مها وتتكحل القهوة بعيونك..لا ْرجفت كفي=لي الله عودي قهويني..غصب يهتز فنجاني
وش الفتنة؟سوى دله بْشمالك غاويه تلفي=وش الجمرة؟سوى طرفٍ يناظر شب وجداني
مها وبالكيف خصرك..من يميل يتوه بي طرفي=أنا ماعود أنا..هذا أنا؟! لاااا..هذا شيطاني
يراودني بدلال الهيل..ونفسي راغبة وتنفي=على الفنجان..تسجد دلّتك وابليسي اغواني
عيوني ترشفك..تغفل..تساور قهوتك أنفي=تبهّرت بدلالك؟!ولاّ فنجانك تشهّاني
شربتك فاحت سطوري وكتبتك مارتوى حرفي=مها..وكلما تهجيتك يداعب سكر لساني
تشب بداخلي ..لا ما تشب..آظنها تطفي=أحس بها..تشب وتنطفي وتتغير الواني
شفاه تحفّني مرسى..وشفاهٍ مارست حتفي=تغيّبني بهمسٍ..واصحى فجر البسمه عنواني
يسمسم ثغرك الفنجان .. سَم يبوح وسِم يخفي=أنا مادري بمن سمّيت .. وربي قولي سَم ثاني
تعثرتك..تلعثمتك..تبعثرتك ونا منفي=على شط الكحل..نام الرماد وتسعر أجفاني
مها وتتمايل القهوة بجنوني لا لْمست كفي=طرف كفك..لي الله كيف ما ينكب فنجاني؟