السلام عليكم ورحمة الله وبركاته

.

.

.

وكم يطيب لي التواجد في هذا المنتدى الرائع بكل من فيه بدءا من صاحب الوفاء الاخ محمد الفرحان وانتهاءا بكل من شرفني بزمالته هنا
.

.

قصيده على لسان احدى الاخوات حين كتبت خاطره واقتبست فكرتها منها

.

.

بسم الله ابدأ

يا للخساره يا حبيبي تخليت=واحرقت قلبي بعد ماكنت غالي
آهات اعايشها ولا عاد حسيت=تبيني اترجاك واذل حالي
لاوالله الا بالسلامه ولا جيت=باكر تقول اشواق هي راس مالي
ياما عشانك غالي الدمع هليت=عزاه يا قلبٍ حموله ثقالي
ناديت لك في سرمد الليل ما اوحيت=ماغير صوتٍ ارتداده بكالي
اوااه يا قلب العنا ليه شديت؟=ياصاحبي ليتك تجيب السؤالي
مني عطيتك صافي الحب واجريت=نبع ٍ قراح ٍ سلسبيلٍ زلالي
ارخصت لك غالي حلومي وياليت=عطيتني منك ولو شي بالي
مثل الفراش اطير وبيَدّك امحيت=لون الجناح وما قويت ارتحالي
ما خذتني صوبك ولا لحبي اوفيت=ولا بعدتني عنك ولانتا حلالي
ابعد بعيد هناك دامك تماديت=النفس والله عافتك والخيالي
مهره عريبه غيها فيه تنهيت=اصيلةٍ تجفل من اية ظلالي
لا ما عسفني غيره اللي تمنيت=قلب ٍ عطوفٍ ضمني بالدلالي
اشواق انا دونك ودونك انا جيت=اقولها لك يوم خنت الوصالي
هذي النهايه واشهد اني بها رضيت=حب على غير النقا ما زهالي

.

شكرا للشعر

.

.

شكرا لمحمد الفرحان

.

.

شكرا لمن تكرم بالمرور

مقبل السرحاني



قصيدة شامخة بحضورك


لاحرمنا هكذا روعة


دمت بخير