أمر القضاء لا حل ما عاد له حل = مكتوب والمكتوب عنه انشدوني
آخر ليال الصوم والعيد ما هل = مات الوفاء والحزن جاله ركوني
اللي كتب ربي على الخاص والكل = ما أحدِ يرد اللي كتب وافهموني
الدمع من عيني كما الغيث لا هل = عيا يكف الدمع تشهد عيوني
والهم في قلبي بنى اليوم منزل = ساسه متين وثابتٍ كالحصوني
مرحوم ياللي غاب ما عاد يقبل = من بعد فرقاكم تزايد طعوني
ابكيك يا محمد بكى الطفل لا اعتل = يبكي ولا يقدر يقول اسعفوني
ابكي وحالي كنها حال منشل = كلٍ تخلى عنه قاصي ودوني
وإلا كما اللي فاقد العقل مختل = يمشي ولا يعرف حياة الغبوني
تعبت من كثر السهر والشقا طل = صوره تمر بخاطري ما تهوني
اليا ذكرته وقف القلب وانهل = انهل دمع العين مثل المزوني
له في حنايا القلب بيتٍ مكمل = ما انساه لو تابس عروق الجفوني
يا عاذلين القلب والجسم منسل = طعم الفراق اصبح مذاقه جنوني
خلوني انعي مهجة القلب وسأل = اسأل ترابٍ ضم ذيك المتوني
أوووواه لو تنفع جلست أتأمل = في صورته في ضحكته والسنوني
أووووواه هذا مرقده كيف يجهل = لا لا تلوموا قلب أمٍ حنوني
لو تنفع الذكرى تذكرت ما كل = وكتبت من دمعي قصايد أحزوني
يا قبر ياللي فيك خلٍ مكبل = تراه ضيفك كيف له تكرموني
يا قبر ما جيتك ولا لي معك حل = نرضى بحكم الله وحسن الظنوني

خليل المطيري


قصيدة جداً مؤثرة


أبدعت فلله درك


دمت بخير

المشاركة الأصلية كتبت بواسطة خليل المطيري بسم الله الرحمن الرحيم السلام عليكم ورحمة الله وبركاته طلبت مني إحدى الأخوات أن أكتب قصيده في إبنها الذي وافاه الأجل في آخر يوم من رمضان لهذا العام 1426هـ وقد كتبت قصيده متواضعــــه لأن هناك فرق بين من يعيش المعاناه ومن يتخـــــــــــــــــيل المواقف ويكتب عنها أمر القضاء لا حل ما عاد له حل = مكتوب والمكتوب عنه انشدوني آخر ليال الصوم والعيد ما هل = مات الوفاء والحزن جاله ركوني اللي كتب ربي على الخاص والكل = ما أحدِ يرد اللي كتب وافهموني الدمع من عيني كما الغيث لا هل = عيا يكف الدمع تشهد عيوني والهم في قلبي بنى اليوم منزل = ساسه متين وثابتٍ كالحصوني مرحوم ياللي غاب ما عاد يقبل = من بعد فرقاكم تزايد طعوني ابكيك يا محمد بكى الطفل لا اعتل = يبكي ولا يقدر يقول اسعفوني ابكي وحالي كنها حال منشل = كلٍ تخلى عنه قاصي ودوني وإلا كما اللي فاقد العقل مختل = يمشي ولا يعرف حياة الغبوني تعبت من كثر السهر والشقا طل = صوره تمر بخاطري ما تهوني اليا ذكرته وقف القلب وانهل = انهل دمع العين مثل المزوني له في حنايا القلب بيتٍ مكمل = ما انساه لو تابس عروق الجفوني يا عاذلين القلب والجسم منسل = طعم الفراق اصبح مذاقه جنوني خلوني انعي مهجة القلب وسأل = اسأل ترابٍ ضم ذيك المتوني أوووواه لو تنفع جلست أتأمل = في صورته في ضحكته والسنوني أووووواه هذا مرقده كيف يجهل = لا لا تلوموا قلب أمٍ حنوني لو تنفع الذكرى تذكرت ما كل = وكتبت من دمعي قصايد أحزوني يا قبر ياللي فيك خلٍ مكبل = تراه ضيفك كيف له تكرموني يا قبر ما جيتك ولا لي معك حل = نرضى بحكم الله وحسن الظنوني حسام الشعر

ورحم الله هذا الطفل رحمة واسعه إنا لله وإنا إليه راجعون