|
قولو كبيره وانا ابيها كبيره
الاولويه لمنابع
جيت اتبحر في الشعر واستثيره واغازل القيفان وامسك رسنها سافرت من ديره وحولت ديره وموطن حروفي قلبي اللي سكنها الصعب ماهونت عنه واسيره وعزة العربان لي ما امتهنها خذيت مالدنيا تجارب كثيره وسجلتها لناس تعرف ثمنها ماقلتها رضوه لشيخ العشيره ولاقلتها بمجالسٍ ما أئتمنها ماقلتها والقصد بالقلب غيره والا مزاحم ناس تكثر رطنها ولا اهتم اللي دوم يكثر زفيره وناس كلام الجد سمم بدنها ناس الحقايق منها مستطيره متعوده على الفرش وزمنها أنا وأنا في السنتها وثيره على كل وجه بشامها وبعدنها من كثر فتواها العرب مستجيره من كثر هذرتها تزيد بفتنها عقولها ياكود حبة شعيره وان جيت للاجسام ماكبر وزنها يخيب منهم كل من تستشيره واسرارهم مع النسا تلتسنها قولو كبيره وانا ابيها كبيره ياعلها رصاصه لمن زبنها قولو خطيره وانا ابيها خطيره حتى نتخطاها ونرجم وثنها اخوكم عبدالله اعقيل |
بوعقيل
لله درك يشرفني بأن اكون اول من يعانق بوحك لله در ك ماقلتها والقصد بالقلب غيره والا مزاحم ناس تكثر رطنها صح السانك واعتلى شانك ولاهنت تحيتي |
صح لسانك وتسلم يمناك حضور متألق ورائع تحياتي لك ولقلمك المبدع |
عبد الله العقيل
شاعرنا الراقي حرف رائع صح احساسك ولسانك ودمت لنا بكل النقاء نغم |
عبدالله العقيل حضور مشرق بلاشك أسعدنا تواصلك لاهنت أخوي |
عبدالله العقيل
صح الله لسانك قصيده ذات سرد رائع تقبل تحياتي |
عبدالله صدقني أنك في قلب الـ منابع و من فيها دائماً نصٌ جميل يحكي واقعاً يعيشه الكثيرون و لكنهم لن يجيدوا السبك مثلك صح لسانك و لاهنت تقبل تحياتي |
صح لسانك وجاد نظمك لاهنت ولاهان راسك تحياااتي |
سلمت وسلم نبضك على هالنص الراقي سجل اعجابي ومتابعتي ولك تحياتي |
. . شاعرنا عبدالله العقيل . . صح لسانك يامبدع . . قصيده رائعه بروعتك ومتصفح يجبر على البقاء به طويلا" . . . . دمت بهذا التألق وهذا الحضور ولاعدمنا تواجدك . . . . . تقبل فائق تقديري واحترامي |
عبد الله العقيل
شاعرنا الراقي الله الله الله عليك قصيدة في قمة الروعه وجمال يفوق الابدااااااع فــــ لله درك ولا هنت فصح لسااااانك مليووون ولا يكفون تحياتي لك |
الغالي / عبدالله العقيل
صح لسانك وانا اخوك قصيدة جزلة وماتعة من شاعر عذب شكرا ً لك من الأعماق على هذه المشاعر الجميلة وتقبل فائق احترامي أخوك / قديم الشوق |
| الساعة الآن 03:32 PM |
Powered by vBulletin® Copyright ©2000 - 2026
