يا خبل اللي يجرّب بي الطّبابه= و يرجي رجعة الحظّ المولّي
حنى حالي مثل عود الربابه= زمانٍ كلّ ما أتلّه يتلّي
يعيّي كل ما طقّيت بابه= عنيدٍ لا يكلّ و لا يملّي
و يمضي العمر كني في ضبابه= و همي عند ساقي مثل ظلّي
سبب من صابني بأول شبابه= يشادي البدر في عزّ التجلّي
ألا يا صاحبي يكفي صبابه= دخيلك ردّ لي لو بعض كلّي
منيب أحبّ من رّزقه هبابه= تعال نذبّ في الرّجم المطلّي
تعال نعيش من جملة احبابه= و خلّ البعد يا خلّي يولّي