حن قلبي والمصيبه افترقنا من سنين = حن قلبي واتصلت وجاوبتني ياهلا
قلت كيفك يابنيه قالت انت الحين مين = قلت انا من هو تركته وعنك عمره ماسلا
قلت يمكن ماذكرتي نبرة الصوت الحزين = او يمكن في تشابه بين اصوات الملا
قالت اصبر ايه اصبر وانتظرته لحضتين = وجاوبتني ايه اذكر وين غايب يالغلا
وين كنت وليه غبت وبعت عهدك واليمين = وخنت قلبي والمحبه مع مواثيق الولا
وقالت اسمع ياحبيبي صرت ام لطفلتين = ذي ريم وذي ساره ياعساني ماخلا
بس يكفي ياحياتي عقبك اتعبني الحنين = ويوم قلتي ياحبيبي هم قلبي انجلا
واعرف اني صدق احبك صرت لي مله ودين = بس طيفك في خيالي وغير طيفك لا ولا
وفي ثواني غاب صوته واصبح الهاتف حزين= وصرت اردد ياحياتي جاوبيني ياغلا
وبعدها ابضعت ثواني صار للهاتف رنين = والتقتطه ذي رساله من بعد روحي (هلا)
نصها حنا افترقنا والمصيبه من سنين = وحبل ودي ياحبيبي اقطعه لاتوصلا