يسألني الوقت وشلون انطباعاتي=عن ساحة الشعر أولها وتاليها
وانا على هرجتي أفضّل سكاتي=ألين ذقت المرارة من بلاويها
أبيات أختي (هيام) أجزل من ابياتي=مفروض يا شاعر المليون ترضيها
عطها مجال اتّمشّى فوق صفحاتي=وتقيم ابيات شعري قبل القيها
اكبر مصيبه بأنّك تكشف الأتي =( في ساحة الشعر حاميها حراميها)!
واسهل طريقه توصل انتقاداتي=إني أقول الوقائع ثم اسميها
يعني إذا اخطت زميله من زميلاتي=أقول يا(نوض)أخطيتي واوصّيها
تبعد لان الصراحه جزء من ذاتي=واخاف انّي مع الأيام أذيها
نرجع لموضوع ساحتنا وخطواتي=ونترك مواضيع تزعجني طواريها
يا(محمد الذّيب) ضبّط لي علاقاتي=مع(نجوم القصيد) الله يخلّيها
نجم القصيد إن حصل أغلى طموحاتي=وان طحت أو فازوا الشعّار وشفيها؟
مادام شعري يرفرف في فضاءاتي =ماهمّني صاحب الخدعه وراعيها
شاعر ولاني بشاعر بس كلماتي=صحّت عقول(ن) عجز غيري يصحّيها!
لا قلت شعر اتفلسف في عباراتي=واسهل قصيدة أصعّب في قوافيها
وان قلت نثر اتفنّن في مقالاتي= أصعب مقاله أسهّل في معانيها
أوزن كلامي واصفّي دوم نيّاتي=والشلّه اللي تثرثر ما أدانيها
أصلي (كويتي)( سعودي) أو( إماراتي)=كل الدول تفتخر بي وافتخر بيها
أهم شي إن جلست وقلت أبياتي=وحيّتني القاعه أباقف واحيّيها

شاعر ولاني بشاعـر بـس كلماتـي
صحّت عقول(ن) عجز غيري يصحّيها


* يحيى آل بالحارث *
أنت*شاعر* وأكثر من هذا ياأخي وكم من *بياض* يفتخر أن يسكن* بك* شعورك هنا يفرز *صدق الدم* بك ونحن من يعانقه لنزداد *بهاءاً*
أحبك يارجل
ولله درك .

أصلي (كويتي)( سعودي) أو( إماراتي)
كل الدول تفتخر بـي وافتخـر بيهـا
أهم شـي إن جلسـت وقلـت أبياتـي
وحيّتنـي القاعـه أباقـف واحيّيـهـا

وأنا بعد أحييك أخوي

الشاعر يحي ال بالحارثي

وصح لسانك ملاااااااايين

ولا هنت

المشاركة الأصلية كتبت بواسطة حمدان الغيثي - موادع يحيى آل بالحارث .. متأكد أن الأسماء اللي بين الأقواس ما تخص أناس بعينهم ؟!! خخخخخ عن العيارة الزايدة .. إنت بقيت أحد من المشاركين ما ذكرته !! هههه كح كح كح على العموم .. صح لسانك مليون .. و قصيدتك هي عين الواقع .. و كدت تحصر فيها كل تفاصيل ما يحدث في شاعر المليون .. تسلم على هذه القصيدة .. لك ودي و احترامي ..