لاقلت تكفى ياحبيبي عشاني = أفزع تراي ابغيبتك شفت الاحزان
أجيك كلي لو بعيداً مكاني = مااقول انا باحاول بقدر الامكان
يسوقني لك حبك اللي حواني =لو كنت تبخل بالوصل بعض الاحيان
ياليتني مثلك بطبعي أناني = توي عرفت اني معك كنت غلطان
ماكن قلبي مثل قلبك يعاني = وماكني انساناً مثل كل انسان
أحب وأكره وانسى منهو نساني = ولا اجازي اللي شفت طيبه بنكران
وإلا انت ياللي كنت اشوفك مواني = خليتني في غبة الهم غرقان
بين الرجا والياس عشت الأماني = مع مطرقة وقتي لي الحظ سندان
من قلبي خذها قبل يحكي لساني =واليا اسألوك الناس قل قالها فلان
أنا.. ولو عانيت سبة زماني = ماني بمتحسف على كل ماكان
ماابغى رجوعك.. لو رجوعك عشاني = مابه فرح إلا وبه قبله أحزان...!