هاكي ملامح وجـودي إبسنينـي=وشهو تشوفـي بهـا وتناظرينـة
البرد والخـوف دايـم يحتوينـي=أضنـا كيانـي وبهذلنـي بزينـة
جيتـك أبعثـر أمانـي تنتخينـي=أنثر جميعي شظايا بـي سجينـة
جيتـك أدور معالـم تغتويـنـي=تهزم جموحي يروضنـي بدينـة
جيتك أنـادي عيونـك تحتوينـي=مابين أرضك وسـورك والمدينـة

من بين همـي وغمـي تجتبينـي=تنبش بقايا فصـولا بـي دفينـة
في ما مضا من مآسـي تعترينـي=صاغت بصمتي سوالف هي حزينه
إبذمّّتـك دام كـلّـك تعشقيـنـي=تكفيـن لمّـي شتاتـي وجمعينـة
إنسان ضايـع بهمـه يشتهينـي=إنّك بشمسـك وليلـك تحظنينـة

مابي بقهري سوى انّك تقتلينـي=من زود حبّـك أبيكـي تذبحينـه
أرجوك لحظه ياعمري إسمعينـي=مابيـه منّـك جميعـي تملكينـه
مثل الوطن في حدودك عيّشينـي=اروي ضما لهفتـي لا تحرمينـة
ذاك الطفل من حنانـك يرتجينـي=نفسـه يسافـر ديـارك تتركينـة

قولـي أحبـك احبـك ريّحيـنـي=إضوي نهـارك بليلـي نورينـة
خطي حروفـك بقلبـي علّمينـي=وشلون أضمـا بحـبٍ تمطرينـه
من زود مرواه أضمـا ولتقينـي=أحتاج أروى ضما وأنتـي ببينـه
شوفي بلاي بعيونـك أشتهينـي=ماظل محل بي أبد مـا تسكنينـه
نفسي أشوفـك بحبـك تقتلينـي=أحيا أموتك هوى بـي أستزينـة

المشاركة الأصلية كتبت بواسطة عويد المغيليث خالد بن علي قصيده جميله ذات ابعاد دفينه صح الله لسانك وسلم بنانك لاخلا ولاعدم اخوك المغيليث

المشاركة الأصلية كتبت بواسطة فهد الدباسي خالد بن علي صفحة مليئةٌ بـ الجمال و الروعة كان نصيبي منها حتى الآن : الدهشة سـ أعود لك يا مختلف

المشاركة الأصلية كتبت بواسطة ظافر الأحمري سلمت وسلم نبضك على هالنص الراقي سجل اعجابي ومتابعتي ولك تحياتي

لك مني أرق تحية وتقدير

على حضورك وتواجدك هنا

أنتظر عودة قلبك النقي

المشاركة الأصلية كتبت بواسطة حسن الزهراني خالد انت رائع

المشاركة الأصلية كتبت بواسطة عبدالرحمن الخالدي " " " " " جيتك أدور معالـم تغتوينـي ...............تهزم جموحي يروضني بدينة جيتك أنادي عيونك تحتوينـي ................مابين أرضك وسورك والمدينة الف صح لسانك ايها المبدع خالد بن علي ما اجمل شعرك وشعورك دمت بخير وسلامه اخوك / عبدالرحمن الخالدي " " "