مايأثّر بالرجال اللي نسميها رجال=كود رجل ٍ لانظرته تخنقه بالعين عبره
لااختنق في عبرته تختل بالدنيا جبال=كيف يختل الجبل والناس تعرف فيه كبره؟!
والله ان الدمع بعيون الرجال اكبر محال=والرجل لاطاح دمعه انفتح له باب قبره
انتي ياللي تحسبين الدمع سهل انّه ينال=لعنبو رجّال لاجلك يحتضر دمعه وصبره
تنشديني وشهو اللي في عيوني دوم غال؟=تنشديني كن دمعي كالقلم لاهل حبره!!!
اسمعيني يافتاة العشق واحلام الخيال=عاشقك من صغر سنه دمع عينه مايخبره
وان بغيتيها حقيقه خوذي مني هالمقال=غير موت اللي نحبه ، للحزن صوت ٍ ونبره
دمعة الرجّال لاطاحت غدت أكبر مثال=طاحت الدمعه ولكن باقيه للخلق عبره
تحسبين الدمع عنده مثل دمعك يوم سال؟=دمعة الرجّال مثل الكسر ، لكن صعب جبره
والرجل لاصار رجّال ٍ ومن حسبة رجال=ينفتح له باب قبره لاخنقته بيوم عبرررره

المشاركة الأصلية كتبت بواسطة نواف السعدوني عبدالله وش تبيني أقوول يامبدع بالله.. أنت كنز الأبدااع بين أناااملك صح ألسانك واعتلى شانك ياشيييييخ تحيتي

المشاركة الأصلية كتبت بواسطة مـــــلاذ الأستاذ عبدالله العويمر أتيت لإجدد إعجابي .. دمت بهذا الإبداع و صح لسانك .. بالغ الود

المشاركة الأصلية كتبت بواسطة نغم العويمر صح احساسك ولسانك ولاهنت مبدع مودتى تحاياى نغم

المشاركة الأصلية كتبت بواسطة حماد القريني صح لسانك وجاد نظمك لاهنت ولاهان راسك تحياااتي

المشاركة الأصلية كتبت بواسطة رنين الماس قصيدة رائعة يسلموووووووو على الروعه والنص الراقى جدا صح لسانك واحساسك رنين

المشاركة الأصلية كتبت بواسطة ( حايره ) ما أقسى تلك الدمعة عندما تسقط وهي بالتأكيد لا تسقط إلاّ عند الشدة أما قصص الحب والخيال فمن يملك عقل الرجال لن تسقط له دمعة على تلك الأساطير عبد الله العويمر ماذا نستطيع أن نكتب ؟؟ فقد حملت الحكمة في كف والإبداع في الكف الآخر ألف صح لسانك ولا هنت

المشاركة الأصلية كتبت بواسطة الغــرام الشاعر عبدالله العويمر صح لسانك ودمت متالقا تقبل اجمل تحيه الغرام