قالت أبيك بكلمـةٍ يابـن الاجـواد=وابغـاك تسمعنـي وتفهـم كلامـي
ولامن سمعت العلم من دون تعـداد =ومن دون لا تنشد وتسـال علامـي
عطني خلاص القول وان كان ما فاد=خل الصراحة بيننـا شـي سامـي
قلت العفو يا بنـت والقـول سـدّاد=كلمة مثل سيفي وانـا الحـد دامـي
ماني من اللي يلتفت دون الامجـاد=ولا ارتضي حتى مـرور الكرامـي
لي ماقفٍ بيّن على روس الاشهـاد=ما ني من اللي ضاع وسط الزحامي
جريمتك عظمى وهي شـك وعنـاد=اعظم جريمة تُرتكب فـي مقامـي
ثارت بي الهيجا على غيـر ميعـاد=وانا معي بندق وسيـف وحزامـي
والعلـم واحـد لا يُثنّـى وينـعـاد=صارم ولا يقبـل قضـاة ومحامـي
أنتِ طليقة قيد والقلـب مـا عـاد=يحملـك ألا شـي مثـل السلامـي