وينكم يا شعار المحــاورة ....
 

من أراد فل يتقدم ....



يا سلامي على نبع الوفاء والقصيد = ياسلامي و ودي لو تغنونها
تالي الوقت قاموا يحكمون العبيد = والأجاويد ما تلقى عشاء صحونها

ارحب ياخالد بن عاصم

ياهلا بك بعد هالغيبة

حيه وحي ماجاب

والشعار موجودين وابشر بسعدك يالغالي

ارحب ارحب ياخالد والغلا لك يزيد = ياهلا بالبيوت ومن يجرونها
دام عندك فلوس ودام عندك رصيد = فـ ياكثر من يشيلونك على متونها

في انتظار عودتك الكريمة

وتقبل فااائق تقديري واحترامي

ياهلا بك يا قديم الشوق ..
والامر ماهو بيدي ومن غاب له الأسباب


ياهلا بالمرحب وأنت سفيك حديد = والمعاني على اللي ما يشيلونها
كان رأيك مع أهل الطيب رأيٍ سديد= فإعرف إن السملقّ ما يجو دونها

هلا بك أكثر ياخالد والله يحييك في كل وقت والمنتدى منتداك

البقا لك وجيّـة حضرتك يوم عيد = والمنابع تحب اللي يحبونها
الفرايد عوايد مبدعين النشيد = والمعاني لها ناس ٍ يصيغونها

ياصحيبي طلبتك كان عقلك رشيد = إلتزم والأضاحي لاتضحونها
الفرايد سمانٍ وديّ إني أصيد = والمجانين أنا بصيد مجنونها

النصع قدم عينك وانت شف وش تصيد = والعرب دون اراضيهم يحامونها
فطـّح الحيل يا ابن العم غير العصيد = والنشــايب لهـا ناس ٍ يفكــونها

العذر من الله ثم منك يالغالي والله اني إنشغلت شوي



مايفك الجموع الأ الحزام الجويد = سلة سيوفنا لازم تذوقونها
والله إنه قديم الشوق رأسه عنيد = ليه بعض السوالف ما يدانونها

معذور ياخالد وياهلا بك وما ابطى من جاء

ياهلا بك وباللي جيت به من جديد = وغيمة الشعر توه هلت مزونها
ما بـ راسي عنيد ٍ بس بابي حديد = وانت بيبانك احذر لا يفجونها

المخايل تخايل والرعد له رعيد = ليه بصمة يدايدكم ماتحنونها
كان رأسك عنيد أبشر بقلبٍ بليد = مايحب السوالف غير دندونها

أقضبك بيد وأقضب باقي الناس بيد = وأقطع الشجرة اللي ذبلت غصونها



ولله درك ياقديم الشوق وإلى اللقاء القريب العاجل

هلا بالغالي

صبحك الله بالخير

والمعذرة والله ما انتبهت لردك ألا الحين

لأني فقدتك كم يوم وتوقعت أنك انشغلت وماعاد رجعت

وتفضل طال عمرك :

زين دامي لباقي الناس ند وضديد = وكل يدّ ٍ لها رْجال ٍ يلوّونها

والشهادة من امثالك ما اظنْها تحيد = وبيض الله وجيه اللي يأدونها