كافي الصباح ..:)

[خالد ماطر]

:rose:


هاذي لكم لاني من زمان ماااااااااااسلمت عليكم:D

الموهم حبيت اليوم بطلع بموضوع غريب وعجيب ويونس ( خلطه مايونيز وكاتشاب):D

ولو اني ماحب الخلطات ولا اللي يخلطون:hammer:

الموضوع اللي بقوله أني بحاول اخلي هالموضوع كـ عمود بس مو يومي ( شفيه مصطفى

أمين):D

لا اقصد بخليه كل ماداومت انا الصبح اكتبلي سالفه وشيء ودي اقوله لكم واونسكم واستانس

معاكم لانه منابع غير صدقوني ولهم مكانه كبيره بقلبي:s13:

الجو بدا يصير منعش وعندنا بالكويت هالفتره نعتبرها بالنسبه لنا كـ شباب احلى الفترات

مخيمات وطلعات بر وتجمعات ولعب كورة بهالجو الباريسي ( اي هين لا تتحلم بس:D )

لانه بعدها راح يجي الجو ( كنك بفريزر ايطالي يثلجك بدون صوت:D ) بردنا عاد الله خير

اتذكر واحد من الربع لما كنا بالمخيمات طلع من الخيمه ورجع ( يطامر من البرد:D ) وبعدها

طبعاً مايحتاج تعرفون ( الشاورما :D ) رطوبه ثم غبار ثم حررر ياسلالام سلم:hammer:

فعلا الكويت غير بهالفتره وبعد بفتره الشتاء شي غير طبيعي ( فديت ديرتي:s13: )

وبعد تعرفون بالشتا غير (هلافبراير ) وفعاليات ثقافيه --->ماحب الكلمه الاولى مدري ليش ؟؟

احس انه الناس مستانسه واللي يزورونا بعد ( ترى على فكره موقاعد اسوي دعايه:D )

اتكلم من قلبي وبقول حق بعض الناس اللي اول حرفين باسمه (بســ ) واخر حرفين (ام) وماني

فاضحه الستر زين ( شخليت انت:D !) تعال ناطرك بالكويت مسويلك جدول سنع موتجي

وماتعلم ترى عليك حق انت فاهم وهالشي يزعل .

والدعوووووووووه عامه كلكم في عــروس الخليج:rose:

وتفضلو القهوه ..:s13:

[( حايره )]

أحلى قهوه فرنسيه لكل الموجودين

http://tbn0.google.com/images?q=tbn:OkBSTUnKkUyziM:www.m-souza.com/images/hot-cofee.jpg

خالد ... خذ فنجالك لا تستحي ... ندري أنه مش قد المقام
لإن قدرك ( ذبيحه :D ) بعد هالغيبه
بس أنت عارف الناس في أعمالهم يعني ماعندنا أحد يذبح الخروف
ههههههههههههه

هلا بك خالد وكل عام وأنت بخير
من ناحية الجو الحمد لله الآن أحسن والخير قدام إن شاء الله
وقبل ( هلا فبراير ) ياليت يا خالد حكومة الكويت توفّر شقق سكنيه للزائرين
طبعاً على حسابنا مش حساب الحكومه ههههههههههه
لإنه في زياراتي للكويت صراحة يروح أكثر الوقت وإحنا نبحث عن شقه
أكثر الشقق يقولون : مافيه أجار يومي كله أجار بالشهر

<<< كتبت قصة حياتها :D


سلاااااام لحين العودة مرّة أخرى :s13:

[لون الثلج]

:

ياسلام خالد فاتح لك متصفح وانا مادري

والله المنتدى منور اليوم ..

خالد مواضيعك لهم طعم خاص ..

بجد جوو الكويت يشبه جو الرياض فديت ديرتي >>تقلد خالد

والله هالايام الجو حلو بس الامراض كثير >>عايشه معاناه

انا معزومه للكويت بس الرحله بتكون على حساب حايره والا خالد

هههههههههههه..

ننتظر سوالفيك خالد

لي رجعه بأذن لله

.

[خالد ماطر]

حايره

:avatar:

صباح الفستق

الله يهديكـ حايره من زمان وانا قايلكـ عليك صور تجوع وهالمره تعطش ---->>شاف

أكشخ فنجان قهوه من ابداعات حايره المؤلمه:D

ويكفي بس حضوركــ عن الذبيحه يا استازه ( عوار نظر ):D هههههههههههههههههه

اما بالنسبع لديرتي --( الله يحفظها ) :s13:

فــ اقولك ياحايره الشقق اللي بالاجار اليومي ما أنصح فيها للعوائل نهائياً , تلقين موجود

نظام يومي لكن لا يصلح لكم ابداً الى جانب عدم نظافته لاني النظام اليومي نظامه سيء جداً.

واذا تبين نصيحتي عليكم بالفنادق لكنها شوي مرتفعه اسعارها وان كانت تستحق لجمالها.

والحين فيه فندق بوسط السوق بالمنطقه الجنوبيه بالكويت فخم جدااا جداً وسمعت انه للامير

الوليد بن طلال ومشاركين معه , ويبعد عن الحدود السعوديه اقل من 80كيلو واسمه (المنشر)

فندق فخر ومجمع تجاري كبير وبمنطقه تجاريه وتسويقيه ( حلم النساء) :D

يسلمو حايره لمرورك

:avatar:

[خالد ماطر]

هلالالالالالالالالالالا ثلجه

:avatar:





الله يسلمكــ مواضيعي ماتحلا الا بمروركم وفرحتكم , وكلمه ( طعم خاص ) ادري فيها لاني

دائما ازيد التتبيله والبهارات :D

والمنتدى منور دائماً في اهل منابع الـ ( غير ) عن الـ (غير ):lov_sr02:

وبالنسبه للكويت ( يازينها فديتها ) والله يا ثلجه العزيمه ما نقدمها لاهلنا:s13: وهذا

عرف عندنا

وعن العرب عامه وتعرفين طبعاً:D

شلون نعزم اهلنا الديره ديرتهم والارض لهم, والعين اوسع لهم من ( بيت الشعر ):D

فـ ماعليك الا الحضور وراح تشوفين اللي يسعدك وثقي بذلكـ..

يسلمو ثلجه :D

[خالد ماطر]

( قهوتي اليوم شاي:D )


بالرغم اني من انصار الكافي ومتذوقينه الا انه اليوم تغير الوضع وصار شاي لظرف طاريء

والسسب الله واعلم ( قهوة حايره :em4600: ) شفتوا الصوره :hammer: ..! مشكله


صور حايره دائما .:D .

[بروق السحايب]

http://www.k33k.net/up-pic/uploads/fb3a105e96.jpg (http://www.k33k.net/up-pic)


هلااااا وغلااااا بالكويت وأهلها


كلامك يفتح النفس للكشتاااات


أما الشاورما للأسف إذا شرفت طولت

يالله تروح بعد طلوع الروح :D


خخخخخخخخخخخخخخخخخخخخخخ



خالد فكرتك مرة حلوة في مجلسك الخاص هنا


كل ما مريتنا بأمر على مجلسك أقرأ سواليفك

لا تطول علينا بالغيبة


:rose:

[فهد الدباسي]

وافي و عزيز و غالي يا خالد


حضورك جميل و نفخر فيه و نفرح


الله لايهينك و سجلني معك في هـ الصباح الحلو

[محمد الفرحان]

.

.

مساء الجمال ابوخلود

دريت انك قالب هالصفحة ديوانية

وحبيت أسلم عليك واسمع سوالفك

السنعة . .

وقهوتك ماتنعاف يالسنافي وينعنى لك

يابوغلا . . .

.

.

تقبل فائق تقديري واحترامي

[خالد ماطر]

سراب ...




------>> كملت انتي وحايره عاد مشاء الله عليكوم صور:d


حاضرين ولو يالغاليه راح تملون من ( كافياتي ) :d



كم منابع عندي ..



يسلمو سرابـ .../

[خالد ماطر]

فهد الدباسي ...//


لاهنت يافهد وسلمت من كل شر ...



ونتشرف بمرورك العبق والمجلس مجلسك ..




ودمت بــود ..//

[خالد ماطر]

فهد الدباسي ..//

لاهنت يافهد ...

والله يرفع شانكـ ../ ويعز قدركـ

ولكـ كل الـود ../

[خالد ماطر]

ابومفلح ..//

والله ياخوك الدوانيه وصاحبها تحت امرك يا وافي ../

ووجودكـ نور دائماً../

كل الــود ../

[خالد ماطر]

كافي الصباح (2)

:rose:


صبحك الله بالخير كلكم , بصراحه اعتذر لاني طولت شوي عن الكتابه للظروف ولكم كل

التقدير دائماً..:s13:

اليوم طال عمركم قريت موضوع ( لون الثلج ) بسرعه وكنت مشغول حدي كان ودي اقرا

كل المواضيع الباقيه بهالقسم اللي له تقدير (موهين ) عندي :D , وذكرني باللي ودي اني

اقوله لكم ولو اني لما قريت موضوعها ( الزعيم ) على بالي راح تشرشح عادل امام ( تشرشح

معناها تخرب بيتوه :D ) وحسبته كله عن عادل امام بس طلع عن الهلال عالعموم

موضوعها شيق لانه عن الازرق ( واللـه من وراء القصـد :D ) .

وبصــراحه اي فريق لونه ازرق شجعوه تراه فريق سنع ومايفشلـ واللون حلو بعد:D :s13:

زين السالفه طال عمركم قبل يمكن بالضبط 10سنين مباراة كره قدم بين ( الكويت/ مصـر)

عاد حنا والمصرين لنا سوالف معاهم ( متعـه مابعدها متعه ) تلقى الجمهور ينطر هالمباراه

على احر من الجمر تدرون ليش ؟ لانها كلها فرحه خصوصا ً بالمدرجات ( شي غير ) :D .

قبل المباراة بساعات طويله تشوف الجمهور نايم بالملعب ومافيه تذاكر والـ(شي الغير) اللي

يكون بالمدرجات هو الجمهورين ( الكويتي والمصري ) :D

الجمهور المصري تعرفون شلون تشجيعه واغانيه وشلون يشجع بحماس ويقدر اللعبه الحلوه,

وجمهور الكويت عاد تعال شوف ( الشيلات واوووووه يالازرق العب بالساحه , والصفقه

وبسم الله بدينا والبادي على الله توكل يالازرق على الله ) الله الله الله صج ايام حلوه .:D

كنت ايامها ادرس بالجامعه اتذكر وليلتها مانمت ( ادور مكان بالمدرجات اهل الصفقه بشجع

لانهم يخلونك صج تحس بمعنى الروح الوطنيه والانتماء لبلدكـ ( فديته جمهور الازرق) ):D

كان فهيدان رحمة الله عليه رئيس الرابطه وهذا اذا صاح كل اللي بالملعب يسمعونه وكان

يوجه اللاعبين من المدرجات ( عليه صوت مو طبيعي ) الله يرحمه واذا شاف الجمهور

مايشجع عدل صرخ / وهاوش / وكان يقول : شنو يهال والا حريم انتو الازرق يبي رجال

تشجعه تقوم وياه ياااااااا اهل الكويت , بعدها تعالوا شوفوا الجمهور شيسوي تشوفه بركان

بالمدرجات رحمة الله عليه .

اما الاغاني والشيلات قنابل:D ( هذيك غيرررر صدق ) صدقوني شي غير طبيعي واتذكر

احد اللاعبين بالمنتخب يقولي ( كنت ارقص بالملعب من صوت فهيدان ) يخليني ما اتعب

والجمهور كان غيررر طبيعي .

عاد تعالوا شوفوا الجمهور المصري شلون ( باختصار مباراة لليوم انطرها ) تنافس

بالملعب وبالمدرجات وبعد بره الملعب ( بالقهاوي بالسوق بالانترنت ) تلقى المصريـين

والكويتيين شهر قبلها يسولف عن المباراة .

لكن الميزه انه ماعمري شفت شي بالمباراة يكدر العلاقه الاخويه والروابط المتينيه بين البلدين

ولا الجمهور والحمدلله وللاسف هذا ما نفتقده عن الكثر من جمهور هذا الوقت .

ذكرى حلــوه حبيتكم اتشاركوني فيها شرايكم:s13:

وتفضلوا القـــهوه

:rose:

[لون الثلج]

:

خالد ماطر

يازين اللون الازق بسسس على الهلال غيره لا ---> تحب العناد:D

عاد خالد مالقيت اكتب الا عن عادل امام من حبي له الحين

بس خالد الصراحه اول اتشجيع له طعم ونكهه

الحين مش حالك بسس

بجد اشتقنا لوجودك ورجعتك لها المتصح

واجمل قهوه لك

إح ــــترامي

.

[( حايره )]

صباحك ورد خالد
http://www.majdah.com/vb/uploaded2/27652_1155992558.jpg
http://www.switzerlandflexitours.com/images/swiss-alps/swiss-chocolates.jpg
الله يا خالد أنت تتكلم عن فتره كان فيها شي أسمه ( منتخب الكويت )
وكان فيه شي أسمه كرة قدم في الكويت زماااااااااااان يافن :D قصدي يارياضه
اليوم مافيه أي منافسه للكويت مع أي منتخب تغيرت أوضاع الرياضه الكويتيه
180 درجه .... ماهي الأسباب ؟ وماهي الدوافع ؟ >>> المحقق كونان على غفله :D
والفيفا ليه وقّف عضويتكم ؟ وجمّد الأنشطه الرياضيه عندكم ؟ >> والله من وراء القصد
هههههههههههههههههه

بالنسبه للمشجعين عندنا في ملاعبنا مشجع ( شبابي ) كان صوته يسمعه
كل اللي في الملعب وخلف الشاشات خاصة إذا قال ( يا شباااااااااااب )
وفيه فتره من الفترات الهلال خذوا المشجع هذا بنظام الإحتراف أو يمكن الإعاره
ههههههههههههههههه

واحد من أخواني من سنوات طويله كان النصر عنده مباراه مع القادسيه في الخبر
وأخوي نصراوي موووت وخالي قدساوي .. المهم خالي بيحضر المباراه وأخذ أخوي معه
وبما أنهم أول مرّه يحضرو مباراه ويدخلون ملعب مافكّروا أنه فيه تقسيم للجماهير
وجماهير كل نادي في جهه ... المهم جلسوا مع بعض مع جمهور القادسيه
وفجأه النصر يجيب هدف .. أخوي فقد شعوره وصار يشجع ويصفّر عشان فريقه جاب هدف
وهو مادري أنه جاب العيد لنفسه هههههههههه لإنه جاه ضرب من جمهور القادسيه :D
ومن بعدها حرّم أنه يروح للملعب يااااروح مابعدك روح :D

[خالد ماطر]

لون الثلج ..



اهلين بعودتكـ...









وتشرفين دائما ً

[خالد ماطر]

حايره









شسالفتك نخلص من القهوه ( تحرقينا ) بحلو ...!!

















-------------->> متخصصه في حرق الاعصاب هالـ حايره ..!




















دائما حايره لمرورك رونق خاص ..

















لك كل الود

[خالد ماطر]

كافي الصباح (3)




:rose: صباحك ورد

اليوم قريت فجأه وانا قاعد اقرا الجرايد اعلان ممتع تعالوا بقراه لكم :

( المجلس الوطني للثقافه والفنون والاداب - يعلن عن افتتاح معرض الكتاب الدولي رقم 32

بالصالــه الدوليه بارض المعارض بمشـرف ) ياحرام حايره ..! انقهرت ادري انها تتريق

فهرس وتتعشى كتب .:D

المهم هالمعرض سنوي يعني تقريباً صارله 32 سنـه ودائما مايكون فيه معرض الكتاب هذا

طبعاً ( عرض لكتب ومجلدات واصدارات جديده - وقديمه- ندوات- محاضرات أدبيه- امسيات

شعريه )

وان شاء الله ناوي اروح له لانه موعده من 13-/23-نوفمبـر .

والمكان اللي راح يقام فيه المعرض هو المكان الدائم , وبعد هالمكان دائما ما يعرضون به

معرض للعطــور وهو الاشهر بالكويت ويقام دائما مرتين بالسنه وهو بالمناسبه مكان ممتع .

اللي حبيته اقوله انه العلم نور والقراءه والاستفاده منها تزيد الخبره وتكسب الانسان قدراً

كبيرا من الثقافة والمعرفه مما يؤثر بالايجاب في شخصيته وسلوكه وتفكيره .

هالمره مقالي اجتماعي ثقافي صح ( تغييييير عشان ما تملوني فديتكم :D )

وتفضلو القـــهوه
:s13:

[( حايره )]

خااااااااااااالد
بتروح معرض الكتاب ؟؟؟
مش محتاج مرافق معك هههههههه

الأسبوع هذا عندنا معرض كتاب تابع لإحدى المدارس الخاصه

بس مشكلة معارض الكتاب اللي تكونتابعه للمدارس

تكون كتبها بس : للطبخ وكيف تربين أبناءك :D

أتمنى لك وقت جميل مع الكتب

[لون الثلج]

:

والله معرض الكتاب حلوووووووو

تنسى نفسك فيه متعه

خالد مافي مرافق لثنين انا وحايره ---> وجه مستحي

وننتظر كافي الصباح

.

[خالد ماطر]

حايره ../ ولون الثلج..

افا عليكم بســ قولولي بس شتامرون فيه وانا حاضر اذا تبون اي كتاب :>

يسلمو على مروركم المشرق والدائم ..

[خالد ماطر]

كافي الصباح (4)

( قاموس الاطفال اللغوي )

صباحكم عسلــــ
:rose:





تصدقون مافيه لغه بالعالم احلا من ( كلام الاطفال ) عليهم كلمات عجيبه ../ غريبه ../ .:D

يعني مثلاً بعطيكم مثال حي عندي شخصيا ً اسمعوا هالجمل وبترجملكم :D ..

-بابا (عن) ..( نلوح) .. (حقيقه ..) ...؟

الترجمه ..//يالله بابا ودنا بنروح الحديقه .:D

- مداااااااااااااااش مداششششششششش ..// مدااااااااااش مدااااااااااش ؟؟

الترجمه .. // طفله تغني طاش ماطاش :D .

الخلاصه كلام لما تسمعه تحس انك تسمع صوت مثل صوت ( غدير الماء العذب ) جميل

وفيه عذوبه وبراءه ( مودايم ترى بعضهم ياكلونك وانت حي :D ..) .

اتذكر وانا صغير كان خالي يصدق كل الصبيان الصغار الا انا :hammer: ؟

شالسالفه يال خــــال ليش ؟؟؟ افا يالخال ..؟

كان يقولي انت ما تكذب بس شكلك خاش وراها شي تبي تسويه ( الذيب مايهرول عبث)

وبصراحه احياناً ترى معاه حق احياناً بســ :D

البزر اهم شي في التعامل معه انك تكون ماسك اعصابك لانه مطفشك مطفشك ولالالالالالالا

تعصب عليه ابداً شخصياً انا اذا حسيت انه وصل حدي ( طلعت ) من البيت لاني احس بعدها

اني راح اعصب ويصير شي موزين ..

بس الحمدلله يسمعون الكلام دائما ً..

وتفضلوا القهــوه ..:s13:

[خالد ماطر]

كافي الصباح (5) ..
:rose:


((حلقة مؤسفه جدا .. ولا يستحقها جمهور الشعر ))




صباحكم قشطه ....:s13:

طبعاً تابعتوا كلكم برنامج شاعر المليون هالايام الناس ماعندها سالفة الا هالبرنامج وطايحيله مدح

بالشعراء ( اللي عاجبينهم ) وتطنززز ( يادافع البلا) على الباقين اللي ما عجبوهم صج مشكله ..!

من قصيدة وحده صار الشاعر هذا هو الداهيه ..؟ والبحر .. ؟ واللي ماله حل .. ؟ والعياذ بالله مابقى

الا يقولون انه معصوم والعياذ بالله ..

انا مع الاشاده والتشجيع للشاعر المبدع دائماً ولكني ضد المغالاة بها فقد يكون لها تأثير عكسي على

المتابع والشاعر معاً وبالتالي لا طبنا ولا غدى الشر , والمشكله هاذي منتشره للاسف بالمجلات

والصحف الشعريه وبكثره مدح وتلقى المدح المكتوب فيه اطول من قصيدته ..!

واخيرا تجد انه من قبيلة المعد .. او صديقه .. او واحد من ربعه ..( وهذا سبب البلا بالساحه الشعبيه)

شخصياً لا احاول الدخول مع الاصدقاء في نقاش حول ماحدث في حلقه الكويت لاني شفتهم مبسوطين

وهات يا ضحك على الباكستاني والسوري والقصاب وشاعر الاباعر ..! ( فاكتفيت بالحزن في داخلي)

الكويت .. الارض التي هي خرج من الشعراء الاعلام وبلد الثقافه والفنون والاداب والساحه الشعبيه

بالخليج والاعلام بكل وسائله فالكل يؤكد على دورها وتراثها وشعرائها المبدعين تكون حلقة شاعر

المليون بهذا الشكل ..!

الذي اعلمه ان الكثير شارك بالبرنامج والاعداد بالالاف بل انا شخصياً اعرف شاعراً مبدعاً وشارك

واجازته اللجنه بالاجماع ومتفائل بانه سيكون له اثر قوي بالبرنامج باذن الله , وغيره ايضا ً تم

اجازتهم ولكن لماذا لم ياخذوا حقهم بالبث التلفزيوني ..!! وهل يستحقون ماذكرتهم اولاً اصحاب

( الفكاهه والنكته وضحكني بستانس ) ان ياخذوا دورهم ودور غيرهم في مسابقة تختص بالشعر

الشعبي وهو موروثنا منذ قديم الازل ..وهي بالاساس ( حسب الهدف المعلن) مختصه لرقي الشعر

والمحافظه عليه والتمسك به باصالته وبرقيه وسمو رسالته ..

وتفضلو القهوه ..





عذراً...// كنت أمل بان يكون مقالي مفرحاً ولكنه شيء بصدري أحببت أن يكون هنا ..!

[( حايره )]

لا أعرف من عمل الإعداد لهذه الحلقة ؟؟

هل هم أصحاب مشروع شاعر المليون ؟

أم الساحة الشعبية الكويتيه ؟؟

فقد كانت حلقة مخيّبة للآمال .. حلقة جعلتنا نقرأ الفاتحة على ماكان يُسمى

بــ الشعر في الكويت .. هل هذه النماذج أتت للمنافسة في الشعر الشعبي

أم أختلطت الأمور لديهم وأرادوا المشاركة في مسرحية فكاهيه لا لون لها ولا طعم

طبعاً لا أبخس حق بعض الأسماء التي شاركت وأعطت الشعر حقه

لكن دائماً يُقال : الشر يعم والخير يخص

فكل من تذكّر حلقة الكويت لايذكر سوى النماذج السيئة التي ظهرت على الشاشه !!!

وإذا كان هذا مستوى الشعر الذي تبحث عنه لجنة التحكيم فلابد أن نقول :

على الشعر السلااااااااااااااام

[( حايره )]

للجميع

http://gallery.7oob.net/data/media/72/coff.gif

الساعه 4

حان وقت الكابتشينو :D

[لون الثلج]

:

خالد / حايره

كلامكم بجد ماعليه كلام واصلا شاعر المليون من اتفه البرامج التلفزيون..

واللي يبي الضحك والتريقه يروح يشووفهم..

بس راعين ترزز ومدح في القبايل وهلم جرااا..

حتى صرت اكرهه هالنوعيه من البرامج

ح ــايـره تسلمين على القهوه.. بصراحه جات بوقتها

خالــد ننتظر مواضيعك

إح ـــترامي

.

[خالد ماطر]

العزيزه حايره ../


برد عليك قبل لا اكتب (كافي الصباح ) ولوني جاي طاااااااااااير ابي اكتبه موضوع من امس

ابي اقوله ..

الموهم//

غاليتي الشعر بالكويت واثـــره لا يقيم بحلقه تلفزيونيه ببرنامج مسابقات وان كان ناجحاً

فهو تراث وتاريخ منذ امد السنين فلا استطيع ان احصي عدد المبدعين بالشعر الشعبي

بالكويت والكل يعلم بذلك بل هنا الساحه الشعبيه التي يسعى اليها كل شاعر مبدع من اعلام

مرئي ومسموع ولا يخفي عليك ذلك ..

اتفق معك بان حلقة الكويت كانت مخيبه للامال وان كان بها بعض الاسماء التي اسعدتنا

كـ المبدع ..سعد براك وغيره ولكني تسائلت وانا على يقين ..

اللجنه اجازت شعراء رائعين من الكويت لماذا لم يظهروا بالحلقه التي شاهدناها .؟

ولك كل الــود لقلمك المشرق ..

[خالد ماطر]

العزيزه ..//لون الثلج ..


صدقيني ياثلجه البرنامج بها ايجابابيات رغم سلبياته الاكبر , ونحن كــ متذوقين للشعر

الشعبي نتابعه للذائقه فقط لا غير وهذا ما ننتظره من البرنامج ومشاركيه ..

لك كل الود ..//

[خالد ماطر]

(كافي الصباح )


((وفي الليلة الظلمـــاء يفتقد ٌ البدرٌ))




:rose:

تذكرت شي .. عندما رأيت المذيع وهو بالمملكه .. ويتكلم عن بداية دخول الشعراء ..تذكرت..!

شاعر القلوب ... الفيلسوف ... شاعر الملايين .. هذه القاب لـ شاعر شارك من المملكه العربيه

السعوديه في النسخه الاولى واجبرنا على تقديره , واحترامه , واروى ذائقتنا بعذوبه طاغيه

للحرف وعشاقه ...... بالطبع ..( محمد مريبـــد العازمي)

ساعيد شريط الذكريات بحسب ذاكرتي ..

اول ظهور له بالاستيديو .. تابعوا هنا ..


أنا حفيد أهل المكارم والاخلاق= لا رددت بعض الكلام العلايق

أثني على ربعي وأوقف على ساق= وأضيف مع بعض الحقايق حقايق

شاعر ولاني مرضي ٍ كل الاذواق= لكني اقطف مثل ( ورد الحدايق )..

روعه .. ابداع ... ولن اكمل القصيده كامله فهي طويله ولكني ساكتفي ( بالتذوق فقط)

ثم اتى هذا المبدع بــ..


ياوردة ٍ مالت على ضفت النيل= يهبها ريح العبير ونسيـمه

أنا أحتدم لك ..وانثني ..واسرج الخيل= واعن لك واكرب لك شداد ريمه

ثلثين ليل وثلث باقي من الليل= بعد القطيف وقبل مفرق رحيمه

وصف مذهل .. ابيات بموسيقى شعريه راقيه وفريده .. اثبات ذاتي شعري اصيل وكبير

ومختلف بانفراده وعذوبته .

الى ان اتى بمشاركته الثالثه هذا الفيلسوف وماذا قال ...


والبارحه صدر الجنوب يضيق وتسوق الحسـوف= وين أنت ياصدر الشمال أحتجت للفزعه تعال

وردت مجاهيم اللـيال حيام ورياحي شعــوف= من وقفني بدرب العشــــق يســألني ســؤال

واقوله بيني وبينه ياعسى الحب مخلوف= ان مارجع ربحه علي اللــه يرده راس مــال

( كم لي وانا تكويني الدنيا على رووس الكتوف= وأشيل مالا اطيق من شانك واحملها الجبـال)

ماهذا ...؟ قسماً بالله ودي اكتبها كلها .. شاعر اروى الذائقه بشي ءغيييييييير .. شعر

حقيقي وفي مختلف راااااااااااائع شخصيه وذات لا تشابه احد ولا احد يشابهها ارأيتم ذلك

أتذكر حينما قال لي احد الشعراء ان بن مريبد يستحق 3 ملايين لوحده ..

- مليون لجزالته وشعره الرائع .

- مليون لدماثة اخلاقه الرفيعه ..

- مليون لطريقة القائه المختلفه والممتعه .

شاعر نجح في قلوب الملاييــن ولكنه خسر المليون , شاعر خسر اللقب ولكنه كسب القلب ,

هذا هو المبدع بن مريبد .

وبعدها يستمر هذا الابداع واين تابعوا هنا .. واعذروني الاعتماد على الذاكره (فقط) ..


يخيط جرحي بالخفا ..والا لعلــه مايخيط= ان طابت جروحي عسى وان طولت ماقلت أأه

كذا عرفت ان الحياه ايام ..والدنيا خليط= ومن المأأسي مايدون تحت اقلام الرواة

اقدر الوجه الرضي واسمع عن الوجه السخيط= اللي لا يذكر خير من دونه ولا يذكر وراة

لا اعرف ساترككم مع هذا الرااااااااااااااائع وانتظروا فهو لا تكفيه ( كافي صباح واحد)

ولكني بالتأكيد ساتذكره دائما وبكل وقت فالمبدع يبقى بذكره وبروائعه ..وهذها ماتذكرته.:s13:



وتفضلوا القهوه..

:rose:

[خالد ماطر]

صباح القهوه :)




















اليوم ناقصتني كم شغله بكملها عشان اكمل موضوع ( الفيلســـوف بن مريبد) اذا قدرت

بنزلها اليوم واذا ماقدرت فـ أنشاء الله بكره ..

وتفضلــوا الكافي :)

[محمد محفوظ]

http://www.21za.com/pic/thankyou003_files/20.gif
ولى عودة قريبا ان شالله

[محمد محفوظ]

http://www.21za.com/pic/thankyou003_files/20.gif

[خالد ماطر]

كافي الصبـــاح ..


((الموجه الفريزريــــــــــــــــــــــــــــه ))





صباحكم قرنفل .. وكادي .. وجوري :rose:



يازين هالــشاشه اللي كل ماغبت عنها ورديت لها أحس اني قاعد جنب نهر وصوت شلالات

بالريف الفرنسي والجو بالطبع ( باريسي ) والدنيا ربيع والقو بديع :D على قولة المرحومه

سعاد حسني ماهوب عندنا الجو ( فريزري ) يادافع البلا .:s13: .

جو هالسنه غير وقبل فتره كتبت هنا عن الرطوبه , والحر , والغبار , بس عقب البرد اللي جانا

( يا علهم بعد هذا عن البرد الاقشر ):D .


لاتقدر تطلع , الدفايات ماتفارق المكان , لابس خياش من الملابس فانليه داخليه صوف وثوب

وجاكيت وشماغ ( حشا سوق متنقل ) :D وبصراحه كل ما مرينا بهالموجه الفريزريه مادري

ليه أتذكر روسيا واقول ( الله لا يبلانا ) لانهم معروفين بلادهم بشدة البروده .

صديقي بدر لما كان بألمانيا قبل كم سنه يقولي ..// انه كان يلبس (محلات) متنقله

من الملابس الثقيله عشان يدفي نفسه لانه هناك وصلت الحراره الى اقل من 21 تحت الصفر!

يبه حنا شعب ( بتاع حر ) .. نتريق حر .. ونتغدى غبار .. ونتعشى رطوبه :D الوضع

طبيعي جدا بالصيف عندنا لاننا متعودين عليه لكن برد لالالالالايحوشكككككككك

لكن الشي اللي توني عرفته وبصراحه ضحكني لما شفت العامل الهندي في محل صديقي

وهو جايب لي كوب الشاي واشوفه لابس ( عد وخربط من الملابس والفانيلات) وكبوس

روسي ( بو أذاني القديم ) وانصدمت وقلتله // راما اهو صحيح برد بس انا بعرف ليش

كل هذا ؟

قالي ..// بابا انا بلاد لو يجي هذا برد كل ناس موت ..!

فـ هنا اكتشفت انه بلاد الهند والسيلان في اغلب مناطقهم ما يجيهم برد قارس هذا وحنا

وصلت بس اقل من( صفر ) يادافع البلا اجل بذمتكم شنو بيصير فيها لو يروحون روسيا ..!

بس حنا وصلت درجه الحراره اقل من الصفر وهواء سرعته عاليه ( موجه سيبيريه) عشان

كذا تجمدنا برد وهوا واعتقد والله وأعلم انها أثرت على أبوظبي بدرجه أشد خصوصاً

أني وجدت مدح وافتخار ولم اجد شعراً يطرب ذائقتي شعريا ً في الغالب واتمنى ان تتغير

الاحوال في

المراحل القادمه لاجد شعراً يطرب :s13:


اخر شي // من كثر ما اغيب قمت ماعرف شلون اعتذر منكم لـ غيابي المتكرر ولكنها المشاغل

والظروف وكل املي بقلوبكم الممتلئه باللون الابيض الصافي بالعذر دائماً:s13:

وتفضلــوا القهوه:rose: