نـحـن و الإعـلانـات الـتـجـاريـة

[( حايره )]

دائماً نجد بعض المحلات والمراكز التجارية
تضع إعلانات عن التخفيض والخصومات
للحصول على جوائز عند الشراء

وفي الغالب تكون هذه الإعلانات للجذب فقط

http://www.okaz.com.sa/Okaz/myfiles/OkazCartoons/krkr89_20537.jpg

راح أذكر لكم موقف حصلي مع الإعلانات :

قبل كاس العالم كانت المخازن الكبرى عامله عروض
عليها تذاكر سفر لألمانيا لحضور المباريات

وعن نفسي والله كنت عارفه أن حظي نحس دائماً
بس ماقدرت أقاوم قالوا تذكره لألمانيا
<<<< هذه العضوه تحب ألمانيا يعني حطوا قطّيه وجيبوا لها تذكره :D
ههههههههههههههه

المهم جيت أشوف العرض إلاّ هو مجموعه من دووف :
( شامبو + بلسم + لوشن للجسم + البودره )
وسعرها كان تقريباً 70 أو 80 ريال

تهوّرت وشريتها قلت خلاص جايبه تذكرة السفر جايبتها مافيه كلام

وبعد كذا عطوني جائزتي .... وش تتوقعون الجائزه ؟؟؟؟؟؟؟؟؟؟







مــشـــط لـلــشــعـر

اللي يشوفهم يقول هذي عمرها مامشطت شعرها :p


الآن حابه أعرف تجاربكم مع الإعلانات
ومدى تأثيرها عليكم

( 1800 )

[حنين]

نجاح الإعلان التجاري يالحائره في جذبة للكبير والصغير مهما كانت السلعه رديئه ..
فيه اشخاص الأن ياخذون دكتوراه في تصميم واجهات المحلات ، للإعلان والجذب بس ..

عن الهدايا قبل فتره طويله ( يعني كنت صغيره ماعلي شرهه ) كان واحد من محلات السجاد (نسيت اسمه بس انه كان مقابل سوق الخيمه ) ينشر كريكاتيرات عن محلهم في الجريده ومكتوب انه كل ماجمعتي ثلاثه تحصلي على جائزه ( سجاد او اطقم ذهب او سيارات او ( حاشي) ) ..

ماقصرت جمعت ولا 20 كريكاتير ومن زود التنظيم كل ثلاثه مدبستهم مع بعض ورحت محل السجاد والعالم بتذبح بعضهم من الزحمه
وطلعت السالفه اشتري مفرشه + الوريقات الثلاث وبعدها ادخل السحب ..
اشترينا الظاهر اكثر من مفرشه ولا ادري عن سحبهم ..

حالياً الإعلان من هذا النوع ماعاد يجذبني ،
اللي يجذبني اكثر اعلانات العطور (شيء يهوس من جد :rolleyes: )

ومبروكـ على الأف والثمانميه ..

[لون الثلج]

:

ماتنلالامين عن سالفه تذكره الماانياا>>كان نفسها تروح مع المنتخب:)

بس بصرااحه من عرفت عمري وانا الاعلانات هذي

ماحبهااا..ولا عمري فكرت اقرب منها

اول شي عارفه حظي ماافيه امل

باختصار شديد ..

مالي في الاعلاناات ابداا

حااايره

يعطيك العافيه على هالطرح المميز

لك ودي

.

[شامخ الرشيدي]

السلام عليكم ورحمة الله وبركاته



و الله لو اعلمك عن المواقف مع الإعلانات ممكن تخيرّين من النت كلش خخخخخ





لاهنت ِ .. ابو نايف

[( حايره )]

حنين


الإعلانات أصبح لها فن خاص

وذلك لخداع الناس وإرغامهم على الشراء


وعن نفسي صراحة ماكنت أهتم بالإعلانات ولا يقدرون يخدعوني

بس نقطة ضعفي شي فيه رياضه والمنتخب وألمانيا :D

عشان كذا صدّقتهم ههههههههههه

أما أنتي أرجعي أجمعي الكاريكاتير يمكن تفوزين بعد السنين هذي :p
ههههههههههههههههههه


ألف شكر لتواجدك الجميل

[الشيهااانة]

والله الدعايات اللي عندنا ما عندي ثقة فيها يالحايرة

لأنها على أسمها دعاية

يحطون تذاكر سفر وسيارات وساعات غالية ومبالغ نقدية وفي الأخير يكتبون أسماء الفائزين وتلاقينهم من الشركة نفسها .

عاد المشكلة في الإعلانات اللي يحطون فيها "أحصل على الجزء المكمل للهدية" أو "أكمل الأحرف وأحصل على خمسين ألف" .

مثل ما صار في الأندومي قبل فترة يمكن 4 أو خمس سنوات الناس أشتروها بالهبل وتكدست الكراتين في البيوت عشان يلاقون الحرف الناقص وما حد لقاه .

الإعلانات يصرف عليها مبالغ كبيرة من المال وجوائزهم إما تكون وهمية أو تذهب لأحد أفراد الشركة المعلنة .

هنا يستغلون المواطن بشكل كبير , فالأسعار تكون غالية والبضاعة ليست بتلك الجودة المرضية , والتلاعب في عقول المشترين رهيب . لكن يجب أن يكون عند الشخص وعي لمثل هذه الإعلانات لأنه أحياناً لا يحتاج السلعة المعروضة ولكن من أجل الجائزة يشتري ويشتري ويشتري وبعدها يصفر حسابه وتزيد مشترياته فلا هو حصل الجائزة ولا هو ترك مصروف جيبه لأشياء تنفعه .

تسلمين الحايرة

لا عدمناك

[( حايره )]

لون الثلج


من اليوم وطالع جرّبي حظك مع الإعلانات

يمكن تفوزين وتعطينا شي من الجائزه :D


يسلموووو يا غلا

[عاشقة البحر]

بعيداً عن الحظ ولله الحمد ماتستهويني هالفكرة

أي عرض معناه جذب للخلاص من التكدس الموجود عندهم

بأسلوب رخييييص جداً .. وضحك على هالناس

ناهيك عن زحمة الناس على هالعروض


شكراً حايرة على هالموضوع المهم

[( حايره )]

شامخ الرشيدي


ياليت أعطيتنا بعض مواقفك مع الإعلانات

خل نستفيد من بعض


أتمنى تواصلك الدائم مع صفحات المنابع

[فهد الدباسي]

أما الإعلانات و الجوائز يا حايره

فـ أنا عندي ثقة كاملة إني لو اشارك في مسابقة مافيها غيري مافزت بـ الجائزة

و لله الحمد ما أصدق أي شي تسويقي و دعائي


لاهنتي حايره

[محمد الفرحان]

.

.

التسويق فن قائم بذاته

الدعاية والاعلان هي جزء من عملية

التسويق وكسب المصداقية ولايجب ان

تكون استغلالا ولعب على الذقون . .

( مجرد رأي )

.

.

سلمتِ اختي حايره على هذا الموضوع

وانتبهي لاتخدعك الاعلانات التجارية . . .

.

.

تقبلي فائق تقديري واحترامي

[( حايره )]

الشيهانه

مثل ماقلتي أن الفائزين اكثرهم يكونوا من أهل الشركه نفسها

بس المشكله أن الناس يصدّقون الإعلانات ويكتشفون الكذبه

بعد فوات الأوان :D


تسلمين حبيبة قلبي

[سُـنـدس]

هي أسلوب وعلم خاص يدرسونه بالجامعات

وهو تخصص التسويق

لكن الإعلانات اللي نشوفها كلها ضحك وسخرية بعقل المستهلكين

يكفي إنها تجارية عشان نعرف السبب


شكراً حايره وأنتبهي لا يصيدونك مرتن ثانيه

ههههههههههههههههههههه

[( حايره )]

عاشقة البحر

الكثير من المتاجر والمراكز عندما لم يبقى وقت طويل

على نهاية الصلاحية لبعض المنتجات يقومون بوضع

عروض وإعلانات للتخلص من هذه المنتجات قبل إنتهاء تاريخها


أسعدني حضورك

[( حايره )]

فهد الدباسي


:D
حلوووووه أنه حتى لو شاركت لحالك ماراح تفوز

ماتدري يمكن حظك تغيّر وتنقلب الموازين

أنت بس تفاءل وصدّق أول إعلان يصادفك بحياتك

يمكن تضرب معك وتكسب المليون :D

أسعدني حضورك

[( حايره )]

محمد الفرحان


بالفعل التسويق فن وعلم

بس وش نقول عن الحظ الردي :D

الدنيا حظوظ ... الدنيا حظوظ
هههههههههههه


أسعدني تواجدك أستاذي

وإنشاء الله ينتهي غيابك