سلام مني للزيازم والاحرار=سلامً احلى من مناظر صلاله
سلام مني للنشامى والاخيار=اهل الكرم والطيب واهل الشكاله
يالربع انا بذكر هل الصيت والجار=اهل العلوم الغانمه في مقاله
ولاهو قصورً ( بالقبايل ) هل الكـار=العز يكسى منهو اللي عناله
والحر يرفع هامته عن هل العار=والا (( القبايل )) تستحق الجماله
بذكر (( تميم )) اللي لهم زين الاخبار=من عهد جدان النبيّ وخواله
بذكر (( تميم )) اللي حمو در الاقطار=بأمر الذي ينشيء مناشي خياله
بذكر (( تميم )) اللي لهم حلو الاذكار=الكامل الله ثم ربعي كماله
حنا (( تميم )) اللي لنا عشق الاخطار=ناطى على راس المعادي عداله
ثم نزعج الصوت الملبي بالاكبار=الله واكبر ثم جل جلاله
سبحان ربي خالق الجن والنار=ومفرقً مابين عقل وثماله
حنا هل العقل الملبي بالاذكار=مدح النبي نلناه حب ودلاله
وقت الخطر حنا مجانين واشرار=وحنا على المجني سيوف وخباله
وحنا نفوق الجن لو صار ماصار=نجلي هموم اللي نصانا ظلاله
وانا على قولي معرب يالاخيار=لابد ما نصف الرجل من خواله
(( شمر )) خوالي كلهم باللقى كبار=اهل الفعول الشامخات بجزاله
من حد صنعاء لين تاصل لسنجار=انشد هل العرف وتعرف (( الطواله ))
صغيرهم بالعرف تلقاه بيطار=وكبيرهم بالعز يبني جباله
وختامها كان الفخر جرم واضرار=سجلني ( مجرم ) في سجل الظلاله
تذهل سجلات الفخر كل الابصار=قاله (( بن براهيم )) بقافً طراله

صح لسانك وتسلم يمناك

حضور متألق ورائع


تحياتي لك ولقلمك المبدع

.

.

شاعرنا

دواس البراهيم

.

.

صح لسانك وسلم نبضك وأحساسك

على ماأتحفتنا به من رائع الحروف

وبديع القوافي . .

.

.

دمت مبدعا" بكل حالاتك ولاعدمنا

تواجدك ومعانقة قوافيك. . .

.

.

تقبل فائق تقديري واحترامي