هاض الخفوق وقلت ما كنت مخفيه= يالله دخيلك كن بالجاش عله
شفت العروبه حلم والحلم نرجيه = وظلعٍ تشفقنا على شوف ضله
قيل العرب مجد البطولات ،، قلت ايه= مجد التفاخر بين قصرٍ وفله
المجد الاول راح واقفت لياليه = والمجد الاخر ما لقينا محله
عزي الحاضرنا بعد غاب ماضيه = ابعد من ارجوم الثرى للاهله
عهد الصحابه راح ياللي اتطريه = تاريخ ناصع ما يبي له أدله
واليوم حاضرنا يناقض مباديه = للغرب صرنا مستهانيين ذله
كلٍ علينا قام يرمي بلاويه=وبان الغدر بقلوب ناسٍ مغله
صهيون بالمقدس توطي مبانيه = يهود شركٍ مالها ساس مله
وهذا العراق اليوم تحرق بواقيه=لو قصدها صدام تقدر تدله
لاشك كل القصد ثروت اراضيه=امنضمه بالخارطه تستحله
كم يتمو طفلٍ وكم طفل نبكيه=بقنابلٍ مثل النجوم المهله
وش ذنبهم وش فعلهم وش جنو ،، ليه!!=احدٍ يموت ابروع وحدٍ تشله
وين العرب.. نبع البطولات تحميه=وين الزعيم اللي عليهم يسله؟
صارت ردود الفعل شجبن وتنويه= واخر قرار المؤتمر من يهله
لاصار مابه فعل ويش الرجاء فيه=احسن لنا لبس الاغطي والاجله