الخيل في طبعها عجله وجماحه = وليا عسفها سنافي القوم تخضع له
والعين لولا عليها رموش ذباحه = لا سلهمت بالنظر تذبح وهي عجله
والجادل اللي نمى بالصدر تفاحه = ياوجد عيني عليها لاقبلت وجله
لا جات تمشي وتتخطى على الراحه = تحسب خطاها وتتمايل وهي خجله
كل العذارى تغار ان طبت الساحه = وكل(ن) تمنى تجي قربه تسولف له
سمية الظبي وام خدود وضاحه = المهره اللي سناها نور الحفله
معذور من تعترض له يرمي سلاحه = لا شاف زول(ن) عليهانادر(ن) شكله
انا اشهد انها تداوي القلب وجراحه = وليا بغت تقتل قلوب(ن) على غفله
تكفون قولوا لها لا جات مرتاحه = لك صاحب(ن) من رحلتي فاقد(ن) عقله
روفي بحاله قبل فرقاك تجتاحه = ودموع عينه بعد غيبتك تشفع له
قالت قولوا له ترى ماينفع صياحه = مو ذنبي انه تولع بي وانا طفله
القلب قفل(ن)عجزت اعطيه مفتاحه = وياكم قلوب(ن) تعيش سنين منقفله
والحب سر(ن)تبوحه عين فضاحه = تسهر ليالي ودمع الشوق تذرف له