يا محمد أدري أنك صادق(ن) راعي حميـه=وادري أنك كفو ما تمشي على الذل وتعافه
جيتني صادق وجيتك بنت عز(ن) واجوديه=أفرش الجرهد وغيري بالحقد يطوي لحافـه
لو انا بدعي لربي ( خلنـي يالله أسمريـه)=لجل اكون أبعد لخوف(ن) كانت القمرا تخافه

يا وجودي يا حـلاة القـول مـن ثغـر البنيـه=فيه من سحر الكـلام وفيـه أحسـاس ولطافـه
أدري أنك بنت عـز(ن) يالهنـوف الغشمريـه=يا عمـا عيـن الحقـود ويـا مميـزة الثقافـه
جيـت كلـي والمعانـي جتـك يالغالـي هديـه=الليالـي هيضنّـي يـوم أنـا سامـرت قـافـه
أسـرج الأبيـات لجلـه مثـل سرجـي للمطيـه=وأصرف اللي قد خفاله وأعجز أبنوك الصرافـه
النقـاء والطيـب وأسلـوم العـرب والشاذليـه=شرعها واللـي يخالـف شرعهـا حنـا خلافـه
المعـزه لـك لوحـدك والـغـلا والمقـدريـه=وأشهد أنك بنت رجل(ن) ما احد(ن) بالطيب طافه
المهابـه والشـرف والمرجـلـه والمنخـويـه=له لباس وطاعـة الله فيـه مـن زود العرافـه
راس قـوم وطيـب دوم ولا يمنـن بالعطـيـه=مسلم امسالـم ولكـن جلـف بأوقـات الجلافـه
طيبها مـن طيـب أبوهـا طالعـه حـره آبيـه=مـا تنـزل راسهـا للـدون وأعلـوم السفافـه
بيض الله وجهك اللي .. مـا تجـي منـه الخطيـه=طيبه.. والطيب عندك عـادة(ن) ماهـي كلافـه
من عرفها يعرف أن الخيـر باقـي لـه بقيـه=ماتـقـول الا تـطـول ولا تـقـوم الا حـرافـه
يدهـا بالطيـب تنقـا يدهـا بيـضـا نقـيـه=جعل حظك لعلا والوقـت مـن دونـك حسافـه
ياوجودي يا حـلاة القـول مـن ثغـر البنيـه=ويا وجودي ليتني فـي يـدك مفتـاح المسافـه