اخطيت انـا والله مكبـر خطايـه=والله بدون شعور يومنـي اخطيـت
مـن زود حبيلـك وزايـد غلايـه=الضيق بغيابك ليا غبت وابطيـت
خايف عليك وطحت انا في بلايـه=طحت ابلاي اللي انا منـه ذليـت
ارجوك تكفـى لاتخيـب رجايـه=ابجاه رب(ن)فارض(ن)حجت البيت
طالبك انـا قـدام وقـت النهايـه=واعاهدك واكتب عهد كان رديـت
انـي ماعـود لاخطايـا البـدايـه=وان عدتها مسموح لـك ماتوريـت
تكفى دخيلـك قبـل يبـدا عنايـه=ادري لافات الفوت مافـاد ياليـت
يانور عينـي ياثراي وسمايـه=عزي لحالي كان صملت واقفيـت
خلاص حبك سكان(ن)في حشايـه=مادمت حين معك لو انت صديـت
لاتستمع هرجت اعـداك واعدايـه=اكبر مصيبـه للعـدا لاتـو حيـت
ناديتلـك بالشعـر وسمـع ندايـه=والك العذر لو انت لي حيل سبيـت
شيخ ولد شيخ(ن)ولاهـي دعايـه=لي الفخر لو انـت فيهـا تهزيـت
والشعر انا عندي مـزاج وهوايـه=يمكن بالحظه لاتضايقـت غنيـت
احيان اصور من خيالـي روايـه=لاضقت من بعض المجالس ومليت

المشاركة الأصلية كتبت بواسطة غريبة دار اخي خليف الوهيداني صح لسانك و سلم بنانك قصيدة في قمة الروعة دمت بخير اختك غريبة دار

المشاركة الأصلية كتبت بواسطة ( حايره ) خليف الوهيداني جعلتنا نغرق معك في هذا النص وخُيّل لنا بأننا جميعاً مخطئين وأتينا للإعتذار والتوبة عن هذا الخطأ قصيدة أستوقفتني كثيراً لجمالها وروووعة حروفها صح لسانك ولا هنت

المشاركة الأصلية كتبت بواسطة محمد العيسى الشاعر الفذ خليف الوهيداني صح لسانك وجاد بيانك مدد بلا عدد بنتظار الاجمل