يوم صاح الليل فـ .. اطراف النهار=واستجارت نجد وين عيالها
يوم عم الظلم فيها والدمار=والجهل عانق سواد جبالها
فز شيخ وقام صلى واستخار=وصاح نجد اليوم حان وصالها
ودع اطراف الكويت و دمه فار=وتبعوه الاربعين ابطالها
جا (معزي) والقروم اللي تغار=فوق هجنٍ مطلقين حبالها
جا بيده .. دبله . وعقد . وسوار=وسيف عز لنجد يشرح بالها
و زغردوا بوجيهم شيب وغمار=والف عذرى خودته بشالها
وانفتح له باب نجد واستشار=ثم تفيا تحت وجه ظلالها
ونادت عيون الحسا قال انتحار=وماتنفس لين شرب زلالها
ثم توجه للحجاز وقال عار=قال سلم وسلموها اقفالها
واتجه للبيت صلى ثم زار=وخدمت البيتين شال احمالها
ورد وجهه للشمال واستدار=يوم حايل اشتكت له حالها
شب نار المعرفه لحدود ثار= قال يام وعاهدوه رجالها
وحد اطراف الجزيره لين صار=كل عقده صار هو حلالها
ثم حمس بن السياسه في وجار=ثم تقهوى بن شقر دلالها
لين صارت دارنا ماهي بدار=جنة خضرا يثير هبالها
واتبعوه اخوان نوره بالخضار=ثم كسوها سحر زاد خبالها
لين جانا عهد ابو متعب منار=شيخنا اللي كل عليا طالها
هو ابونا.. وابن ابونا.. وابن بار=ومو غريب احمالنا لو شالها
من عمارٍ يابلدنا لي عمار=للبلد واهل البلد ورجالها