.=.
شدّت الأفراح من قلبي بترحل=يوم قال الخلّ لي فرقاك عيد
والدمع من موق عيني صار يهمل=وإن موتي صار من بعده أكيد
يا وجودي من عناي البعد طوّل=صار فيني الهمّ كل ماله يزيد
يوم محبوبي ترى بالبعد عجّل=صرت عاجز من بعد باس ٍ شديد
كنت أضنّه مستحيل بيوم يوصل=بأنّه يعاف المحبّه مايريد
ثم يترك من على شانه تحمّل=كل خياناته وهو يزيد ويعيد
عايش بدنياه في داخله يحمل=حب له ما ينوصف نوعه فريد
ثم لا به راف او حتّى تجمّل=هدّه وخلاّه مع حزنه وحيد
كان مثلي في شعوره بس لوّل=صار دون شعور جبّار وعنيد
لكن اللّي إتّضح لي شي مهمل=إن قلبه صار أقسى مالحديد
.=.