سامحوني على القصور تشغلني الدراسه عن المشاركات

صلو على النبي

قدعت الغم يا دنيا وشربت إمن الهموم دلال=ولدري ليه يا دنيا جهلتي هز فنجالي
سقيتيني الكدر والحزن يبهر طعمه السلال=وفيتي لي بكرامة ضيف دسمها زاد غربالي
أنا من كثر ما جرتي علي تضربي الأمثال=وكن الضيفه يا دنيا فعلتيها لي لحالي
ولدري لي متى صبري على ظلمش وسيع البال=عسى الله بس يقدرني على ضعفي وردا حالي
كسيره بالغلا ضلوعي كسيره وما قوة تحتال=ثقيله أنتي يا دنيا وحملش زود أحمالي
ترا حتى النبي وصى وحذر قهرت الرجال=عظيمه من بلاويها ولا يهدالها بالي
وش اللي أطلبه يومش ذخرتي طلبتي لنذال=وش أكبر ما تمنيته لجل أدفع ثمن غالي
تهيلي أنا العاقل وعايش في زمان أخبال=وأثاريني أنا المهبول وأغني بين عقالي
نسيتي ما وعدتيني من الفرحه وطيب الفال=وشوفش بس تشقيني وباب الحزن هو فالي
تسلطتي وأنا طمعان أعيش بعزتي رجال=ولو أحتجت لش مره تحديني لعذالي
كريم السبله لو تقصر يمينه مدها بشمال=ولكن وش تفيد أشمال ويمنا مالها والي
داوم الحال يا دنيا صعب يبقى وأمره محال=ولو هي دامت لغيري لايمكن تطلب أوصالي
أجل وشلون لو إني على ماقيل ومنه قال=طلبتش بالغلا عيونش أظن أسكت أنا أشوالي
عشاني قلت لش مره ترا شوق الغلا قتال=تذليني بغلاش اللي يساوي بالغلا عيالي؟؟
على كل حال ذا حظي وراضي به على كل حال=غناتي بداخلي أحساس ولو تفقرني أموالي
عرفتي منهي الدنيا وتشبيهي يابنت الخال؟؟=جنابش يا شقى روحي ويا حزني وسلالي

المشاركة الأصلية كتبت بواسطة بسـام بن عبدالعزيـز محمد http://ccs.jeeran.com/p2.gif كريم السبله لو تقصر يمينـه مدهـا بشمـال=ولكن وش تفيد أشمال ويمنـا مالهـا والـي لله درّك يا شيخ صح كلك اعاجابي وكلّي شرف بالردّ الأول http://ccs.jeeran.com/p2.gif احترامي