خذ دفتر أوهامك وأضف فيه موضوع=وبين لكل الخلـق مـا كنـت ناسـي
قول الحقيقـه علّهـا تنـوّر شمـوع=وتنظف الدفتـر مـن اوهـام قاسـي
وأثبت لي أن الوهم في دنيتـك نـوع=وأن الهوى والعشق ماكـان ساسـي
أقنعني أنه يـوم لـو تـذرف دمـوع=ماهو من أسبابـك تجرعـت كاسـي
واني هني العشق ما يعـرف اللـوع=وانـي فريـد فيـه يـا قـو باسـي
وان كان ما تقدر على البوح من طوع=فأصبر على ما جاك من حـد فاسـي
واسمع ترى قول له أثبـات مسمـوع=ومن لا يقول الصدق في الحب أسـي
ما يكفي أنك خل والوصـل مقطـوع=ياكيف حبك صار بالجـوف راسـي
ذقت الشقى والهـم والبعـد والجـوع=وأنت سجين اللي على الحب داسـي
وش صار تشقيني وأنا الراس مرفوع=عهـد علـي مانـي مغيـر لباسـي
مانـي تبيـع لك.أنـا دوم متـبـوع=من يوم أنا طفل وانا أعرف مقاسـي
أنصحك مادام الوهم فيـك مـزروع=عقلك حقيقـه صـار فيـه التماسـي
ياليت لي قلب من الصلـب مصنـوع=كان الصلع والشيب ما طـب راسـي
خذ دفتر دون على غيـر موضـوع=وأكتـب لعنوانـه توهـام نـاسـي