الذوق والابداع متجمعه فيه = والصّدق والاخلاص اجمل صفاته
من شاف زوله قال من قلب لبيه= لبيه يا العقل الرّزين وثباته
ادعج غنج والثقل طبعه محليه = هذا وحسنه مستتر في عباته
واشلون لا فرّع وبانت حسانيه = العود يتشبّب ويحذف عصاته
مالك وسام الزين باسمى معانيه = حسن ودلال وفارق ٍ عن خواته
زينه طبيعي ما وجد من يحاليه= ولا مرّ بين الغيد قالوا حلاته
نظرة عيونه ساحره حضرة البيه = ومن سحرها كن البشر من هواته
امن الترف نطقه هلوو ثنك واوكيه = وامن الدلع يغريك حتى التفاته
اموت لامن قال بإحراج امبيه = واذوب في خدّه وعضة شفاته
محلى لسانه لا تحرّك بشافيه = فتنه ليا سولف وفتنه سكاته
ضحكه جميل وضحك غيره ما دانيه = لبيه في مزحه ولبى خملاته
يا ليتني موج ارتمي في موانيه = والآمس اعماقه واحطم عداته
احب انا عْتابه واحب المشاريه = متبادلين الحب ذاتي و ذاته
لا ضاق صدري منهو اللي يسليه = غيره طبيب الروح يبعد شتاته
الليل يطرب في حضوره مساريه =وانا اشهد أنه فارق ٍ في غلاته
ومن كثر ما اودّه واراعيه واغليه =حجم الغلا يشبه طويق ابعلاته
اضيق لامن غاب واغيب واتيه = والقلب يبدى في مسيرة شقاته
ولو كان ينساني فلاني بناسيه = وهو شبيه الريم قلبي فلاته
احترت مدري يا جماعه شسميه = بس الأكيد انه فريد بصفاته
الله من عيون الحواسيد يحميه= والله يحقق له جميع امنياته
يا جعلني ما اذوق حزنه ولا ابكيه= ولا خلا منه ومن ذكرياته

المشاركة الأصلية كتبت بواسطة حسن علي الهاجري السلام عليكم ورحمة الله وبركاته مساء الخير يا وجيه الخير .. يشرفني الانضمام لهذا الصرح الجميل والمميز واشكر من دعاني لهذا المنتدى محسنا بي الظن واتمنى ان اكون عند حسن ظنه .. وهذه قصيده متواضعه .. نمطها غير .. مع العلم اني بعيد عنه ولا اجيده .. ولتسمحوا لي غشيم بالحب والهوى ..!! فلذلك القصيده متواضعه واتمنى ان ترتقي لذائقتكم الكريمه ..!! ::::::::::::::::::::::: الذوق والابداع متجمعه فيه = والصّدق والاخلاص اجمل صفاته من شاف زوله قال من قلب لبيه= لبيه يا العقل الرّزين وثباته ادعج غنج والثقل طبعه محليه = هذا وحسنه مستتر في عباته واشلون لا فرّع وبانت حسانيه = العود يتشبّب ويحذف عصاته مالك وسام الزين باسمى معانيه = حسن ودلال وفارق ٍ عن خواته زينه طبيعي ما وجد من يحاليه= ولا مرّ بين الغيد قالوا حلاته نظرة عيونه ساحره حضرة البيه = ومن سحرها كن البشر من هواته امن الترف نطقه هلوو ثنك واوكيه = وامن الدلع يغريك حتى التفاته اموت لامن قال بإحراج امبيه = واذوب في خدّه وعضة شفاته محلى لسانه لا تحرّك بشافيه = فتنه ليا سولف وفتنه سكاته ضحكه جميل وضحك غيره ما دانيه = لبيه في مزحه ولبى خملاته يا ليتني موج ارتمي في موانيه = والآمس اعماقه واحطم عداته احب انا عْتابه واحب المشاريه = متبادلين الحب ذاتي و ذاته لا ضاق صدري منهو اللي يسليه = غيره طبيب الروح يبعد شتاته الليل يطرب في حضوره مساريه =وانا اشهد أنه فارق ٍ في غلاته ومن كثر ما اودّه واراعيه واغليه =حجم الغلا يشبه طويق ابعلاته اضيق لامن غاب واغيب واتيه = والقلب يبدى في مسيرة شقاته ولو كان ينساني فلاني بناسيه = وهو شبيه الريم قلبي فلاته احترت مدري يا جماعه شسميه = بس الأكيد انه فريد بصفاته الله من عيون الحواسيد يحميه= والله يحقق له جميع امنياته يا جعلني ما اذوق حزنه ولا ابكيه= ولا خلا منه ومن ذكرياته ::::::::::::::::::::::: وسلامتكم (( .. اخوكم / حسن بن علي الهاجري .. ))