يباس الحظ ما ينبت بأرض الميتين زهور = وهجرك كان لأزهاري جفاف وموت ونهاية
وليل العتم ما ينثر على وجه الحزن بلّور = ولا في ضحكة القاسي لموت الصدق تسلاية
نهاية تجعل الجاني يموت من الضحك مسرور = بداية تترك المجني يشيب من أول حكاية
كذا صار الغياب ألطف وأجمل من بنات الحور!! = كذا مات الهوى وألا نهاية دنيتي بداية؟؟؟
من التقويم وأوراقة لموت الحب منذ شهور = لنزف الذات للغربة لجرح ٍ ماله وصاية
لكلمة أوجدت معنى جديد بعالمي المكسور = لزيف ٍ ماعرفت أشلون أعيشة فيك للغاية
أنا يامرتّب أفكارك وماخذ كذبتك بسبور = أبد ما عاد لي دور فـ حياة الغايب التايه
أنا أدري ماني الأول ولاني آخر الطابور = وأدري ماملى قلبك سوى تغريب ووشاية
أنا حزني على قلبي على موت الهوى وشعور = بدا ياخذ من أطباعك لأنك ظل ومراية
معاك الحق لو ترحل ومن قلبي ترى معذور = وجودك أو رحيلك ما يغيّر خط مرسايه

صح لسانك



للألم مسافة في حرفكـ



تقبل تحياتي