اليا متى صدتك ياراعي الصده=واليا متى زلتك ياهوه ابقبلها
قصّرت مدّك وانا لك مجزل المده=مديت بحبال وصلي وانت مهملها
شفت الذي خط عالمويه بخط يده؟=أو مثل من يقبص الحيده ويطبلها؟
ذولا مثل من يبيّن حبه ووده=إلواحدٍ جاهلٍ ماهو بكفو إلها
فلا تحسب اني لاقلت احبك بشده؟=يعني ابضعف وزلاتك اجاملها
أبوك انا ند مايزرا على نده=واشل حمل المراجل وآتحملها
من لابةٍ بالوفا والطيب ممتده=لا قالت اقوال ؟ تفعلها وتفعلها
وحنا هل السيف الاملح حن هل الرده=وحنا ملافي الرجاجيل وزواملها
لاجا العدو صوبنا يُلطم على خده=وللصايح؟ الكل دسماله يدسملها
من حد بغداد الى صنعا لنا عده=وأفعالنا عاد مابه راس يجهلها
فإن كان وضعك كذا بيطوّل المده=خذها من اقصر طريق ولاتطولها
الشي لازاد عن حده؟ قلب ضده=وزلتك ماعادني برضى ولا اقبلها
فإن كان تبغى صدودٍ فأبشر بصده=وإن كان تبغى لعانه؟؟ فأبشر إزهلها
ولاّ أقولك ؟ وقولي صدق من جده=الحل واحد ولا غيره بيعدلها
يالعبنو حب باير لعنبو جده=وإن كان فرقاك ستره؟ جاك مسدلها
روّح عسى روحتك روحه بلا رده=وش حاجتي بناس ماتكرم منازلها!!

المشاركة الأصلية كتبت بواسطة محمد ال مهيد الغالي سعيد بن مانع الله الله عليك قصيده شاامخه معنى وقاافيه قصيده لاا يجيدهاا سوى القليل اجدت حبكهاا وسبكهاا سعدت ان اكون من اوائل المعانقين لها اتيت لا اسجل اعجابي اخوك محمد

المشاركة الأصلية كتبت بواسطة غريبة دار الشـــــــــاعر القدير سعيــــــــــد بن مــــــانع ألف ألف صح لسانك على هذه القصيدة الرائعة التي عانقت السحاب بروعتها و شموخها لا هنت ولا هان قلمك تحيـــــــــــاتي العطرة اختك غريـــــــــــــــــبة دار

المشاركة الأصلية كتبت بواسطة عبدالناصرالعالي الغالي سعيد بن مانع صح السااانك يارااائع مبدع اخووي دمت بالف خير بالتوفيق

المشاركة الأصلية كتبت بواسطة بسـام بن عبدالعزيـز سعيــد http://ccs.jeeran.com/line%201.gif كفـــو يا بعدي الشيّ لا زاد عن حدّه؟ قلب ضدّه=وزلتك ماعادني برضى ولا اقبلها فإن كان تبغى صدودٍ فأبشر بصده=وإن كان تبغى لعانه؟؟ فأبشر إزهلها ولاّ أقولك ؟ وقولي صدق من جده=الحل واحد ولا غيره بيعدلها يالعبنو حب باير لعنبو جده=وإن كان فرقاك ستره؟ جاك مسدلها روّح عسى روحتك روحه بلا رده=وش حاجتي بناس ماتكرم منازلها!! صح لسااانك ولاهنت عز الله قصيده تبـرّد الخاااطر تسلم يمينك ومسموح على الغيبـة بس لا عاد تعودهـا :) http://ccs.jeeran.com/line%201.gif احترامي

المشاركة الأصلية كتبت بواسطة خالد بن علي صح نبضك وصح إحساسك نزف جميل وراقي حروف قمة وجمال في حضورك

المشاركة الأصلية كتبت بواسطة نغم فلا تحسب اني لاقلت احبك بشده؟ يعني ابضعف وزلاتك اجاملها صح نبضك وصح إحساسك نزف جميل وراقي حروف قمة وجمال في حضورك نـــــ غ ــــــم