مواقف من حياتنا

[( حايره )]

,
http://jewelsuae.com/gallery/data/media/6/salam11.gif

في حياتنا تحصل لنا الكثير من المواقف منها المحرجه ومنها الطريفه
وكل شخص يختلف عن الثاني في تصرفه مع كل موقف


في الصفحه هذي راح نتعرض لمواقف كثيره ونشوف كيف نتصرف
أتمنى مشاركة الجميع


( 1 )
في زحمة مقاضي العيد والإستعداد للعيد
شريت ( جزمه أو نعال ) وأنتم بكرامه
قستها في المحل طلع مقاسها عدل وحطها لك راعي المحل في الكرتون
أخذتها للبيت وعلى طول حطيتها في الدولاب ويوم العيد بعد مالبست وكشخت
طلّعت الجزمه عشان تكتمل الكشخه


تتفاجأ أن الجزمه كلها يسااااااااااار :D
يعني مافيها يمين ويسار راعي المحل بالغلط حط لك فردتين يسار

كيف تتصرف والناس عيد والمحلات قافله ؟؟؟



شاركونا راح تلاقون مواقف من حياتكم اليوميه :)

[لون الثلج]

:

ياكثــر المواااقف عندنا خااصه بايام العيــد

لــي رجـعــه حــايره

لك كل الحــب

.

[مزون المحمد]

والله ياحايره ياكثر المواقف بهالحياة

لكن مقاضي العيد أو مقاضي الأعراس بالذات

من أول ما أرجع من السوق هاتك ياقياس

لا يمكن أني أحطها بالدولاب على طول

كل شوي أطلعها وأعاينها هههههههههههههههه



أعوذ بالله من هالموقف اللي ذكرتيه يخوووووف

لاهنتي يالغالية على هالموضوع

[لون الثلج]

:

حايره برغم اني مزكمه وحالتي حاله بقولك هالموقف اللي صارلي انا وخواتي

مرره كنا رايحين لـ جيان ..المهم اخذنا اغراضنا وطلعنا من جيــان

ومعنا غراااض من كل صنف نووع ..خضره وصابون وشامبو ماخلينا شي من جيان :)

واخذنا لموزين و مرينا محل عشان نطلع لاب توب حق اختي ..المهم لازم تنزل وحده للمحل

والثانيه تجلس في السياره عشان اغراضنا :) ..دخلت اختي وانا جلست يالسياره

المهم اخذنا لاب توب ولازم نمر السوق عشان ناخذ أغراض لـ أمي ضرويه جدااا ..لاني بيجينا

ضيوف..المشكله الاغرااااض وين حطها فيه وحنا مع راعي اللموزين ..

وصعبه انتظر في السياره..

قلت ماعليك بندخل السوق باغراضنا وانتي روحي اشتري من السوق وانا بنتظرك مع الاغراض

عند باب السوق :( وتعال شووف شكلي كل العالم اطالع فيني وانا جالسه مع الاكيااااااااس

المهم جات اختي وخلصت الاغراض من السوق ..وجات بتوقف سياره عشان نرجع للبيت

المهم توقف لها سياره والاخت ادخل راسها مع الدريشه تسأله اذا كان بيوصل والالا

ويقوم راعي اللموزين ويسكر الدريشه على خشمها هو جاي يفتح الدريشه

انا مت ضحك عليها وراعي اللموزين جلس يضحك بعد

المهم هي قالت له ررح بس مابيك ههههههههههههههه

المهم اخذنا سياره ثانيه ورجعنا للبيت ..المهم سالفتنا ذاك اليوم هبال ..

بعد فيه اشياء ماقلتها الستر زين :)

ههههههههههههههه

مشكوره حايره

ولي رجعات ان شاءالله

.

[( حايره )]

لون الثلج

سأعود لعودتك ومواقفك :D

عيدك مبارك

وكل عيد وانتي الفرحه لأحبابك

:rose:

[نجديه]

هههههههههههههههههههههههههههههههههههه

خخخخخخخخخخخخخخخخخخخخخخخخخ

مافيني حيل اكتب

بس اضحك ... اما عليك مواقف يالون

شكرا حايره موضوع حلو

لي عوده واقص عليكم قصة عيدنا بس بعدين

ممنوع التشمت....... بس مسموح الضجك..:D

:rose:

[( حايره )]

مزوون


إنتي تقايسين الأغراض اللي تشترينها
لكن أنا صراحة أقايسها في المحل بسسسس
وإذا جيت للبيت احطها في الدولاب ولا أذكرها
إلاّ وقت المناسبه وتعالي شوفي وش يصير :D

بس مثل ماقلتي في المناسبات سواء الأعياد أو الزواجات
تحصل مواقف غريبه ههههههههههه
يسلموووو ع الحضور يا الغلا

[محمد محفوظ]

http://www.21za.com/pic/thankyou003_files/20.gif

[( حايره )]

لون الثلج


عليك موقف أنتي وأختك ههههههههه
بالنسبه ليّ لو شفتك عند باب المجمّع انتي وأغراضك
كان راح أعطيك فلوس على بالي متسوله خخخخخخخخخخ

كله كوم وصكة الدريشه على خشم أختك
لو منها كان أكسر الدريشه عشان يتوب يصكها على خشوم الناس
ههههههههههههههه


تكبرين وتنسين يا الغلا :s13:

[محمد الفرحان]

.

.

بدون مقدمات :

في قريتي النائية وفي

ليلة العيد دخلت شماغي البسام مقاس 60 عند المغسلة محتاجة كوي

بدون غسيل لانها جديدة وقال لي الهندي :

لاتتأخر عن الساعة ثلاث ليلا

المهم

اتصلت على احد الاقارب للمرور على المغسلة وأخذ الشماغ

بحكم ان المغسلة تبعد عن القرية 30 كيلو

ماقصر الاجودي جاب الشماغ قبل صلاة العيد

وعند التجهز للصلاة اكتشفت ان الشماغ الموجودة هي بروجية

مقاس 52 يعني شماغ بزر !

ماصليت العيد ولاقابلت احد وبالطبع جميع المحلات مغلقة

بيوم العيد

وبعد الساعة 7 صباحا رحت للمغسلة ولقيتها مقفلة

واجهت صاحب بقالة مصري جنب المغسلة وقال لي ان فيه (عيل ) طفل

كان عنده نفس المشكلة وانهم اعطوه شماغ ماهي له

قلت له : تعرفه او تعرف مكانه ؟

قال : امااااال دا ( ولد فلان )

ماأطول عليكم

رحنا لمزرعتهم وطلعت علينا أمه وقالت وش تبغون

( شكلها شاكة ان الولد يمشي مع ناس أكبر منه )

شرحنا لها القصة وعقب مداولات فهمت الوضع وجاء الولد


وعطانا الشماغ اللي كان محيوس ويحتاج لكوي مرة

ثانيه !


عاد يقولووون :

يجوز العيد بدون شماغ


.

.

[فهد الدباسي]

هههههههههههههه

و الله ياهي مواقف


موقفك يابو مفلح قريب من موقفي

بس أنا الحمدلله أهون منك


أنا حطيت ملابسي عند المغسلة ليلة العيد ( اللي السنة الماضية :D )

و واعدته الساعة 3

طلعت الساعه 3 إلا ربع و لقيت المغسلة مقفلة :em4600:

و قعدت أطق الباب على راعي المغسلة و أنا أدعي ربي إنه موجود

لين صحيته من النوم :D و أخذت منه ثيابي



شكراً شكراً حايره

[( حايره )]

نجديه

محمد محفوظ


مانقبل منكم الضحك :D

لازم تشاركونا بمواقفكم


لكم التحية

[( حايره )]

محمد الفرحان و فهد الدباسي

لحظه لحظه محتاجين دقيقة صمت >> عشان نضحك على الموقف http://www.anfaaas.com/MySmiles/first/36_1_19.gif (http://www.anfaaas.com)

أمركم غريب يا معشر الرجال يعني ما أخذتوا ملابسكم وشمغكم للمغسله
إلاّ الفجر ... لو حريمكم اللي لهم طلبات وقت الفجر وإلاّ لهم أغراض
كان كسّرتوا الدنيا على روسهم http://www.anfaaas.com/MySmiles/first/36_1_42.gif (http://www.anfaaas.com)

بس يقولون يجوز الواحد يعيّد بملابس وشماغ أصغر منه

عشان يرجع لسن الطفوله http://www.anfaaas.com/MySmiles/first/36_1_33.gif (http://www.anfaaas.com)


محمد / فهد
عليكم مواقف الله يعينكم ويستر منكم :D

[توفيق-توفيق]

موقف حرج للغاية

لكن في أحسن الأحوال ضروري

على كل واحد فينا لما يشتري اي حاجة ضروري يقيسها في المتجر قبل ما يرجع لدار

أو ..فاش يرجع لدار عليه باش يقيسها قبل ما أن يضعها في الصوان


هي دا~ما مواقف و المواقف الغير المرغوب فيها تقع في الأيام التي نكون في أمس الحاجة للبضاعة التي إقتنيناه للمناسبة خاصة


دمتم بسلام و دامت مواقفكم بكل سلام

إجلالي و تقديري

[( حايره )]

توفيق

كما تفضلت أن المواقف المحرجه والغير مرغوبه

لا تأتي إلاّ في الأوقات الصعبة

يمكن تكون حظوظنا النحس :D هي التي تجلب هذه المواقف


أسعدني تواجدك

لك التحية والتقدير

[همس القوافي]

السلام عليكم ورحمة الله وبركاته

أسعد الله مساءك بالمسرات

موقف طريف جدا

اعسفي رجلك اليمين مثل ما يعسف الفارس المهرة ..!!

طلعت من مسجد بعيد عن بيتنا لأنني كنت في مشوار بالسيارة و حين وصلت البيت وجدتني ألبس حذاء سليم معافى و لكنه بلونين مختلفين
عدت للمسجد و وضعته لعل صاحبه يستفيد منهما تكفيرا عن خطئي

تقبلي أصدق الود

[نجديه]

هههههههههههههههههههههههههههههه

اسمعي يا حايره هالموقف

رحنا للسوق

والله يسلمه اللي معنا طاير كن الدنيا بتطير

وحنا وراه ركض اعوذ بالله

عاد اختك في الله تبي تسوي فاهمه وتسبقه هههههههههههههههههه

والله لا يوريك على اللي صار

انا طايره ما احد قدي واناسرع ما توقعت ان فيه باب زجاج قدامي

من العجله ( متوصيين فيه ماسحينه الين قال ربي الله ) هههههههههه

واصقع فيه والله ان الدنيا صارت اللوان ازرق على احمر ههههههههههههههه

ما استفدت شي لا من الركض ولا من السوق

طلعت بخفي حنين الصقعه اثرت على الوجه كله ههههههههههههههههه



الله يسلمك ياحايره

دائما مميزه في كل شي

سشكرا لك تقبلي مروري

ولي عوده بموقف اخر هههههههههههههههه

[( حايره )]

همس القوافي

يعني لو رايح حافي أحسن من المشوار عشان ترد الحذاء الملون :D

بس حلوووو تكفير الخطأ

أسعدني حضورك