درب المحبين

[فهد حمود الراشد]

الصدر ضاق وعادة الصدر لاضاق=يضيّق فجوج الوسيعه عليّه
يظهر جروحٍ خافيه وسط الاعماق=والله عليمٍ بالجروح الخفيه
اصبر لكن الصبر ماعاد ينطاق=ولاباقي الا ادنها هاشميه
ياعين هلّي عبرةٍ بين الامواق=هلّي دموعك يالعيون الشقيه
لاتذخرين الدمع في ساعة فراق=مدامها جروح المعاليق حيّه
قلبي تعذب من كثيرات الاشواق=للصاحب اللي ودنا في مجيه
الصاحب اللي محرقٍ قلبي احراق=ليته يجي ويشوف وش صار فيّه
ماكان والله لامني يوم انا اشتاق=لمشاهده في كل صبح وعشيه
من سار في درب المحبين ماذاق=غير الشقا والضيم والمهمهيه
ياصاحبي كل القصايد والاوراق=ذكرى وتبقى للسنين المديه

[سليمان العقيل]

صح لسانك وتسلم يمناك

حضور متألق ورائع


تحياتي لك ولقلمك المبدع

[مشاعل ابراهيم]

أخي فهد الراشد



الله الله عليك
لله درك
قصيدة اسرتنا بجمالها وروعتها
سلمت ياخوي وسلم فكرك على هذه الرائعه
صح لسانك مليون ولا يسدون يالغالي وصح قلبك

تحياتي

[حمد فرحان]

فهد حمود الراشد

صح الله لسانك


قصيده ومعزوفه ذربه


فائق تحياتي

[( حايره )]

الله الله

إبداع قد أعتدناه من / فهد الراشد

إبداع يجعلنا نطالبه بالتواصل المستمر

ألف ألف صح لسانك

ولا هنت

[فهد حمود الراشد]

سليمان العقيل / مشاعل ابراهيم / حمد فرحان / حايره

صحت ابدانكم جميعا ولا هنتم

اشكركم على الردود الجميله

[فهد الدباسي]

فهد الراشد



حضورٌ جميل

و نصٌ أنيق كـ عادتك يا فهد



صح لسانك و لاهنت

تقبل تحياتي

[محمد الناصر]

نص مليءٌ بالشجن و الروعة

..
قراءته تسر القلب و تسعده

..





صح لسانك ولاهنت

[فهد حمود الراشد]

فهد الدباسي / محمد الناصر

صحت ابدانكم واشكركم على المرور

[محمد الفرحان]

.

.

شاعرنا

فهد الراشد

.

.

صح لسانك مدد بلاعدد

وسلمت وسلم نبضك واحساسك

على ماأتحفتنا به من رائع الحروف

وبديع القوافي . .

.

.

سجل متابعتي الدائمه . . .

.

.

تقبل فائق تقديري واحترامي

[مزون المحمد]

ياعين هلّي عبرةٍ بين الامواق
هلّي دموعك يالعيون الشقيه
لاتذخرين الدمع في ساعة فراق
مدامها جروح المعاليق حيّه


فهد الراشد


صح الله لسانك .. قصيدة عذبة ..

لاهنت على هذا الحضور الطيب

دمت بألأف خير

[ظافر الأحمري]

سلمت وسلم نبضك على هالنص الراقي

سجل اعجابي ومتابعتي ولك تحياتي

[حماد القريني]

صح لسانك وجاد نظمك

لاهنت ولاهان راسك

تحياااتي

[أكرم التلاوي]

الأخ الكريم فهد الراشد

صح لسانك ولا هنت

قصيده جميله واحاسيس عميقه

سلمت يداك ولا تحرمنا من المزيد

دمت بكل الود وتقبل تحياتي