|
فيروس هجرك عطل القلب تعطيل
أخواني الاعضاء
هذه قصيده من قصائدي المتواضعة التي حاولت ان أوظف فيها بعض المصطلحات الكمبيوتريه في خدمه القصيده ومعناها أتمنى أن اكون وفقت في ذالك والعذر والسموحه فمعلوماتي في الحاسوب قليله نسبياَ أتمنى ان تعجبكم القصيده وتحوز على رضاكم
فيروس "هجرك عطل القلب "تعطيل"= ودمر "ملفات" الفرح في حياتي ياللي سكنت القلب من دون"تحميل" = متى"لموقعنا"تشرف وتاتي "عنوانكم"ماهوب"ياهو"و"هتميل" = "عنوانكم" روحي وقلبي وذاتي كم مرةٍ أرسلت لك عبر"الإيميل"= وأدورك في "منتداي" و"شاتي" وأرسلت لك يازين"فيلٍ "ورى"فيل" = فيها الغلا والحب يأغلا أمنياتي وأرسلت لك قصة عذابي مع "الريل" = ياللي غيابك هو سبايب شقاتي دايم عليك "أبحث" "بياهو" و"قوقيل"= وأنت ولا تسال علينا بتاتي خابرك" بنتم فور" أصلي و"أنتيل" = لكن خسارة غيروك الوشاتي وكان الهكر غروك بالقال والقيل= بأدعي عليهم في سجودي وصلاتي ياجعلهم بقعاء وطيرٍ أبابيل = ترمي عليهم بأمر ربي حصاتي يرضيك من حبك غدى منهك الحيل = ريقي غدى ناشف ويبست شفاتي أقضي الليالي دمع عيني هماليل= لامن طريتيلي تبدد مباتي صحراي جفت مالفانا مخاييل = وأنت المزون اللي تروّي نباتي وياشين حالي لا قريت "المراسيل" = في"الأوت لك" أذكر قصص ماضياتي منك"حزين الحرف"شاف البهاذيل= وقلبك مثل "قرصٍ صلب" في القساتي "موقعك" في وجهي مقفل بتقفيل = حتى"البركسي" مانفع وش سواتي "بمفضلة" قلبي عطيناك "تفضيل"= أنت المفضل عندنا ياغناتي ويازين هجرك عطل القلب تعطيل=ومن غير شوفك وش تساوي حياتي كني بدونك "قرص فارغ "ولا" فيل" = فاسد ومرمي "بسلة المهملاتي" ماعدت أفرق بين"اكسس" و"أكسيل"= وماعدت أفرق بين" بلتك" و"شاتي" وباشكي على "الكيبورد" كثر الغرابيل= وأكتب على "الوورد" المطور" وصاتي" وهذي النهاية حطها وسط "تظليل" = لا مت فغيابك سبايب مماتي القصيده بصوتي للاستماع http://adn888.com/abady/sound/virus.ram للتحميل http://adn888.com/abady/sound/virus.rm أخوكم حزين الحرف عبد الرحمن سعد |
عبدالرحمن سعد
صح لسانك يارائع قصيده رائعه تقبل احترامي وتقديري اخوك |
فيروس "هجرك عطل القلب "تعطيل"= ودمر "ملفات" الفرح في حياتي ياللي سكنت القلب من دون"تحميل" = متى"لموقعنا"تشرف وتاتي "عنوانكم"ماهوب"ياهو"و"هتميل" = "عنوانكم" روحي وقلبي وذاتي كم مرةٍ أرسلت لك عبر"الإيميل"= وأدورك في "منتداي" و"شاتي" وأرسلت لك يازين"فيلٍ "ورى"فيل" = فيها الغلا والحب يأغلا أمنياتي وأرسلت لك قصة عذابي مع "الريل" = ياللي غيابك هو سبايب شقاتي دايم عليك "أبحث" "بياهو" و"قوقيل"= وأنت ولا تسال علينا بتاتي خابرك" بنتم فور" أصلي و"أنتيل" = لكن خسارة غيروك الوشاتي وكان الهكر غروك بالقال والقيل= بأدعي عليهم في سجودي وصلاتي ياجعلهم بقعاء وطيرٍ أبابيل = ترمي عليهم بأمر ربي حصاتي يرضيك من حبك غدى منهك الحيل = ريقي غدى ناشف ويبست شفاتي أقضي الليالي دمع عيني هماليل= لامن طريتيلي تبدد مباتي صحراي جفت مالفانا مخاييل = وأنت المزون اللي تروّي نباتي وياشين حالي لا قريت "المراسيل" = في"الأوت لك" أذكر قصص ماضياتي منك"حزين الحرف"شاف البهاذيل= وقلبك مثل "قرصٍ صلب" في القساتي "موقعك" في وجهي مقفل بتقفيل = حتى"البركسي" مانفع وش سواتي "بمفضلة" قلبي عطيناك "تفضيل"= أنت المفضل عندنا ياغناتي ويازين هجرك عطل القلب تعطيل=ومن غير شوفك وش تساوي حياتي كني بدونك "قرص فارغ "ولا" فيل" = فاسد ومرمي "بسلة المهملاتي" ماعدت أفرق بين"اكسس" و"أكسيل"= وماعدت أفرق بين" بلتك" و"شاتي" وباشكي على "الكيبورد" كثر الغرابيل= وأكتب على "الوورد" المطور" وصاتي" وهذي النهاية حطها وسط "تظليل" = لا مت فغيابك سبايب مماتي . . المبدع عبدالرحمن سعد ( حزين الحرف ) قصيده رائعه لاتوصفها الكلمات انتشرت ابياتها الثلاثه الاولى انتشار رهيب عبر أجهزة الجوال . . كل الشكر لك على وضعها هنا وتزيين هذا القسم بها . . . وحتما" سيكون لي عوده . . دمت كماتحب . . |
عبدالرحمن سعد حزين الحرف لـ هذه القصيدة وقعٌ مختلف داخلي دعني أحتفي بها قراءة و تأمل و من ثم أعود |
الرااااااااااااقي
والشاعر الجميل عبدالرحمن سعد الف صح لسانك طال عمرك قصيدة رائعه اخوك / عبدالرحمن الخالدي |
عبدالرحمن
مساء الود نبض جميل سلم حرفك دمت بود |
اخي حزين الحرف
صح لسانك و جاد بيانك قصيدة ولا اروع،بروعة حضورك و تواجدك لله درك اجدت عزفك لهذه الرائعة تقبل خالص تحياتي اختك ونين |
عبدالرحـمــن بن سعــد .. ،، صح لســآنك يالذرب .. قصيــدٍ وافي .. من وافي آنشــهد .. سلمت . |
حضور أول
ولي عودة |
أهلاً بك و بأحساسك العذب... نص شعري فائق بجمال مفردته وتصويره... كن ممطراً دائماً |
سلمت وسلم نبضك على هالنص الراقي سجل اعجابي ومتابعتي ولك تحياتي |
عبدالرحمن سعد لغة رائعة استمتعنا بروعتها لله درك دمت بخير |
عبدالرحمن سعد حزين الحرف مصافحة رائعةٌ جداً حملت تشبيهات جميلة و ألفاظاً نادراً ما كتبت في قصيدة صح لسانك و لاهنت تقبل تحياتي |
أبج ـديه لقلم
عشق الشعر فعشقته الكلمات الشاع ـر"عبدالرحمن بن سعد" / \ / " أكثر من رائعه كما اع ـتدنا من قلمك " تح ـيه لهذا الحضور الوارف.. " |
.
. شاعرنا عبدالرحمن سعد ( حزين الحرف ) . . صح لسانك وجاد بيانك على مااتحفتنا به من رائع الحروف وبديع الكلمات . . . . سلمت على هذا الابداع وهذا الامتاع الغير مستغرب من شاعر بحجمك . . . . . دمت ودام حضورك . . . تقبل فائق التقدير والاحترام |
أخوي جمال
اشكرك على هذا الجمال كم تشرفت بكونك اول من يرد علي |
الغالي محمد الفرحان
صح بدنك ولاهنت كلامك الجميل يدفعني للأمام فالف شكر لك استاذي في انتظار عودتك بكل شوق |
اخي فهد الدباسي
كم تعني لي الشي الكثير هذه الزيارة وإن كانت على عجل بانتظار زياره اخرى اطول |
السمي
عبد الرحمن الخالدي صح بدنك ولاهنت لك ودي |
عبد الله العويمر
صح بدنك ولاهنت لك كل الحب والود |
ونين
صح بدنك ولاهنت تشرفت بردك ووردك |
فواز
صح بدنك ولاهنت اشكرك على الرد لك الود |
مزون
أمطرتيني حباَ وسعادة بأنتظار عوده ثانية وزحات مطر اكثر |
دانة المنتدى
صح بدنك ولاهنني لك كل الحب والود |
ظافر الأحمري
صح بدنك ولاهنت لك ودي |
00
الاخ الغالي / عبد الرحمن بن سعد ابداااااااااع قلم وحرفنه فكريه لايجيدها الى الكبار وتستاهل القصيده مانالته من شهرة احتراااااااااامي |
مزون
صح بدنك ولاهنتي لك كل الود والورد |
فهد الدباسي
كم انا ممنون لك ومدين لك بردودك الرائعه التي تغمرني بها لك كل الحب والتقدير |
النوفي هنااااااااااااااااااااااااااااااااااااااااا
ياهلا وياغلابك وصح بدنك والف شكر على الرد اللي شرفني وشرف قصيدتي لك مني كل الود والحب |
أخوي محمد الفرحان
صح بدنك ولاهنت اشكرك على ردك الجميل وكلامك الاجمل |
خلف بن مرزوق
صح بدنك ولاهنت على الرد الجميل وكلام الرائع لك كل ودي وتقديري |
عبدالرحمن بن سعد صح قلبك يالغالي ووصف دقيق وتوظيف للمفرده بشكل رائع وفكره جديده في عالم الشعر تسلم يمنيك بقدر ماأشتهرت القصيده تحيتي |
صح الله لسانك ولا هنت أحسنت وأبدعت يا الغالي |
هيا الصالح
صح بدنك ولاهنتي على الرد الجميل |
دواس البراهيم
صح بدنك ولاهنت اخي لك كل الود والورد |
| الساعة الآن 11:56 PM |
Powered by vBulletin® Copyright ©2000 - 2026
