.

يا كاغد القرطاس خلّ الزاج=ينثر شعوري واخر انتاجي
دام المتيّم موج بوحه هاج=وعسعس عليه الليل وانساجي
خلّه يفضفض لو لحقْه احراج=وسرّه تعدّى «ظَلْم» و«سواجي»
حندس ظلام ارهق فتيل سراج=يرجي شعاع الصبح ينباجي
ودمع الحزين ان هلّ هلّ ازواج=من معصرات الهمّ ثجّاجي
بيّح سدودي مترفٍ مغناج=وصفه يعجّز كل هرّاجي
حلو النبا حبّوب طلق حجاج=عذب اللمى والخد لعّاجي
شمس النهار بوجهه الوهاج=وليل الدجى مجدوله الداجي
وخنجر «ذياب» وقسوة «الحجّاج»=وحكمة «اياس» بطرفه الساجي
وجنه ونار وجلنار وعاج=وملحٍ فرات وعذْبٍ اجّاجي
والقيروان وقابس وقرطاج=و«مهد الذهب» و«عيون الافلاجي»
والجمر والجمّار والديباج=بين الجبين وجيده العاجي
قلعة جمال محصّنه بابراج=فيها يهاب ويامن اللاجي
وعرش الجمال اليوسفي والتاج=حاشه بلا تصويت واحراجي
له نوق شوقي زرفلن افواج=كلي ظما والزين هدّاجي
والعمر ساعه والدروب فجاج=والله يحقق مارجا الراجي
لولا الرجا ما حجوا الحجاج=ولا فكّر المسجون بافراجي
والحرب كرّ وفرّ واستدراج=والحب حربٍ مابها ناجي
وش خج قلب «فهيد بن مجماج»=وخلا «خليل» يهيم ويناجي
الزين يذبح يالله المخراج=وصد الحبايب موتٍ مفاجي
والوضع ما يحتاج لاستنتاج=شوفه شفاي ووصله علاجي
اقول والا اقول.. ما يحتاج=احسن لي اسكت وارجع ادراجي

.

الغالي عبدالله العويمر


كم شرفني حضورك
وسرني مرورك

تقبل فائق احترامي وتقديري

المشاركة الأصلية كتبت بواسطة عبدالله العويمر والوضع ما يحتاج لاستنتاج شوفه شفاي ووصله علاجي اقول والا اقول.. ما يحتاج احسن لي اسكت وارجع ادراجي خليل سم نبضك وحرفك دمت بود

أخي الفاضل
عبدالله العويمر


كم شرفني حضورك
وأسعدني وسرني مرورك

كل الشكر يالغالي


وتقبل فائق احترامي وتقديري

المشاركة الأصلية كتبت بواسطة فهد الدباسي خليل الشبرمي حضورٌ رائع و نصٌ جميل يستحق القراءة مراتٍ و مرات سـ أعود

أخي الفاضل
فهد الدباسي



شرفني حضورك
وسرني مرورك

كل الشكر يالغالي


تحياتي وتقديري واحترامي

°ˆ~*¤®§(*§*)§®¤*~ˆ°الشاعر خليل الشبرمي
صح لسانك
سلم نبضك
قصيدة رائعة
من شاعر جزل
لا هنت لا هنت
تقبل تحياتي
الشاعر / عبدالله بن ظافر°ˆ~*¤®§(*§*)§®¤*~ˆ°

المشاركة الأصلية كتبت بواسطة خالد بن علي الله عليك حضور مختلف جدا مختلف كبير في طرحه كم قلمك جميل سيدي

المشاركة الأصلية كتبت بواسطة محمد الفرحان . . حجز فاخر ولي عوده ان شاء الله