انصى الواحـد المعبـود وإلـفضلـه رجيَـت=عَــدَاد مـانـودي بـ(حـيّــا للصلاه,ولـلـفـلاح)

إنـه يكـرِّم جابـر الأحمـد ويجـعـل لــه مبـيِـت=فـي جَنَّـة الفردوس..ويدلّـه علـى الحـوض القـراح

ومـع المياميِن,الكِـرام اهْـل البَخَـت! يصبـح بخيِـت=ومـع كـلّ راعـي خيَـر فـالجَنَّـه تهنّـا وإستـراح

ندعـي ياجابـر كلّنـا: جعلـك تلاقـي مـاشتهـيَـ=تويظلّـك اللْـه تحـت ظِلِّـه فـي نـهـار الإجتـيـاح

آميـن رَدّدهـا معـي يالـلـي لـوَجـه الله نصـيَـت=يرحم,ويغفر..للفقيـد الـلـي علـيـه القـلـب نــاح

وتبقـى الكويَـت بعزّهـا ياللـي بَعَـد جابـر وَلـيَـت=أكفـأ خَلَف,لـاعظـم سَلَـف.. يبـدا مسيـره وإفتتـاح

وإكمـال منهَـج عزّ..يامَـن سِـرت بالركـب ومشيَـت=نـعـم القياده,والوَطَن,والشعـب..رفـرف يـاجـنـاح

وإختامها! ظلـعٍ سجَـد بـالأرض لـه هيَبـه وصيِـت=وتزيَّنَـت بالقبر..يَكسـي صدرهـا مـثـل الـوشـاح

وشعـب السعوديـه! يعـزّي بالحـزن شعـب الكويـت=وكلمة(صبـاح الخير)!..اعزّيهـا بعـد مـات الصبـاح

عبدالرزاق الذيابي

محمد الفرحان

30-04-2007, 05:46 AM

.

.

5

مفروض ما ارثيك بحروفي وكتابي=مفروض أرثي الناس ياشيخ جابـر

ما أقول ضاقت من فراقك ثيابـيأ=قول ضاق الكون والكـل خابـر

قـدام موتـك امنياتـي بشبـابـي=أفرح واعيش بقصر مثل الاكابـر

ومن بعد موتك يارفيـع الجنابـي=صرت آتمنى مسكني في المقابـر

ان قلت فيك آشوف أعذب شرابـي=تشهد على قولـي جميـع المنابـر

في عينك اليمنـى حقيقـة سرابـي=وفي عينك اليسرى أصول المخابر

رحلت وأدمت رحلتك ضحك نابي=لامابقى بعدك لـهالضحـك دابـر

انا قبل ما كنـت أصـدّق عذابـي=يومه يهددنـي بشيـب الصوابـر

كنت اتهزّآ فيه مـا أحـدٍ درابـي=اقول له حزنك على القلـب عابـر

لكن بعـد جابـر انشهـد سطابـي=وادري بعد ماغبت ماني بصابـر

ياشيخ كيف آحـث يمّـك ركابـي=بس دلني واجيـك والله لـأثابـر

حبّك لبسني مثـل لبسـي ثيابـيا=حيان أغلط بسمي .. أقول جابـر

بدر بن غازي

محمد الفرحان

30-04-2007, 05:49 AM

.

.

6

وانـا أزمـل حزنـي وخافقـي دار=وأقول نام أبغـى فـرح بـسّ ساعـه
ثار بخفوقي حزن (ماقـط) بـي ثـار=حتـى بعينـي بـان لـيّ إلتيـاعـه
سألت ياحزني (سلاماااات وش صار)؟=وردّ بألم بحري غـرق بـه شراعـه
يابدر .. رمز الطيب خذتـه الأقـدار=يابدرِ مـات آبـو الكـرم والشجاعـه
وشلون تفـرح والفـرح كنّـه النـار=مـدام جابـر منـه وخـذت وداعـه
رديت.. زدني حزن ياحزن وإختـا=ركل عضو أحْزِنْـه ولـدي استطاعـه
ياويل قلبـي كـل مـا أملكـه فـار=كـنّ الزمـن كذبـه وقلبـي إشاعـه
ياكسر ظهري هالخبر غيـر الأخبـار=كني رضيعٍ وأحرمـوووه الرضاعـه
كن البشـر مجنونـه وقلبـي شهـار=والله بلشـت بموقـفـي وإنطبـاعـه
ماجفّ دمعي عن فهد رغم الإصـرار=للحين في صـدري تعـاوي سباعـه
واليوم جابر والنفس بعدهـم (حـار)=وشلـون بتنفـس وهمّـي الشفـاعـه
جرحتنـي ياوقـت والحـول مـادار=وزدت الجروح جروح جرحٍ ذراعـه
أطول من أطول شئ تبْصره الأنضار=وأصعب من اللي صعب يقبل قناعـه
ياشيـخ دربٍ مامشيـت إبـه غـدّار=ياشيخ وصـلٍ ماوصلتـه .. قطاعـه
ماهو غريب تموت بك حتى الأقـدار=كـلٍ يحبّـك بإقتـنـاع وبـراعـه
ياشيـخ تبكيـك المعانـي والأشعـار=ويبكيك عزّ أنتـه زرعتـه زراعـه
ياللي حفظت عهود شعب وعَهَد جـار=ومن ما يطيع بطيـب بيطيـع راعـه
ياللي ألاف النـاس تفديـك الأعمـار=من قبل ترحل أو بعد (سمـع طاعـه)
دار الخليج تنـوح وتنـوح الأسـوار=وياعيني إبكي لـه وهينـي المناعـه
ياحزني إسكنّـي وقلبـي لـك الـدا=رإعبـث بقلـبٍ هـم فرقـاه لاعــه
وان كان حزن إموادعك بـي ماثـار=يالله عسى ما آعيش لو ربـع ساعـه

ايضا لشاعر المنابع
الأدبية :
بدر بن غازي

محمد الفرحان

30-04-2007, 05:50 AM

.

.

7

طاش فكري والقصيد المر عيـا=يكتب من الحزن لافاضت عيوني

طاوي ٍ قلبي رحيل الشيخ طيـا=ولايفيد القول أو تغييـر لونـي

الأمير اللي على عرشـة تفيـا=ما غفى بالظلم مكحول العيونـي

بالعطا والطيـب حايـز للثريـا=ولاوفيت رثاه في صافي فنوني

مكـرم ٍ للجـار مايبديـه سيـا=صادح ٍ بالحق همّال المزونـي

والله الي مرسـل محمـد نبيـا=وافي ٍ بالحكم عـدل ٍ مايخونـي

شيخنا الي يتبع الضميـان ريـا=والأرامل تحت ظل ٍ به سكونـي

الخبر يكوي صميم القلـب كيـا=ياهلي تكفون في دفنـه خذونـي

تاج الحلا

محمد الفرحان

30-04-2007, 05:52 AM

.

.

8

وقع ذاك الخبر ياناس زعزع كـل مافينـي=فجر يوم الاحد قالو خبـر عاجـل وتتليهـا

وفات الشيخ جابر ثم حارت دمعتـي بعينـي=وصارت فيني الدنيا عجيبـه بكـل مافيهـا

قعدت وشفت انا المنظر على الشاشه ينادينـي=وقمت وقلت ياربـي عسـى جذبـه نمشيهـا

ولكن للاسف دمعـي تناثـر فـوق كفينـي=وصدقت الدموع اللي مـن امواقـي اسريهـا

أعزيكـم وواسيكـم وانـا منهـو يعزينـي=منو يقدر يعزي عيني اللـي غـاب غاليهـا

الاياجابر العثـرات تكفـى شـوف يدينـي=تراجف خوف من بعدك وبعدك منهو يعطيها

ترى بعدك يامير الحب خفت كـل موازينـي=وترى بعدك كويت الحب هزت كل مبانيهـا

وترى بعدك انا عطشان ومدري منهو يرويني=وترى بعدك هذيك الارض دارت من حواليها

خساره موتتك ياشيخ لكـن موئمـن بدينـي=واعرف انه امر ربي جموع الحشد يحصيهـا

عسا ربي من انهاره سقـاك وحبـة التينـي=يخليها ثمـارك وسـط جنـات الله حاميهـا

عمر اللهيميد

محمد الفرحان

30-04-2007, 05:54 AM

.

.

9

الله وأكبر يـا قـدر لـو تماديـت=مؤمـن بربـي والمقاديـر قشـرا

فجعة كبيـرة وقعهـا مـا تمنيـت=لا شـك حكـم الله مخطـط ويقـرا

يوم الخبر جاني نهضت وتعزويـت=أكابـد الأوجـاع والنفـس طفـرا

وأخذت لي ساعات ما عاد أنا أوحيت=من كان حولي فيه ما عدت أنـا أدرا

عودت أكبـر ثـم أهلـل وصليـت=سجـدت للرحمـن وأدعيـه جهـرا

مرحوم يا شيخٍ من الحـب خطيـت=في قلوبنا مـا خـذ مكـان ومقـرا

تحت الثرى لو ودعـوك وتواريـت=بأفكارنا تبقـى لـك اليـوم ذكـرا

محبتك مـن كـل شعبـك تلقيـت=طفلٍ صغير وشيخ بسمـك تهـذرا

غرست فينا حبك وغصب صبيـتوسط الصدور محبتـك مـا تعـرا

منزلك من فـوق السحابـة تعليـت=طوعتنا بالحـب مـن دون عسـرا

رمز التواضع طيب الذكر والصيت=والسيرة العطـرة لمثلـك تحـرى

أميرنـا اللـي بالمحبـة تولـيـت=ولايتك ما جـات غصـبٍ وجبـرا

كل البلد تنعيـك يـا مـن تسميـت=بالخير يا جابر على طول تطـرى

مرثيتـك مـا يحتويهـا ولا بيـت=لو بكتب من الشعر مليـون سطـرا

لا شك من ضيقة بصدري أنا أدنيت=المحبرة وأبـا أنثـر الشعـر نثـرا

بكتب قصيدة فيك يا رمز الكويـت=بكتب ودمـع العيـن ينهـل عبـرا

شيخٍ على شعبك من الجـود مديـت=بحرٍ وفيك المـد مـن دون جـزرا

فيك التواضع هال كـل الطواغيـت=اللي محبتهم على الزيـف تضـرى

فالذاكرة تبقـى صباحـي ولمسيـت=أمعطـره ذكـراك مليـون ذكـرا

في سيدي مـن لامنـي لا تباكيـت=جعل المرض يفت كبده مـا يبـرا

يا الله يا اللي فوق عرشك تساويـت=تحط له فـي جنـة الخلـد قصـرا

بدر العجمي

محمد الفرحان

30-04-2007, 05:55 AM

.

.

10

ياليتني فجـر ( الاحـد ) ماتوعيـت=ولاشفت في ( دسمان ) حزن المنابر

قالو توفى ! قلت : انا اللـي توفيـت=القلب يبكـي والمحاجـر .. تكابـر

مدري عقب جابر ؟ اعزيك ياكويـت=ولا اعزي طفل .. ماشـاف جابـر

ابو اليتاما .. راعي الجود والصيـت=مقدم رجال العـز .. مجـد الاكابـر

الطيٌب اللي في كل قلب ٍ بنـى بيـت=وقت ٍ ماعاده فيه ! ذا وقـت غابـر

ماتنسـي يابومبـارك لاطـريـت=في سيرتك جابـر وللكسـر جابـر

ياشعب يومك فـي وجـوده تهنيـت=اليوم ؟ عقب الشيخ ! وشلون صابر ؟

جابر بيبقى حي .. حتى ! وهو ميت=مدام مشهـد ضحكتـه لـه مخابـر

يالوالد اللي مـن حنانـك تقهويـت=محـال يرثيـك الشعـر والمحابـر

ليتك قبل مامـت شفـت وتحريـت=ناس ٍ بكت دفنك .. جموع وطوابـر

ياقبـر لـو انـك تعرفـه تمنيـت=ما ينهري طاهر مثل جسـم جابـر

لو العمر يهدى يابومبـارك اهديـت=عمري وعمر اخواني اللـي تثابـر

الموت عابـر ان رضيتـه وعييـت=الا انت موتك شي .. ماهـو بعابـر

من اول ٍ ! ياحظنا بقربك ان جيـت=والحين في قربك .. ياحـظ المقابـر

مابه محال بذا الزمن شـي ياكويـت=الا انه ؟ ينجب واحد ٍ مثـل جابـر

سعود بن مهدي

محمد الفرحان

30-04-2007, 05:56 AM

.

.

11

القريحة جريحـة والمعانـي تعانـ=يكيف تقوى حروف الشعر تنعى الأمير

كيف يكتب بناني كيف ينطق لسانـي=كيف أوصف شعوري بالمصاب الكبير

يوم حزني بفقـده هزنـي واحتوانـي=وأظلم الجو في عـز النهـار المنيـر

القدر به رضينا وكل هالخلـق فانـي=ولو يغيب عنا جابر باقي في الضمير

ربي إجعل مقره فـي فسيـح الجنـانِ=وياالله إجزه عن الشعب الكويتي بخير

سعود فهاد العتيبي

محمد الفرحان

30-04-2007, 05:57 AM

.

.

12

سافري بالرسالـه ياهبـوب الريـاح=من شفاشيف نجد وناحـري للكويـت
دام حمـل الرسالـه يالهبايـب متـاح=وصليهـا وقولـي كلفونـي وجـيـت
القنـوات شفنـا بثهـا فـى الصبـاح=والبيان الاميري مـن سمعتـه دريـت
مات جابر حبيب الشعب جعلـه مبـاح=ابوالايتام نور الـدار فـي كـل بيـت
مات امير القلـوب المثخنـه بالجـراح=مايفيـد البكـا يالادامـي لـو بكيـت
مات امير الكويت اللي عمرهـا وراح=بعـد صـارت بـلادٍ مثلهـا مالقيـت
دون شعبه قضى طيلة حياتـه كفـاح=مايدور بهـا بيـن المخاليـق صيـت
وقفته يوم صـار الغـزو والاجتيـاح=وقفة الفارس اللـي دونهـا مستميـت
الهـم الله هلـه بالصبـر والارتيـاح=وغفـر الله ذنوبـه كلهـا كمبلـيـت
باسم شعب الخليج نعـزي ال الصبـاح=وكل شعب الكويت اللي من الغبن ميت
وعمـر الله حياتـك ياسعـد بالنجـاح=في قيـادة بـلادٍ فـي كنفهـا ربيـت
انتم اخوان مريـم ياصقـور الفـلاحاسـرةٍ مايفـوز بقربهـا الا البخيـت
وفى النهايه عسى جابر مع هل الصلاح=واحسن الله عزاكم فيه ياهـل الكويـت

هاجد بن جايد العتيبي

محمد الفرحان

30-04-2007, 05:58 AM

.

.

13

لاالـه الاالعظيـم الكريـم المستـعـان=فالج الاصبـاح قـدوس عـلام الغيـوب
احدِ فـردِ صمـد مامعـه فالملـك ثـان=واهب الارزاق رحمـن غفـار الذنـوب
لاعتراض اب ماكتبه الله الباري وكـان=البقـا لله والعمـر باللـوح امحـسـوب
والمصاب اكبر من الشعر لوسحره بيـان=المصيبـه جابرالخيـر واميـر القلـوب
جابر العثرات سيـف العدالـه والامـان=مزبن الشعب الكويتي ليا شبـت شبـوب
اقتبس رايه من الرأس مايرضـا الهـوان=دون شعبه رابط الجاش والرأس امعصوب
ماتضايقنا من العسـر لوضـاق المكـان=والبـلاوي لا بلينـا بهـا عنـا ينـوب
احتوانا صدره الرحب يوم الوقـت شـان=الكريم ابن المكـارم وحـلال الكـروب
انتـزع منـا الـولا بالمحبـه والحنـان=من صفاته حبه الشعب ماهوب امغصوب
عظم الله اجرنا وسكنك خضـر الجنـان=يرحمك رب السمـاوات ياميـر القلـوب

مجعد بن متعب

محمد الفرحان

30-04-2007, 05:59 AM

.

.

14

هيه يا من يفقدك جـارك و دارك=حاضرٍ بقلوبنا يـا ابـو مبـارك

وصّلوا منـي رسالـه للكويـ=تشب يا قلبي من الأضلاع نـارك

لعنبوا ساس القوافـي و القصيـد=كان ما شاركت في مأساة جـارك

يا حبيب الشعب يا عـز الخليـج=يا نظيف القلب و البسمه شعـارك

لو تغيب سنين تذكـرك السنيـن=كل نجم لاح مـا يلحـق مـدارك

في قلوب اهل الجزيره و الخليـج=كل دار صابها ما صـاب دارك

لاعنا ما لاع ابو متعب و اخـوه=ابو فيصل ماخذ ثـاره و ثـارك

نشتكـي لله عــلام الغـيـوب=كيف لا جاء العيد نفرح او نبارك

كيف فبراير يجي ألفيـن و ستـه=كيف لامن طال وقته بإنتظـارك

كيف لامن هلت دمـوع اليتامـى=كيف لامن ما لقينا مـن نشـارك

ما نوفي قيمتك يا ابـن الشيـوخ= ياعسى الفردوس يا جابر قرارك

و الله ان تبقى الكويت(كويت حرّه)=لو تقوم ام المعـارك والمعـارك

عبدالله الدوسري

محمد الفرحان

30-04-2007, 06:00 AM

.

.

15

حل الفراق وهلت دموع الاعيـان=تفجري فـوق الـورق يالمحابـر
جات الدموع تقول: ذا موعدي حان=وانا على العبرات ما احتال اكابـر
ماشفت في فرقا حكومه وشيخـان=فرقاً مثل فرقـاك يالشيـخ جابـر
كن الحزن ليلٍ كسا قصر دسمـان=وكن الفرح شيـخٍ خذتـه المقابـر
عليك هل الدمع ياطيـر حـوران=محدٍ على فرقاك ياشيـخ صابـر
تبكي الكويت جموع بدوٍ وحضران=وتبكي عقب فرقاك كـل المنابـر
ياغيـث فقـرانٍ وياعـز يتمـان=رجل المظاهر غير رجل المخابـر
للشعب عون وللمـروات عنـوان=للطيـب منبـاعٍ وللكسـر جابـر
تاريخك ابيض فاح مسكٍ وريحان=ماهوب تاريخٍ مع الوقـت عابـر
ياشيخ جابر رحت واهديت الاحزان=حتى غدت الاحزان مثـل العنابـر
مرحوم ياشيخ المروه والاحسـان=الله يبيحـك ياوريـث الاكـابـر

ماضي العضيمان

محمد الفرحان

30-04-2007, 06:01 AM

.

.

16

أهل الكُويت أفواج فـي قصـر دسمـان=فعيونهـم لهفـه وحـسـره وتخمـيـن

ذاع الخبـر ياليـت راعيـه غلـطـان=رحـل حبيـب الأمّـه سنيـن وسنيـن

غم وألـم واجـراح وهمـوم وأحـزان=القلب شعلة نار .. والدّمـع فـي العيـن

مات الأمير , الوالـد, الحـر, الانسـان=يبكيـه شعبـه والـوطـن والملايـيـن

مات الزعيـم اللـي لـه العـز عنـوان=شمعـة وطنّـا والعـرب والمسلْمـيـن

( جابر الأحمد ) شان .. من مالهم شـان=أبـو اليتامـى والضّعـوف المساكيـن

معروف في المعروف .. واحسانه احسان=يمناه بيرق جـود فـي العسـر والليـن

عطاه غيـث يحـوّل الجـرد ريضـان=حدود خيراتـه مـن الصيـن للصيـن

من دون حق الشعـب مخلـب ونيبـان=ومـن دون حـد الـدار شلفـا وسكّيـن

قايـد وفـي حكمتـه للعـدل مـيـزان=حق المواطن كـاش .. ماياخـذه ديـن

حصان وبن حصـان وربـوّة حصـان=عزيـز مايرضـى الاهانـه ولايهيـن

لاضاق صدر الشعب يظهـر كحيـلان=ماينشـرح صـدره وشعبـه حزينيـن

مايشرب من العـد لـو كـان ضميـان=الين يسقـي اللـي علـى العـد شفقيـن

الله يجعـل قبـره جنـان فـي جنـان=قلته ودمع العيـن فـي محجـر العيـن

فهد بن عبدان

محمد الفرحان

04-05-2007, 04:12 PM

.

.

والان سنبدء بالرثائيات التي كتبت

في فقيد الساحة الشعبية الشاعر /

صياف الحربي

محمد الفرحان

04-05-2007, 04:13 PM

.

.

يكتـب قصايـد جزيـلات=إمن الريـاض ومسكنـه بالمدينـه

للجنه اللي عرضها ارض وسموات=يا جعل ابـو مفلـح يراهـا بعينـه

ذكره بقلبي حي ما مات مـا مـات=لو ان قبـره حـال بينـي وبينـه

شاعر على ما قيل رجـل المهمـات=يركي عليها لين صـارت عجينـه

يصرف بيوت الشعر صرف الريالات=صح اللسـان وبيـض الله جبينـه

يصوغها صوغ الذهب كل الأوقـات=ويجيبهـا مثـل الجواهـر ثمينـه

شاعر سواة إسهيل وسط المجـرات=وتلامـس إنجـوم الثريـا يدينـه

شاعر سـواة النيـر ولا الأبانـات=تحتار فـي لعبـه عقـول ٍ ذهينـه

راسي ليا جـات الأمـور الثقيـلات=مثل ما ترسـي بالبحـور السفينـه

صياف ما تصعب عليه الصعيبـات=إليا طغـى الدجـال يلـوي يمينـه

عشرين عـام ٍ كلبوهـا جميـلات=في خدمة الموروث راحـت سنينـه

من ساحة الشعار جاتـه شهـادات=راية شعر معهـا وقـار وسكينـه

يا صفحة التاريخ بأحلى العبـارات=فـي قمتـك صيـاف وأموثقيـنـه

سجله الحافـل شمـوخ وبطـولات=من طيـب فعلـه كلنـا خابرينـه

ما عاد للقلطـه جماهيـر هيهـات=من بعد ابو مفلـح تراهـا حزينـه

تبكي على الأطلال في كـل حـزات=وقامت تعزي به حـروب المدينـه

تبكي عليـه ولا عليهـا ملامـات=ياهي غبينه حيـل ياهـي غبينـه

ما ودها بفـراق شيـخ المـروات=صياف ابـن عـواد يـا عارفينـه

وللجنه اليي عرضها ارض وسموات=ياجعل ابـو مفلـح يراهـا بعينـه

للشاعر / فهد بن عيد العوفي

محمد الفرحان

04-05-2007, 04:15 PM

.

.

.

.

مات صيا ف بن عـواد والله يبيحـه=عزتي للملاعب عقب ذخـر الملاعـب

لو تطنّب على فرقاه تسعيـن صيحـه=مايعوّض خسارتهـا زمـان المتاعـب

راح ذرب اللسان وراح غزر القريحـه=جعله بجنة الحور الحسـان الكواعـب

كم وردنـا علـى جـمٍ قـراح يميحـه=بالدليّ الكبار ومـع رهـيّ المجاعـب

وكم نجاذب بيوته في العشا والصبيحـه=قام يلعب بها حتى الحمـام الرواعـب

في سنين مضت يوم المناهج سميحـه=قبل جمهورنا يصبح لمطـرب ولاعـب

فرْجته بيّنه والساحه امسـت جريحـه=بعد شرواه يبْتلش الشعر بالمصاعـب

سامج(ن) درّها لـو درّ ديـد المنيحـه =عقب ما طاعت اهل الفرفشه والمداعب

فاتن الصوت والا اهل الوجيه المليحـه=عشبة ظلال مامنهـا فـواد ومشاعـب

يحسن الله عزا حرب وعسى الله يبيحه=ويحسن الله عزا الشعر وهله والملاعب

للشاعر / حسين العبدي

محمد الفرحان

04-05-2007, 04:17 PM

.

.

والله ما ألوم الشّعر يا بادع القـاف=لو تلبس بحـوره ثيـاب الحـدادي
عليه سوق التعزيه .. حقّ وإنصاف=فقد مـن الشعّـار راع الشـدادي
جلل مصابه مير للولـف ميـلاف=واشيب عين اللي يصيـح وينـادي
والموت لو تلغيه وقفه ومحـراف=يرسل عليه من الحدا كـل حـادي
لاشكّ حقّ .. وسنّة أسلاف لأسلاف=حكم بها المعبـود فـوق العبـادي
لا والله ألاّ راح محمود الأوصـاف=النادر اللي سـاد بالمجـد سـادي
عز الله انه معتلـي كـلّ مشـراف=ركن ٍ من الأركان ماهوب عـادي
راسه عريب وحر وثيابـه نظـاف=ووجهه طليق ولا غشاه السـوادي
أسس مبادي تجمع أشكال وأصناف=ومشا عليها من يحفـظ المبـادي
شاعر وله عند اللوازيـم ميقـاف=علم ونـاره مـا تعـوّد رمـادي
تنعى شبابه كلّها نسـل الأشـراف=صياف ابن عـوّاد موتـه وكـادي
يبكي عليه الشعـر والدمـع ذراف=وتنعاه كل الخلق حضـر وبـوادي
طاح الجمل يا سايق ٍ حمّ الأشعاف=عقب السحابـه سيّلـت كـل وادي
ندعو له اللي سنّ للموت خطّـاف=اللي عليـه الـرزق والإعتمـادي
عساه في الفردوس وحموله خفاف=تطرق على وجهه هبوب البـرادي
والله يعين الشعر ويصبـرّ القـاف=ويجبر صواب أهل السيوف الحدادي
والملعبه من عقب مطلق وصيـاف=تخاطفوهـا جامعيـن الـدوادي !!

للشاعر / سداح

محمد الفرحان

04-05-2007, 04:19 PM

.

.

مرحوم ياصيـاف مرحـوم مرحـوم=مرحوم ياللي تحتمـي كـل ميقـاف

مرحوم يافرز الوغاء مقـدم القـوم=في جاه من نزل تبـارك والاعـراف

تنعاك صـالات الأدب دايـم الـدوم=وينعاك ياصياف من يحكـم القـاف

والملعبه عقب السحيمي من اليـوم=لبست ثياب اجدادها عقـب صيـاف

صيـاف ياصيـاف مايلحقـك لـوم=تنشر لك البيضاء على كل مشـراف

والعمر فاني والقدر شـيء محتـوم=كل الخلف ماشين مع درب الاسلاف

لا يابعد من ينقـل الكبـر والـزوم=اللي على غرات الاجـواد مزهـاف

قلته وانا راضي على كـل مقسـوم=مير الشقي دايم على جـال مهيـاف

الله من قلبٍ مـن الحـزن مهمـوم=اليا طرالـه لايـف الحـزن ينـلاف

لوف الهشيم اللي على جال مزمـوم=تلعبه الاريـاح مـع كـل محـراف

للشاعر / مساعد البدراني

محمد الفرحان

04-05-2007, 04:21 PM

.

.

انا البارحه جيت المدينه ودمعـي سـال=لحيث (ن) حِلـي فالمدينـه وترحالـي
وواد الفرع جيته وشفته كسيف الحـال=ورابغ نشدته قال فـي وضـع يرثالـي
وعكست اتجاهي يم عسفان ضلي مـال=ونشدته وقال اصبر ترى الدهر ميالـي
ونصيت المدينه رد قلت الدهر وش قال=ومفـرق بدرجيتـه وطلعـت جوالـي
ورفعته وقلت ارحب وقال انت ليلك طال=وصياف ابومفلح على المـوت نزالـي
وانا خابر(ن) دستور بقعاء على الترِحال=لكن السحيمـي روح بالفيـن رجالـي
وتركت الطريق ورحت للهضبه ام هلال=يهب الهوى خشمـي وميلـت بعقالـي
قريب المدينه واعرف إن الدهـر ميـال=ولآمن ذكرته قلت هـذي خـلآ خالـي
وأحر التعزي للقوافي على ايـة حـال=بشعـر النبـط والا بمحـراف موالـي
بعد موتت اللي بالمواقيف مثـل الجـال=ليـا قِـدم الدرهـم تقدمـت بريـالـي
هذاك السحيمي والليالـي لهـا منـوال=لـزوم انهـا تسقيـك للمـر فنجالـي
وابا اختم كلامي واقصره والحزن لوطال=بدعوه لـرب البيـت عـلام الأحوالـي
عسى مسكن اللي راح في عالي المنزال=وتغفر ذنوبه يـوم نشـرات الأعمالـي
وحنا ترانا حـرب للمعضـلات جمـال=رجال(ن) على الشدات وقفه ومنزالـي

للشاعر / عبدالله السعير

محمد الفرحان

04-05-2007, 04:23 PM

.

.

ماني مصدّق للخبـرقمت أعيده= صياف مات وسطرتهاالعناوين
بـالمنتـدى أبحـث أدور قصيـده=شفت الخبرقلّب جميع الموازين
يـالله ياكاسـي خضـار البديـده=عسى مقره جنـة الخلـد أميـن
ياواحـد ٍ باللطـف يرحم عبيده=أغفرله الزلات يامنـزل التيـن
عساك ربي بالحسـاني تزيـده=وتثبتـه يـارب كـل المسلميـن
صياف رجل ٍ له مزايا عديده=يشهـد الأبعـاد والا القـريبين
فيه السجايـا كـل أبوها حميده= ياما أسمعوله بالقصايد ملايين
ياحـرب والله راح منكم فقيـده= صياف رجل ٍلاحضر كالبراكين

للشاعر / عبدالكريم الخزيم

محمد الفرحان

04-05-2007, 04:25 PM

.

.

بحر الرثا قاعه وصلته بلاحضـات=وأخترت من زين المثايل مثايل
وترجمتها فوق القراطيس ببيـات=ابيات في حـق السحيمـي قلايل
ولو القصيد يرجع الميـت لامـات=قصدت لين انـام تحـت النثايل
صياف اخذ في ساحة الشعر جولات=ولحق ربوعـه كاسبيـن النفايل
لحق الثلاثه عاسفيـن الصعيبـات=عون الرفيق معدلة كـل عايل
مرحوم يا من لك مع الشعر وقفات=(مرحوم ياشاعر جميـع القبايل )
شاعر ثقه ماهو بشاعر مسجّـات=اثبت وجوده يـوم قـدح الفتايل
قبل القصيـد يصيـر بالإنتخابـات=ومن شاشة الجوال ترسل رسايل
اربع عقود يصوغ زين العبـارات=ويتابعه جمع ٍ مـن النـاس هايل
اسم ٍ لمع ما بين كـل المحيطـات=ودخل بتاريـخ الرجـال الاوايل
قبل العرب لشعر تسّـس محطـات=تنقل قصايدهـم ضهـور الرحايل
لامكتب ٍ ينشـر ولابـه قنـاوات=زيـن الكـلام مثبـت ٍ بـالدلايل
ما شعرهم بالجمهـره والدعايـات=وفلان فيه اقصور وفـلان طايل
ويا الله يالي لك تصلا الصـلاوات=ترحم فقيد الشعـر واف الخصايل

للشاعر / علي الحصني

محمد الفرحان

04-05-2007, 04:26 PM

.

.

صياف راح وراح قبلـه ملاييـن=لاكن ظني مايجي مثـل صيـاف
يالله تثقل صفحتـه فالموازيـن=انت الذي ماغيرك اليـوم رواف
امسح ذنوبه مثل مايمسح الديـن=وثبت جوابه عند رجفات الوقاف
صياف ماننساك حين(ن) بعد حين=لا والذي في حكمة (الام) والكاف
يالشاعر اللي خاض كل الميادين=لك كلمة (ن) نقولها كلمة انصاف
دعيت انا وادعو معي يالمصلين=الله يرحم شاعر الشرق صيـاف
صياف راح وراح قبلـه ملاييـن=لاكن ظني مايجي مثـل صيـاف

للشاعر / وافي السبيعي

محمد الفرحان

04-05-2007, 04:28 PM

.

.

أحدٍ يموت وموتَـه ماأثـرت شـي =واحد يموت ويصبح الحـي مذهـول
البارح الساحـة نباهـا نبـنٍٍ سـي=لو النبأ عـن حـق ماهـو بمقبـول
علـم يغـص بعبرتـه كـل حربـي=على فقيدة كوكب العـرض والطـول
نجم سطع واضفى على السابعه ضي=أثرى الخليـج ولوتخطـاه معقـول
بحكم الأدب شهرة كرم حاتـم الطـي=في ساحة القلطـة لصيـاف مدلـول
وأهـل الأدب تنعى فقيـدة عوانـي=كن الأدب بغيـاب صيـاف مشلـول
يشهد له اللي دم قلبـه ماهـو نـي=ومهما يقال انصاف صيـاف مقلـول
حقه على الإعـلام مدبـول وثـري=ليه العلـم حقـه بالإعـلام مغلـول
اللي مثل صياف لـو كـان مـن أي=يحيا علم وإن مات مامـات مجهـول
واللي عليه من الوفـا يعتبـر لـي=ولاعاش من سيفه على حرب مسلول
بس أتململ وأفـرك الصـدر بيـدي=كل الكلام يقول لي وش تبـا تقـول
وأقول دنيـا الحـي ماخلـدت حـي=يأتي لها محمـول ويـروح محمـول
وأحد يموت من الهرم موتـة صبـي=وأحد يموت وحـزن فرقـاه للحـول
عزاي ابو رامي وعزوة بنـي خـي=مادام راشد حـي الأبـداع مكفـول
طبيب يفصد عرق والفـك لـه كـي=باب الثقه مفتـوح والشـك مقفـول
ماقال هذي هي لو هي ماهـي هـي=بعد النضر يأخذ بـه الحـق مدبـول
وما قل دل وزبـدة الواجـد شـوي=وكل عن اللي تنطق شفاه مسـؤول

الشاعر/ زيد مبشر الحصني

محمد الفرحان

04-05-2007, 04:30 PM

.

.

يامعشر اهل الشعر والناس الاشراف=اللي لكـم بالطيـب قامـه وهامـه

بالله عزو الشعر في موت صيـاف=عساه فـي الجنـه تخلـد عظامـه

وعزوا قبيلة حرب من كل الاطراف=اهل الكرم والطيب واهـل الزعامـه

انا اشهد انه جامعا كـل الاوصـاف=فرض على كـل الجميـع احترامـه

للشاعر / محمد بن طمحي الذيابي

محمد الفرحان

04-05-2007, 04:32 PM

.

.

حرب القبايل راح واقفى ولدها=الله يعوضها عقب مات صياف
اليوم يازيزوم حرب وسندها=صبت القلوب وصابها شر واشعاف
ياسامعي(مرحوم)قلهاوزدها=على النقا والطيب في زين الأعطاف

للشاعر / رشيد بن عياش الحربي

محمد الفرحان

04-05-2007, 04:34 PM

.

.

أعزي أهل الشعر في فقـد صيـاف=وأخـص بأحـر التعـازي عيـالـه
يالله يـا منـزل تبـارك والأحقـاف=يـا واحـدٍ كـل الخلايـق تسـالـه
ترحم فقيد الشعر معـدوم الأوصـاف=اللـي عـن الدنيـا تقافـت حـالـه
وافسح عليه القبر من كل الأطـراف=واجعل بقبره نـور والطـف بحالـه
وضاعف درجاته له أضعاف وأضعاف=ورحماك له يا مـن بعثـت الرسالـة
وإن جاء لنا في موعد الحشر ميقاف=يالله عسـى جنـات خلـدك مـآلـه
عسى القطوف الدانية فوقه أصنـاف=ويرغد بجنـة عـدن مرتـاح بالـه
مرحوم يا من يحبك ويسبـك القـاف=ويفتل بيوت الشعر لا جـاء مجالـه
ومن البحور يجيب مرجان وأصداف=ويغـوص غبـات البحـور بسهالـه
واليوم الأرض تلفه فراش وإلحـاف=ولا عنـده إلا أنيسـه اللـي بقالـه
لكن يا رب ارحـم الشيـخ صيـاف=ارحم فقيد الشعـر والطـف بحالـه

نشمي حامد المويعزي الحربي

محمد الفرحان

04-05-2007, 04:36 PM

.

.

وادع علم حرب ورحل عن وطنا =الله يثيبه والله انه يحله

صياف بن عواد زبن المجنا =عسى الولي بظلال عرشه يظله

يا ما وقف في ساحة الشعر عنا =يرقى بنا في كل عيطا مطله

لو كروا الشعار منا ومنا =ما صار في قلبه من الخوف ذله

وحنا معه في كل ميقاف حنا =واخصامنا من هيبته مستشله

ليت الليالي لـ أبو مفلح صفنا =او ليتهن على البقا مهلن له

وحنا قبيلة حرب عقبة حزنا =وذويه واقرابه وربعه ومن له

لو بالمساوم بالذهب لو وزنا =ما يأخذه طلاب ولا يصله

والموت حق وبالاله استعنا =ننعى السحيمي بالصحف والمجلة

وجمهورنا في شامنا وفـ يمنا =كل على صياف دمعه يهله

وشعارنا كفوٍ بهم ماجهلنا =لكن ما كل يحل بمحله

للشاعر / عيد بن سمير الحربي

محمد الفرحان

04-05-2007, 04:40 PM

.

.

علمٍ لفا يالله تلطـف بنـا خيـر=علمٍ لفانـا هـز كـل الضمايـر

صياف قفتبـه سهـوم المقاديـر=دارت رحاهـا ولقفتـه الدوايـر

نجمٍ افل من بيننا حـزة عصيـر=خطبٍ جلل والجرح بالحيل غايـر

عم الحزن بالمملكه بكـل تأثيـر=يالله لطفـك ياعليـم السـرايـر

والناس تنعي كنّهـا دون تفكيـر=مذهولةٍ والدمـع بالعيـن حايـر

مرحوم ياللي سطر المجد تسطير=عساه في قبره يشوف البشايـر

ياما وياما صخّر القاف تصخيـر=من دوننا حصنٍ نهـار الكسايـر

يبكي عليه الشعر حـبٍ وتقديـر=والملعبـه تبكـي تهـل العبايـر

والملعبه عقبه ترى مابهـا خيـر=انا اشهد انّه من كبار الخسايـر

شيّن مقدر صار لابـده ايصيـر=واللي كتب ربي على الناس صاير

الشاعر/ غازي العوني

محمد الفرحان

04-05-2007, 04:46 PM

.

.

أعزي قبيلة حرب في موت صياف=خطب جلل والفاجعه في كنفها
سيف يشرفنا على كل ميقاف=,وله وقفة ماكل شاعر وقفها
وليا غدى بالسوق أرباع وأنصاف=يصرف جنيهات الذهب ويعرفها
بنت الهوى من عقب صياف تنعاف=ولاعاد فيها ذوق يامحترفها
الموت حق وسنة أجيال وأسلاف=والا الحياه الله يكافي كسفها
الله( يبيحه) عد ما هل وكاف=وعداد من دمعة عيونه ذرفها
وعساه بالجنه مع الصحب الأشراف=آمين يسكن ياآلهي غرفها

للشاعر / عبدالرحمن علي الحربي

محمد الفرحان

04-05-2007, 04:49 PM

.

.

الادمـي عمـره مقـدر ومحتـوم=مهمـا يكـون مغـادرا للمكـانـا

له ساعة تحسب وله تربه ويـوم=الله يرحمنـا اليـا جـاء سرانـا

ويا شاعر الميقاف والقاف مرحوم=الله يغفرلـك ويجـبـر عـزانـا

عساك جار اللي عن العيب معصوم=بظل مـن الله فـي نعيـم الجنانـا

فقدك علينا كايـدا ميـر مقسـوم=ما تمشـي الدنيـا علـى مبتغانـا

اربع عقود بعالم الشعـر زيـزوم=ما يوم صيـاف السحيمـي توانـا

شاعر خليـج وللجماهيـر معلـوم=ايتابعونـه مـن قديـم الزمـانـا

يشبع شغف من عنده الشعر مفهوم=الفتل هو والنقض له فيـه شانـا

يعرفه الادنا والاقصاء مـن القـوم=اسمه دخـل حتـى بصـم الاذانـا

حراً يحوم اليا صعب بالسماء الحوم=وصـل المكانـه مثلـت مستوانـا

ويبقى بقلب الذاكره دايـم الـدوم=يا رب تغفـر لـه وتقبـل دعانـا

وعنا على دنيـا غرابيلهـا كـوم=ياكثر مـا قامـت تعاكـس هوانـا

الشاعر/عامر عمران الشدادي

محمد الفرحان

04-05-2007, 04:51 PM

.

.

الارض تهتز دون طويـق وتطشـه=والبحر من صلف موجه ماهو برايـق
والليل كنه يشـوف النجـم ويخشـه=والغصن طيره غفى عن صبحه الفايق
والسجن جاءه الطليق بنفسه ودشـه=والجو حتـى بروقـه دونهـا عايـق
واللي على الجيب وقف والكفر فشـه=والجيب قبله توجد وازعـج السايـق
والدمع منديلـه اللـي دايـم يمشـه=اليـوم مايقـدره منديلـه الـوايـق
بعير الاشعار طـش البارحـه قشـه=واقفى وذقنا مـرارة حزننـا اللايـق
صياف مات وتـرك بقلوبنـا وشـه=واحزان بعيون ناس تمـر وتوايـق
ياثقل مزن العيـون وياكثـر رشـه=على مراتع خدود الحربـي الضايـق
اللي توجع وقـال: بحيـره ودهشـه=ياحزن مستور وحبيب وابـن شايـق
ياويش ابقول وانـا داخلـي ربشـه=الا ترى ( الشعر ) بعده ماهو بطايق

للشاعر / احمد الوهبي

محمد الفرحان

04-05-2007, 04:53 PM

.

.

يالله يامنـزل تبـارك والاعــراف=منا الدعى وانتـه عليـك الاجابـه
عساه بالجنه لـه افـراش والحـاف=وعساه فـي دار النبـي والصحابـه
موته زرع فقلوبنـا هـم وارجـاف=مرحوم يالشاعـر دقيـق الاصابـه
اعـزي اعيالـه وربعـه بصيـاف=واعزي الساحـه واعـزي شبابـه
واعزي الجمهور واعـزي القـاف=واعزي الي مـوت صيـاف صابـه
الملعبه من عقـب صيـاف تنعـاف=الشاعر الـي كـل شاعـر يهابـه
يشهد له الجيل المعاصر والااسلااف=متحيلـن فالشعـر فـنـه وادابــه
شاعر وله قـدر ومعـزه وميقـاف=انشهـد انـه فالشـعـر يقتـدابـه
حرن رقى ابعزمه على راس مشراف=وبالملعبـه كلـن يــود اجتنـابـه
مرحـوم يالـي بالمياديـن هـداف=ياشاعـر المعنـى دقيـق الاصابـه

للشاعر / سلطان الطريسي

محمد الفرحان

04-05-2007, 04:55 PM

.

.

البارحـه تنشـر عمـوم القـنـوات=كلن يعزي حرب فـي فقـد صيـاف
تدعي له الرحمـه جميـع المسجّـات=من حرب ولأ من بعيديـن لاطيـاف
فقيدته ماهـي علـى حـرب بـالذات=فقيدتـه يشعـر بهـا كـل عـراف
أربع عقود ومنهجـه لـه بصمـات=في رفعت المعنى وتفجيـر الاهـداف
ينقض وفتله مـن جزيـل العبـارات=وبحارته يفهـى بهـا كـل مزهـاف
سيفٍ مرصـع مقبضـه بالجنيهـات=من وين مادرته عديـمٍ بالاوصـاف
لو مات يبقا له لقب حـي مـا مـات=((المعجزه ))من بين شعار الاسـلاف
ولا حازه الا عقـب عـدة بطـولات=فيهن مصادم رؤس ومداحـم أكتـاف
وعز الله انه جـاد زبـن المهمـات=وأنه تسمـا مدرسـة بـادع القـاف
ياما صعد فيهـا بـرؤس المنيفـات=وطرب أسموع الجمع من كل الاطراف
شاعر وجمهوره على قولـي أثبـات=شهد له اللي ماذكر عنـه الانصـاف
له شهرةٍ عبـر الـدول والمحيطـات=شهرت علم ماهي دعيـات ورجـاف
من طبعه العفـه وحسـن العلاقـات=ألا اليا خبـث الغـا والنبـاء حـاف
يقدر يحـط منافسـه فـي متاهـات=ويشوفهـا بالعيـن ويعـود أعيـاف

للشاعر / غازي الزغيبي

محمد الفرحان

04-05-2007, 04:58 PM

.

.

يولد سلف ويموت في عصره اسلاف=دنيا الفنـى ماربّحـت مـن شراهـا
مافيه زرع الا ورى الزرع قصّـاف=ولافيـه نفـس الا تـواري ثراهـا
مابه وليف الا فقد شـوف ميـلاف=راحـت بـه الدنيـا ودارت رحاهـا
والموت حق وياخذ اشكال واصنـاف=ولايفـقـد الا الطيبـيـن بوفـاهـا
قلته بعد جاني نبـا مـوت صيـاف=عبرالوكالـة يـوم بـثـت نبـاهـا
شيخٍ وقف في منبرالطيـب ميقـاف=رقـى لـراس النايفـه واعتلاهـا
نجم ٍ لمع ضوءه على كـل الاطـراف=غطى النجوم الساريـه فـي سماهـا
عن ما بصدري يعجز النظـم بالقـاف=لوبآتمـادهـا طـويــلٍ مـداهــا
يالله يامن بامـره النـون والكـاف=تجعـل جنـان الخلـد دار لفـاهـا
يالله ماغيـرك رحــوم ٍ ولـطـاف=وانك قبيلة حـرب تحسـن عزاهـا

للشاعر / عيسى العوفي

محمد الفرحان

04-05-2007, 05:00 PM

.

.

لانزال مع الرثائيات التي كتبت

في الراحل / صياف الحربي :

ليا راحـت الاحـزان ردت بلاميعـاد=واذا جيت اجنبها تدربت على دربـي
لفانا نبأ وفـاة صيـاف بـن عـواد=اثرني من الاحزان مابعـدت ياقربـي
ولاعاد فيها شك جات العلـوم جـداد=بكينا وحنا مـن عبيـده وهوحربـي
جلست اكتم العبـرات لكنهـا تـزداد=لياقلت بحبسها بصدري بـدت تربـي
يقولون هذا الزاد واقـول مابـي زاد=تراني مابي زادي تراني مابي شربـي
تراني مابي روحه تراني مابي مقعـاد=تراني مابي بعدي تراني مابي قربـي
ولاعاد ابي سمره ولا عاد ابي مرقـاد=بعد مافقدت الشاعر الطيـب الذربـي
وفاته حدث هجري وفاته حدث ميـلاد=عسى الله يبيحه كل ما ذعذع الغربـي
وعسى الله يعوضه في بلاده بخير بلاد=بساتين جنات تمايـل وهـو طربـي
هذا ماحصل في موت صياف بن عواد=بكينا وحنا من عبيده وهـو حربـي

للشاعر / مناحي المسردي القحطاني

محمد الفرحان

04-05-2007, 05:02 PM

.

.

أفل كوكبك يا سهيل اليماني =تغيب نجوم ونجوم تبيني

رحمك الله يا راع المعاني =رفعت الشعر بالقول الثميني

عسى ملفاك في خضر الجناني =كتابك يصبح بيدك اليميني

بدا صياف شعره له كياني =وعند الماقف الشامخ مكيني

يحسم الرد في عدة ثواني =وسيفٍ باللقاء حده سنيني

ورده عالي ما به هواني =ولا يقرب من القول المهيني

ويبقى سنين له قدر ومكاني =حكيم الشعر يبقى مستبيني

أعزي حرب يوم العلم جاني =كتبت بساعة فيها حزيني

ويبقى الله وإلا الخلق فاني =ومهما طالت شهور وسنيني

رحمك الله يا راع المعاني =رفعت الشعر بالقول الثميني

للشاعر / خالد بن سعود بن سحلي الحربي

محمد الفرحان

04-05-2007, 05:05 PM

.

.

إذ كان القصائـد والمعانـي=تأثر في غياب الل،ي تـوده
فيا كثر الذي تبكـي عليهـم=حروف الشعر لين يفوح نده
وصياف السحيمي لورثيتـه =بقاف الشعر لين يفـوح نـده
فلا يعبر قصيدي واشتياقـي=عن فراق الذي كـلاً يعـده
ليا جاء للقصيد الجزل معنـا=وصار نظرة الشعـار لـده
فكل اللي علي سطح البسيطه=من حدودالخليج لبحر جـده
تعرف إنه قواعد من اركونه=وسيفه لافقـد سيفـه وحـده
لاشك اللي يصبرنـا عزانـا=لحرب أهل الأصايل والأشده
قبيله لارحـل منهـا فقيـده=يحول في مكانه مـن يسـده
ومثل وجود راشد والعياضي=دليل إن البحر ماجـف مـده
لاصارإن القدر حقـاً علينـا=فلا نشنا لحزنـه ولانضـده
ومن لايؤمن بخيـره وشـره=ضعيف إيمان مايصبر لشـده
رحمك الله ياصياف رحمـة=تعم أمواتتنا مـن كـل بـده
سحايب من منشاهـا تشكـل=بوامر مـن يصرفهـا بيـده
يسابقها البرد علي ضريحـه=وتسقي كل قبرا وكـل خـده
يالين إن القراح يشاف سيلـه=علي حدود السهول المجرهده

للشاعر / محمد المراوني الجهني

محمد الفرحان

04-05-2007, 05:07 PM

.

.

يحسن عزانا يالربع مات صياف =راح الزعيم اللـي علينـا فقيـده
ستين عامن يحتمي كل ميقـاف=يبيـن فعلـه بالمواقـف وليـده
ستين عامن والعلم فوق مشراف=اسـم القبيلـه رافعـه ميكيـده
يحير خصمه منه في صنعة القاف =يفتل وينقض كـل معنـن يجيـده
شجيع ماهو بالمواقـف خـواف=لبه على خصمه سوات الحديـده
الشعربعـده يرجـيـل ينـعـاف=راح البطل راع العلـوم المجيـده
سطر فعوله بالمهمـات تنشـاف=رحل لكن الطيـب بعـده رصيـده
يالله يالي تدبل الحسنه اضعـاف=ياواحـدان يعلـم بنيـة عبـيـده
ياخلقن ذا الناس من كل الاصناف=الفرق عندك باختـلاف العقيـده
ياللي عبيدك تستعيلـك وتطـاف=يامحييـن درالعضـام الهمـيـده
طالبك يالله تجعل ذنوبه اخفـاف=انـك تمـده بالثـواب وتزيـده
واتبعه درب الصحابه والاسلاف=وجعل الشهاده يوم يحشر تفيـده

ممدوح البدراني

محمد الفرحان

04-05-2007, 05:10 PM

.

.

جاني خبر زلزل كياني ونيت=ونيت ونة من فقد شخص غالي
قالو توفى شاعر العز والصيت=صياف ابن عواد راع الكمالي
وسرحبي الهاجوس لحضه وسجيت=وهلت عيوني دمعها ثم سالي
وبكيت انا والله ياناس وبكيت=كل الذي عندي وحولي بكالي
مرحوم يلي للمراجل لهن بيت=تجمعن وسطه من اول وتالي
ومرحوم يلي للملاعب اليا جيت=تصرفلها صرف الذهب ماتبالي
كم طايشاً بالراي رديت رديت=رديت طيشه بالمعاني الجزالي
عن ماقفك مايوم والله تخليت=في كل مارد لك حبالً طوالي
ويالله ياغفار ياحامي البيت=ترحم ابو مفلح كريم السبالي
ويالله يامعبود يامحيي الميـت=ظلـه بظلك ياعزيـز الجلالي

للشاعر / ساهر الشمال

محمد الفرحان

04-05-2007, 05:13 PM

.

.

إبكي على صياف يا عيني=أبكي على موته وتوديعـه
إبكي عليه إبكا المحبينـي=لو مالهم حـظ ٍ بتشييعـه
إبكي عليه إبكـا وبكّينـي=قبل الخبر ينـذاع وآذيعـه
إبكي عليه اليـوم يالينـي=تجف من جفنـي مداميعـه
إبكي عليه ان كان يوحيني=يالين توصلهـا مساميعـه
إبكي عليه إدهور وسنيني=و أشهوره ويومه وأسابيعه
إبكي عليه الليل والحينـي=ابكي بكا مشروع تشريعـه
إبكي على اللي ذكرهم زيني=من بعدهم والملعبه ضيعـه
بعده ترى ما عاد يشقينـي=شعر النبط وزنه وتجميعـه
ويا شعر تكفى لا تبكينـي=إليا قريتك فـي مواضيعـه
ورحمتك يـارب الثقالينـي=في جنتك تجعـل مرابيعـه
قولوا معي آمين وآمينـي=عن نار ربي من مطاليعـه

للشاعره / النرجسيه

محمد الفرحان

04-05-2007, 05:25 PM

.

.

لا عـاده الله علـمً اليـوم ذاعـوه =زلزل بـه الساحـة مـع الأطـراف
صاح الحجاز وجاوبت نجـد ياهـوه =من يسمع القلطة بعد غـاب صيـاف
عزولي الجمهـور والصـف عـزوه =وعزولي الشعار فـي كـل محـراف
ضلعً رسا بالشعر والنـاس سمعـوه =ماينطق الهزله ولا بيوتـه ضعـاف
شامخ بوجه الريـح مايـوم هـزوه =ورفع مقام الشعر عن بعض الأسفاف
وأن قامـوا الشعـار وإلا تـحـدوه =وقف لهم بالقاف ثـم أردفـه قـاف
وأن قـام للصفيـن والبيـت خَلـوه =جـاب الحقايـق ماتزلـف تـزلاف
يامـا علمنـا بيـن الأعـلام رزوه =وسط المحافل بين الأعـلام ينشـاف
طوع عسيـرات المعانـي وسمـوه =الشاعـر الأول علـى كـل ميقـاف
حتى قضى الله فيه حكمـه وشالـوه =على النعش محمول من فوق الأكتاف
ادعي من الله يـوم فالقبـر حطـوه =يغفـر لـه الـزلات والـرب رواف
والعلـم عنـي بأخـر الهـرج ردوه =الملعبه مـن بعـده اليـوم تنعـاف

للشاعر / عبدالله السليمي

محمد الفرحان

04-05-2007, 05:27 PM

.

.

ياقـاف فـي صيـاف غـن الطواريـق=هات البيوت اللي علـى الكيـف ياقـاف
بنـات فكـري قامـت اطـل وتـويـق=ولاني بشاعر كان مـا ارثيـت صيـاف
انــا علّـيـه للنشـامـا مواثـيـق=اللي لهـم فـي قمـة المجـد مشـراف
قولو معي يا هل الوفـاء يـا مطاليـق=مرحوم ياللي لـه مـع الشعـر ميقـاف
الشاعـر اللـي وثـق الشعـر توثيـق=ينعـاه شعـر الـرد محـراف محـراف
وينعـاك منهـو فـي معانيـك عِشيـق=وتنعاك حرب اهل الوفاء روؤس واشراف
من غيبتك والشعر من ضيق في ضيـق=واليوم جالـه ضربـة فـوق الانجـاف
وصياف من موته نشف عنـدي الريـق=والحزن يبـس بطـن وديـان واريـاف
الموت حـق ولا علـى المـوت تعليـق=لكن بـه بيـن العـرب رؤس واطـراف
يالله يارحـمـان والــي المخالـيـق=عـلام ماتكتـب ملايـكـة الاكـتـاف
ترحم فقيـد بعـد ماغـاب مـا اطيـق=لا اقرى ولا اسمع عنه هرجه وسـولاف
اللي موّرث لـه ذهـب فـي صناديـق=يالله عسى مـا الشعـر بعـده بينعـاف
الشعر باسمـه شامـخ المجـد ويليـق=باللـي لعسـرات المحاريـف عسـاف

للشاعر / خولان بن عامر

محمد الفرحان

04-05-2007, 05:28 PM

.

.

مرحوم ياصياف مرحـوم مرحـوم=ياجعـل مثـواك الاخيـر الجنانـي

جاني خبر موته بعد عصر ذاليـوم=لاعاده الله مـن خبـر يـوم جانـي

علم من اسبابه سـرق لـذة النـوم=اكبر خبر واسـوء خبرفـي زمانـي

انا اشهد انه حط في قلبـي وسـوم=" علم على الكبد الصخيفـه كوانـي"

بارثيك ياصيـاف والقلـب مهمـوم=ماكنك الا واحد ن امـن اقحطانـي

واللي حصل من والي العرش مقسوم=وهـذا قـدر ولا تفيـد التمـانـي

فيالله ياللي فارض الحـج والصـوم=انـك تبـدل سيـتـه بالحسـانـي

مرحوم ياصياف مرحـوم مرحـوم=ياجعـل مثـواك الاخيـر الجنانـي

للشاعر / عوض الشريفي

محمد الفرحان

04-05-2007, 05:57 PM

.

.

ياحرب أعزيكم بعد موت صيـاف=عـز الله انـه راح منّـا ولـيـدة

له ماقفن ماهو مثـل كـل ميقـاف=واللي خلقنـي انـه اكبـر فقيـدة

مايجهل المعنـى ولايعجـزه قـاف=وان جت بيوته وافيـات وسديـدة

بالملعبة عدى على كـل مشـراف=كن الشعر عبده وهو صار سيـده

ماعمره اخطى او حصل منّه اخلاف=متواضعـاً راع الفعـول الحميـدة

يدلك انه كامـل بكـل الاوصـاف=من غيرنـا تبكيـه ناسـاً بعيـدة

الموت حق وقبلنا راحوا اسـلاف=يوم المدامـع مـن فراقـه وقيـدة

يالله عسى الفردوس منزال صياف=ياواحـدن بالكـون حنـا عبيـده

للشاعر / فايز بن ماجد

محمد الفرحان

04-05-2007, 05:58 PM

.

.

مرحوم ياصياف ياسيـد القـاف=مرحوم يافخري وفخر الحروبـي
مرحوم ياللي بالمواقيف ماخـاف=مثل الجبل ماحركتـه الهبوبـي
مرحوم ياللي زاهيه فيه الاوصاف=عن المراجل حالفـن مايتوبـي
قضى حياته عز مايرجع خـلاف=صادق والا قضا حياتـه كذوبـي
انا بكيتك يوم عايـش وتنشـاف=واليوم انا بللت بالدمـع ثوبـي
الشعر من بعدك كرهته وينعـاف=ماعاد من بعدك نبيلـه دروبـي
روح معك من يوم شالتك الاكتاف=وغابت معك شمسه قبيل الغروبي
يارب ياللـي بالمخاليـق رواف=ترحم عزيزن مسكنـه بالقلوبـي
اعداد من صلى فبيتك ومن طاف=واعداد ماحزنت عليه الحروبـي

للشاعر / أحمد السحيمي

محمد الفرحان

04-05-2007, 05:59 PM

.

.

نبكيـك ياصيـاف والنـاس تبكيـك=وتبكيك ربعك حرب في كـل ديـره
ويبكونك أهل الشعر واللي سمع فيك=وكل الخليج ومن سكـن فالجزيـره
وتبيكيـك قيفانـك وقـوة معانيـك=وتبكيك قلطاتن بوسط المحافل خطيره
لكن هـذا المـوت مافيـه تشكيـك=أمرن مـن الله مـا يبـدل بغيـره
وما نقول غير الله يصبـر أهاليـك=ويجبر عزاهم والبقـاء فالعشيـره
وندعي لك الجنـة مـن الله واليـك=وينجيك ربي مـن لواهـب سعيـره

للشاعر / حمدي العوفي

محمد الفرحان

04-05-2007, 06:00 PM

.

.

بغيبة عميد الشعر وعمة وراعيـه=ثالث اسود(ن)راحوا0اليوم رحـال
وشلون يعززي من يبي من يعزيه=وشلون ينطق حرف من حدة الجال
مامات ابن عـواد حي(ن)بطاريـه=لومات0ذكره باقي(ن)عبر الاجيـال
راح الجسد والروح راحت لباريـه=يالله عسى الفردوس مسكن ومنزال
منزال درع(ن)دون ربعة بماضيـه=وبغيبتة دورن لنا حفـظ الامثـال
مرحوم ياملجم عظيـم المشاريـه=كم شارهن يبي السلامة ولا طـال
في غيبتة ماستنكر دمـوع تبكيـه=ولاستنكر دموع(ن)على خد رجـال
برجوى نجم يسطع وياصل حراويه=نبي البديـل وحزننـا مابعـد زال
ولو تمتلي الساحة بمنهـو يحاليـه=والله ماننساه فـي كـل الاحـوال
يالله يالمعبـود بالخيـر تجـزيـه=وتبدل السيـات حسنات(ن)اجـزال
يالله يارحمـن ظاعـف حسانيـه=واجبرعزانـا بالصناديـد الابطـال
وصلاة ربي عد رمل(ن) وذاريـه=على النبي الصادق اقوال وافعـال

الشاعر محمد الفالح

محمد الفرحان

04-05-2007, 06:01 PM

.

.

الله يعظم أجر بيـت القصيـده =ويحسن عزانا في بديع الفرايـد
يشكي ويبكي من موادع فقيـده =ماله شبيهٍ في جميـع البدايـد
إمن المثايل ما يخلص رصيـده =ماهن هزال وكلبوهـن جدايـد
الشعر عقبه بات ينزف وريـده =وأصبح عليه الصبح هالك وبايد
في ساحة المعنى قرينه نديـده =عن جيله إمن الغير فارق وزايد
طلاسمه مضمون جمله مفيـده =مدفونةٍ في لغز بالحيـل كايـد
في ظاهر المغزى تصنّف زهيده =دهاء ذيب وحسن تصريف قايد
لا جيت أبذكرها المزايا عديـده =تاريخ ما توفيه غـر القصايـد
أنا أشهد إنـه فاجعتنـا وليـده =عساه للجنـه بديـع الفرايـد

للشاعر / عبد الملك الرحيلي

محمد الفرحان

04-05-2007, 06:01 PM

.

.

عظيم الملك بأمره يستدير المزن قبل الريـح=هو القيوم رب الكون نـور النـور سبحانـه
له الفضل وله الأمر وله التهليـل والتسبيـح=عظيم ولايموت ويخزي الشيطـان وأعوانـه
دعيته يقبل ادعاتي دعيته يرحـم الزحزيـح=كريم وشاعر ووافي وطيبـه طيـب قيفانـه
اعرفه واعرف انه عند ربعه مثل عين السيح=يحبونه اربوعه مـع شواعيـره وصدقانـه
دخون العود الازرق مايقارن مثل جرم الشيح=أنشهد مات رجـلٍ تنثنـي للطيـب كرعانـه
عقب فقده أشوف الشعر بالميدان للتصليـح=ينادي له على شاعر حكيـم ينظـم أركانـه
عقب صيّاف بن عواد طاروق القصيد يصيح=عسي الله يرحمه ثم يغفـر ذنوبـه بغفرانـه

للشاعر / طلال بندر

محمد الفرحان

04-05-2007, 06:03 PM

.

.

يارب يامنزل سحايب قنوفه =علي البسيطه تحيي النبت وزهور
عفوك وغفرانك ورحمة ومروفه=علي قبر صياف وتعمّه بنور
اللي علينا موته أكبر حسوفه=ذي قدرتك والعبد لو عاش مقبور
ينعاه شعر الملعبه مع صفوفه= ياكبر فرجة غيبته بعين جمهور
ينعاه مجد ٍ صافحه في كفوفه= شاعر كبير وله مكانه ومشهور
كن الشعر عينه عليه مخطوفه=الله من ليل ٍ سري الشعر مسرور
ولا احد ٍ يلومه كانه اعلن عزوفه=الفرق بيّن دون حقران وقصور
ياربنا المعبود رازق ضعوفه=العبد في حكمتك منهي ومامور
عسي علي قبره تخالف قنوفه= ومثواه للجنه وترزقه بالحور

للشاعر / صالح مصلح الحربي

محمد الفرحان

04-05-2007, 06:04 PM

.

.

امن العياضي وجهـت لـي رسالـه=سطرين بس امن الخبر طحت مفجوع

كنت اتقهـوى ثـم جدعـت البيالـه=موضوعها ذلحين عن غير موضوع

موضوعها ضيـق خفوقـي وهالـه=حتى عيوني من حزن سالت دمـوع

تبكي علـى راع الوفـا والجمالـه=اللي توفـى ثانـي ايـام الاسبـوع

مرحوم ياللي ما امهلت لـه ليالـه=عدة عوام من المرض طاح موجوع

تبكيه حرب وكل من هو بكـى لـه=يبكي بدمعٍ صدق ماهوب مصنـوع

اليـا تذكـر دون ربـعـه فعـالـه=دون القبيله كامله صوت مسمـوع

صياف ابو مفلـح كريمـه خصالـه=في هامة العليا له المجـد مطبـوع

شاعر ويحسـن فالمواقـف مقالـه=الشاعر اللي كل صعب لـه يطـوع

اعـزي انفسنـا واعـزي عيـالـه=وانا ادري ان الموت للعبد مشـروع

لكـن يارحمـان عنـدك عسـالـه=في جنتـك يـارب منـزال مرفـوع

وترسل علـى قبـره بنـو ٍ خيالـه=صادق وقبره كنـه بـورد مـزروع

ويالله يالمعبـود تحـسـن مـألـه=لاجاء نهارن فيه شافـع ومشفـوع

للشاعر / محمد عبد المحسن الجميلي

محمد الفرحان

04-05-2007, 06:05 PM

.

.

ياحـر كبـدي عليـك ويابـري حالـي=ياليت موتـك ماهـو مكتـوب باللوحـي
لو عن حياتـك يمـوت الفيـن رجالـي=تموت ماهي خسـاره وانـت مربوحـي
والله لو المـوت ماهـو سنـة الوالـي=لاشـق ثوبـي علـى فرقـاك وانوحـي
وابكي بكـل الشـوارع واعلـن هبالـي=اليـن ترجـع واذا ماجيـت مسموحـي
مااقول لـك مجلـس بعينـي ومدهالـي=اقول: لـك بالحنايـا قصـر وصروحـي
صيـاف صيـاف فيـك اقـول طوالـي=والله ونعمين محزم ... قرم ... زحزوحي
ياشاعـر اللابـه اللـي ذكرهـا طالـي=حروب تارد حيـاض المـوت وتروحـي
لو كان مـع خصمهـا مليـون خيالـي=فالمعركه مايصيـب الحربـي جروحـي
فاقدك مـن كـان قبـل سنيـن وليالـي=طموحه انـك لصوتـه تسمـع وتوحـي
واقفيـت ياللـي عليـك الدمـع همالـي=ماجـاك صوتـي ولاحققـت مطموحـي
وشلون ابشرح يابو مفلـح كـدر بالـي=وانتا بعينـي بنـي سالـم ومسروحـي
الا علـي الطـلاق انـك مثـل خـالـي=لا والله ابوي واغلى انسـان طحطوحـي
فرقـاك ماهـي بسيطـه واه عـزالـي=احس عقبك بجسمـي نزعـة الروحـي
لا ياوجودي وجـود اللـي فقـد غالـي=دونه توفـى ولاجلـه صـار مذبوحـي
ولاياوجـودي وجـود شيـوخ الافعالـي=لاذلهم ( شيخ مـال ) بعـذر مشروحـي
يانـاس شعـري وقيفـانـي ومـوالـي=ماجت على حسب رغباتـي ومصلوحـي
البيـت الاول وعقبـه بيتـي التـالـي=يمكن هي اللي هنا تنقل صـدى بوحـي
مرحوم ياللـي تطـول الماقـف العالـي=من دون عزوة بني سالـم ومسروحـي

للشاعر / احمد الوهبي

بروق السحايب

06-05-2007, 08:42 PM

الراحل / صياف الحربي رحمه الله تعالى

شاعر علم له أثره وبصمته في الساحة الشعرية

يستحق نظم القوافي في رثائه

رحمه الله وأحسن إليه

أشكرك أخي محمد على المشاركة برثائياته هنا

لا هنت

بروق السحايب

03-11-2007, 07:17 PM

من أجمل ما قرأت في وصف حال الأم المكلومة بولدها

للشاعر راشد بن جعيثن

يامـل قلـبٍ يفـك الهـم ويخمـه=خمةعجوزٍولدهـا بيـن روحيـنـي
قـدام تزهـق حياتـه قـال يايمـه=ثم اصفقت من عظيم الوجد كفينـي
طاحت على صدره اللي وقفٍ دمـه=ويوم اذهنت جرت الونه بصوتينـي
وقامت تخمخم يديه وجـودت كمّـه=تبيـه وأفخـت وزاد الهـم همينـي
وعلى النعش يوم قفوبه بنـي عمـه=طاحت وقامت وهامت وحالها شيني
تدوي على ثوبه المنطـول وتشمـه=وتسقي جفاف الشحوب بدمعت العيني
من حر فرقاه ماتمشي علـى اليمـه=ولاتميزالأحـد مـن يـوم الاثنينـي
وماترقد الليل من حزنه ومـن همـه=والقلـب كنـه يطَعـن بالسكاكينـي
كن المعزي يشـوف عيونهـا يمـه=إتغيب وتذهن ليا جوهـا المعزينـي
وجابو لها اللي قرا بالمصحف وتمـه=يقرا عليهـا مـن القـرآن ياسينـي

فهد الدباسي

03-12-2007, 04:46 PM

موضوع رائع

و فكرة جميلة و متميزة كما أنتي يا سراب

من الأبيات الرثائية و التي سمعتها قبل سنوات

و لا أزال أحفظها

لاهنت يا راس الرجاجيل لاهنت
و لا هان راسٍ في ثرى العود مدفون

و الله ما احطك بـ القبر لكن آمنت
بـ اللي جعل دفن المسلمين مسنون

منزلك ياعزف الشرف لو تمكنت
فوق النجوم اللي تعلت على الكون

لـ الشاعر / خالد الفيصل
في رثائه والده الملك فيصل

بروق السحايب

25-12-2007, 10:46 PM

محمد الفرحان

حضورك مثل هطول المطر

ما أروعه

لاعدمنا هذا الحضور منك

بروق السحايب

25-12-2007, 10:49 PM

بروق السحايب

25-12-2007, 10:56 PM

رثاء ...

لكن مـ خ ـتلف

رثاء الخيل

http://www.khellan.net/up2/uploads/362bcf2f85.jpg (http://www.khellan.net/up2/)

يا سابقي ما ساعفتها بالاوفاق === تقنطرت يوم حرفت الخباره

وجدي عليها ساعةٍ قبل خناق === ولا الرجل بين الغناء والعزازه

فرحان الدهمشي

http://www.khellan.net/up2/uploads/03d31e9ae4.gif (http://www.khellan.net/up2/)

و حسين بن حريش يرثي فرسه قائلا :

و اسابقي صفرا عليها الحسايـف === سودا صوامع ينشد الشيخ عنها

تشدي لصفرا من عل الرجم سايف === شيهانة ما ينقر الطير منها

http://www.khellan.net/up2/uploads/03d31e9ae4.gif (http://www.khellan.net/up2/)

عضيب بن حشر القحطاني

وامهرتي وانا عليها شفاوي === إن قيل ياهل الخيل تطري عليّه

ماني معودها لكسب الشواوي === ولا رددت فرق البقر بالزويه

أبرّهـا لمكثرين العزاوي === وألحق عليها كل راعي رديّه

يوم الملاقى تعترض بالاهاوي === ليا تنادوا بينهم بالحميّه

وانا علي جدع المدرّع رهاوي === وياما جدعت الشيخ وألا حليّه

وياما تحملنا كبار البلاوي === وننطح وجيه أهل العزوم القويه

وانا لعصمين الشوارب فداوي === حـمايّة الساقات في كل هيّه

وليا اجتمع حس الغنا والنعاوي === يا طراد هاك اليوم عيدٍ عليّه

http://www.khellan.net/up2/uploads/03d31e9ae4.gif (http://www.khellan.net/up2/)