(( .. بصمة حزين .. ))

[شامخ الرشيدي]

السلام عليكم ورحمة الله وبركاته

آمل ان ترتقي هذه القصيدة لـِ ذائقتكم .. وتجد لها قبولا ً في نفوسكم ..


:
:



ذبل رمش العيون من السهر .. واتلمّس المرقاد = رمى ثقله على صدر الصباح .. و عانق انعاسه
غفت عينه مثل عين السجين اليا ارهقه جلاد = تحت خده .. بقايا للأمل .. والصبر .. واحساسه
غفت عينه .. ولكن كانت الصحوة له بمرصاد = همس بأذنه .. بقايا حلمه .. اللي يلفظ انفاسه
دفع نفسه مثل طير ٍ .. تخيله بندق الصياد = ترك عشه على غصن الشجر .. يوم الخطر داسه
وثب .. واطلق كيانه للرياح .. وحزنه المعتاد = عليه من الهلع .. سود السحاب .. وخوفه الباسه
عليه من الزمن .. ( بصمة حزين ) .. وعين للحساد = عليه من الليالي .. غربته .. بين اهله وناسه!
وقف بين الأمل والياس .. والجثمان والميلاد = يصبّر حلمه اللي يحتضر .. ويشد له باسه
غريب .. ويمتطي صهوة ظروفة .. والحزن ميعاد = غريب وغربته .. غربة حياة .. ونفس .. وادراسه
غريب ولا صديق ٍ يعتبر عند اللزوم .. اسناد = غريب! الا وحيد .. وتطرق الايام في راسه!
ملامح شوفته .. لوحة رسمها .. كهل من بغداد = ملامح تحكي .. الحزن الأكيد .. وتقرع اجراسه
تجاوب نظرة اعيانه .. سؤال الجاهل النشاد = وتعكس واقع ايامه .. وتشرح قصة إفلاسه
تقول انه سجين .. وذكرياته في يديه اصفاد = تقول انه مع الغربة .. شرح حرمانه وياسه
من اخيوط الصباح .. يبروز الغربة .. وطن وامجاد = ومع جنح الظلام .. يغادر البرواز .. كراسه
حياته فوضويه .. وانحدار ومنحنى وابعاد = ولكنّه هرم .. يثبت على صحراء الألم .. ساسه
نزف قلبه دماه .. ولا بكت عينه فراق ابلاد = سكب دمه على بحر القصيد .. وفاض هوجاسه
هواجيسه .. على شط الحقيقة .. سفنها .. ورّاد = ومن عمق الحقيقة .. يسكب اصدق حرف في كاسه
حروفه لو تبخر .. ما احملتها السحب لأرض اعباد = ولو تبقى على البحر .. اعتذر .. لولوّه وماسه
لكم شكره وعرفانه .. ونبرة حزنة المعتاد = ومعزوفة عناقيد الأمل .. والصبر .. واحساسه!!


:
:
:


وسلامتكم ..
اخوكم .. ابو نايف

[مزون المحمد]

تقول انه سجيـن .. وذكرياتـه فـي يديـه اصفـاد
تقول انه مـع الغربـة .. شـرح حرمانـه وياسـه


،
،

لكـم شكـره وعرفانـه .. ونبـرة حزنـة المعتـاد
ومعزوفة عناقيد الأمل .. والصبـر .. واحساسـه!!


الشكر لك أنت على هذه المعزوفة

رائع بحضورك وبحرفك وبهذا الإحساس الجميل

صح الله لسانك

ولاهنت

[فهد الدباسي]

شامخ الرشيدي


حرفك شامخ و حضورك كذلك شامخ


استمتعت كثيراً بـ قراءة هذا النص و الغوص فيه


صح لسانك و لاهنت

تقبل تحياتي

[عسافه]

شامخ الرشيدي


صح نبضك قصيده قمة الروعه

وتسلم يمناك

ولاهنت ولاهان راسك

تقبل مرور المتواضع


عـــــــــ،،،ـــــــــــآفــــــــــــه

[محمد الرديني]

حضور راقي


ونص غارق بالجمال


ودي وتقديري

[مازن الطباع]

شامخ الرشيدي
صح لسااااانك مليوووون ولا يكفون على هذه القصيدة الراائعه
التي عانقت السحاب بروعتها وجمالها
فـــ لله درك يالغالي ولا هنت
لا تحرمنا من جديدك
تحياتي العطرة لك ولقلمك الرااائع

[قديم الشوق]

شامخ الرسيدي

صح لسانك ياغالي

قصيدة راقية من شاعر جميل

شكرا ً لك من الأعماق

وتقبل فائق احترامي

أخوك / قديم الشوق

[( حايره )]

الشاااااااامخ


دائماً حضورك له بصمته الخاصه

حضور يشدّنا من أول حرف

إلى آآآآخر حرف



ألف ألف صح لسانك

ولا هنت

[سليمان العقيل]

حضور متألق ورائع


تحياتي لك ولقلمك المبدع

[محمد الفرحان]

.

.

شاعرنا

شامخ الرشيدي

.

.


صح لسانك مدد بلاعدد

ويسلم بنانك على هذه القصيده

الرائعه بروعة حضورك وتواجدك

.

.

سلمت ياشاعرنا ودمت مبدعا" بكل

حالاتك ولاعدمنا تواجدك . . .

.

.

تقبل فائق تقديري واحترامي