|
جيت أسلم واعس الارض والله خبير .. الطارف سديد يا النشاما
سلام يا أهل الكرم والطيب والواجب= يا هل منابع ولاعن طيبكم حاجب والعين والعين .. ما تعلا على الحاجب= والناس بالناس والأرزاق بيد الله
يا سلامي على لأعضا وليما المدير=ردة الشاعر اللي يصرف اجزالها جيت أسلم واعس الارض والله خبير= عالمٍ بالضماير عارف احوالها |
يامرحبا والقمر مبداه من نوره=بالشاعر اللي يشرفنا من حضوره والنفس لاشك منهيه وماموره =والناس للناس والارزاق عند الله
مرحبا مرتين وجعل فالامر خير = عد مبدا المزون وعد همالها احتزم مير ميّز للرحا المستدير = يطحن الحب وانته لاتجي جالها |
الك البقا وانت شاعر طيب الفالي=متميزٍ بين مرواحه ومقبالي والسوق يا ذعار فيه الرخص والغالي=والناس باالناس والارزاق عند الله
البقا والجمل سمحان جاله هدير = عجل .. والله يجازي الناس بأعمالها لو تحزمت جالك شهقةٍ مع زفير=يا عميلٍ على راسه بيشتالها |
.
. ياسلام على شعراءنا محمد الأسمري وذعار الدعجاني . . طاروق كايف وموعد مع المتعه ماسك الصف ورا محمدالاسمري . . صفوف ياهل منابعنا والليل الليل . . |
محمد الفرحان ارحب يالقرم صح بدنك وانا اخوك حضورك شرف يالغالي وأتنومس ليصرت بصفي لك كل التقدير .. ونبي الصفوف تشيل وينهم ما شفنا شي ..!؟ المحاورة لها 6 ايام لكن الخير بقبالك وانا اخوك لك كل تقديري ومودتي |
محمد الأسمري ذعار بن محمد الله الله طاروق رايق و شعراء كايفين واصلوا بصفك يا ذعار ولا هنت يا محمد |
الشاعر اللي علانا فتل اشنابه = يالله سترك يبين الخبث بكتابه والطير مايشبعه ياكود مخلابه = والناس للناس والازاق عند الله
المعاني تبا شاعر محنك خبير = وانت يالاسمري واظن تبرالها استرح يامحمد وانتبه لاتطير = لاتهوز الطويله ماانت ترقالها |
مرحبا
ابومفلح ماعلي منك خلك بصف الاسمري وان قاله الله لااتسويك هههههههههههههههههه فهد الدباسي حياك ياتاج راااسي وتواجدك بصفي يشرفني يابعدي الاسمري اعجل علانا وخل نارك حيه تحياتي |
فهد الدباسي .. ارحب يالقرم حضورك قمة .. يا الوافي لاهنت حياك الله أخوي ذعار .. وأستلم لاهنت
الشاعر اللي تلاحي يعرف ادروبه=وإن كنت جاهله فالعربان يدروبه يا صاحبي لا تناور وأطلب التوبه=والناس للناس والازاق بيد الله
لا تمدح ومثلك في المواقف صغير= عوذ من شجرةٍ الزقوم وأظلالها لو نلف الحبل حولك يجيلك صفير= والقصيره قصيره لو تهايالها |
الله يرحمك يافيصل بغفراني = حررت ناسٍ وعاشوا وسط اوطاني الله يقلع وياخذ أهل جيزاني = والناس للناس والارزاق عند الله
لاتطول السوالف وانت حبلك قصير = امكم تاكل اللقمه من اعيالها استلم ماكتب لك بعد جاك النذير = خل عينك لفرخ البط تحدالها |
الاسمري
لاتبطي ترى ماتصير محاوره كل يومين بيت مايصير |
ارحب يا ذعار ودي نلتقي في ووقت واحد .. ونقرحها .. وأتمنى لو جاك فرصة الليلة حول الساعه 10 طيب .. أستلم أستلم
كنت أحسبك رجل يعرف منهم أسياده=لكن أشوفك لويت العلم بزياده وجيزان لهله .. وانا لي لابةٍ ساده=والناس بالناس والارزاق عنـد الله
لو تطول السوالف نكشفك يا الضرير=والعرب منت قادر تسرق أجلالها قسمكم يا ذعار اليوم راس البعير=وشلكم بالرجال و مالك ومالها |
لاهنتوا كلكم يا شعراءنا و لا هان كل من مر هنا كل عام و أنتم بخير و إن شاء الله نشوفكم بـ محاورة على الهواء بعد العيد لنا الشرف بـ حضوركم كلكم معنا |
صحيت كلك يالوافي
شاكر مرورك الغالي .. وتشريفك أخوي فهد صح السانك اخوي ذعار بن محمد وأنشاء الله لنا لقاء قريب .. بترتيب مسبق والشكر كل الشكر لمن مر من هنا أخوكم محمد الأسمري |
ماش صح لسانك
يدك رجل استلم ..
اخذ المطمه قبل لاياصل القاضي = يالشاعر اللي تمشيها على الفاضي لاانته بزعلان لا ولا انته ابراضي = والناس للناس والارزاق عند الله
انت ماانته محصل كبر ذرة شعير = مير خل المطيه ماانت جمالها المدافع تدك ولاانت داري شيصير = تعرف المهره اللي عسف خيالها |
السلام عليكم و رحمة الله و بركاته الأخ / ذعار نتمنى أن نشاهدك في محاورة يتم الإتفاق عليها على الهواء مع الشاعر محمد الأسمري حيث سـ يكون هناك تنسيق مع الأخ محمد آل مهيد - مراقب الأقسام الأدبية - لـ عمل الترتيبات اللازمة حتى تخرج هذه المحاورة بـ أجمل صورة و اختيار الوقت المناسب لـ الجميع ألف شكر لكم و لكل من مر هنا تحياتي |
صح لسانك يا ذعار
.. وعلى قول الاخ الأستاذ فهد الدباسي نلتقي انشاء الله قريب قريب .. ويطول اللي وحلاة المحاورة على قولتك حاضر بحاضر تمموها يالربع وعطونا الموعد وانشاء الله نستانس حن ومن حضر الملعبه وأتمنى ان تكون مسائية ومعلنه مسبقا وكل عام وأنتم بخير وعساكم من عواده |
وانا ماعندي مانع
والعذر يالربع على القصووووووووووور :) |
محاوره رآئع ـه..
أساتذتي.. صح ألسنتكم.. دمتم بهذا الحضور المتوهج.. كلّ التقدير..! |
شعرااء كبار لكم مااطلبتم سيتم اختيار الوقت المناسب وانتم اهل لهااا اخوكم محمد |
ااااااااااالله محاورة ولا اروع
الف صح لسانكم على هذه المحاورة الرائعه |
| الساعة الآن 04:08 PM |
Powered by vBulletin® Copyright ©2000 - 2026
