يا اللي تنادي مسمعي ملّ الأصوات = أنا سمحت من الهوى عن قناعه
هذا جزاء راعي الدلع والتلفات = اللي يحاول في " دروب اللكاعه "
ما هوب أنا اللي ينخدع في المتاهات =ولا هوب أنا اللي " بنت "تلوي ذراعه
ولا ني بحطك في ملف السجلات =أنساك وانسى إني عرفتك بساعه
" روحي " وارددها بعد " عشر مرات " =واللي خلقني صرتي أتفه بضاعه
" روحي " وأنا بروح يا بنت بسكات=وموضوعنا ما عاد يقبل شفاعه
تساوت بعيني جميع المسافات = " أنتي " و " تاريخ الغرام " و " ضياعه "
عزيز نفس وعزتي " ورث الأموات " =والعمر بادي والنهاية قطاعه
وش عاد خليتك " مجرد روايات " = عنوانك ( الحب الحقيقي ) و باعه
مغرم وشاف بدورة الحب دورات =دربه وحيد ولا يرافق جماعه
واليوم ما يسمع صدى بعض الأصوات = " شطّب " طريقك والهوى عن قناعه

الشاعر القدير

عبدالله بن راجس

قصيده شامخه من شموخك

تميزة بكل الروعه والجمال والنفرد

دمت راقياً

مغليك

محمدالحربي