|
قصيدة حب!
http://www.raw3ah.net/up/files/98/ee833.jpg ذَهَب كل الكَلام وفْضّتَه يْوم السَّكوْت نْحَاس ........ قَبْل مَا اشْوفك أشْوفك نَهَر مِن مَنْبَع عْذوبَهْ أحْبَك مِنْ زَمَانْ البَردْ..أحْبَك مِنْ زَمَاْن اليَاسْ ....... كْثر مَا اْصْحَى مِنَ أيْام الْوْلَه وأدخْل فْـ غَيْبوبَة أنَا وحْدِي حَبِيْبْكْ لو قَريْتك فِي وجِيْه النَّاسْ ........... وَلَوْ وجْهَكْ ذَنُوب ٍ مَالهَا فِي سَجْدتِي تْوْبَة تْجِي مِثْلَ العَزَا بَعْدَ العَزَا فِي غَيْبَة الأعْرَاسْ .. وْتْروْح أشْبَهْ بْـ دَمْعَة فـْ الْوَرَقْ بـْ الصَّمتْ مَكْتُوْبَة مَعَكْ حِلمي مِنَ المَا وَالميَاهْ تْكَذّب الْغَطَّاس ........ ياكْثر الليْ غْطسَوْا فِي حُبك الهَايجْ وغَرْقوبهْ مْجَارِيْح ٍ نَفَاهُم دَربهُم لـْ عْيونِك النّعَاسْ ....... تَعَدّوا يَنْشدونْ الْصُّبحْ عَنْ رمْشك وضَاعوا بْه يْحَطبُونَ الضّلْوع فـْ غَابَةْ أَيَّامكْ بَلْيّا فَاسْ ........ شِتَاهُم ضِحْكَةْ شْفَاهكْ..وشَافوْا نَاْر مَشبُوْبَةْ تَخَاوّو بَيْنْ مِنْ دَوَّر ذهِيْبْ* ومِنْ سَرَحْ عَسَّاس ........ حَيَارىً غَرّهُمْ كَاذِب هَدَبْك وْ وجَّهوا صوبْه وانَا الْبَارح عِيْونِي فِي عْيونْك مَرّهَا وسْوَاس .......... بَنَيْت سْنِينِي البَيْضَا لْهَا طوبَهْ عَلَى طـوبَهْ أردّك للحَدِيثْ بـْ لَهْفَةْ الْبَاردْ بَليَّا قْيَاس ......... وتْسولِف سَالِفَةْ لَلْيّ عَشَقْ مَا هِيْبْ مَرغُوبَةْ قمْ اجْلِسْ فـْ الْحَنَايَا قَبْل مَا يْغْتَالكْ الْقرْطَاسْ ..... شَعَرْتْ انِّك تَبْي تَهْرُبْ وَرَى النِّسْيَانْ لـْ دروْبهْ أنَا محْتَاج لْك..مَا احْتَاجْ ليْ لاتَنْشد الأنْفَاسْ ....عَنْ أكْبَر حَاجة ٍ فـْ أقْصَى نَفَسْ شَاعِرْك مَحْجوبَةْ طَويْلةْ طَاولتْنَا واسْتَقّرَّ المَا بـْ قَاعْ الكَاسْ .......... كأنَّ السَّالفَةْ غْيمَةْ عَلَى شْفَّتْك مَسْكوبَةْ جَلَسْت مْقَابلك وَجْهَاً لـِ وَجْهْ بـْ جَنبِْيْ الهُوجَاسْ ......... إذَا مُستَقْبَلي وَجْهَك ورَى الأحْلاَم مَرعوبَةْ نسِيتْ يْدَيّ بـْ يْدينَك بـْ صُدفَةْ كنَّها الإحسَاسْ ..... وذكَرْتْ إنِي نسيْت أذْكُر يْديْنكْ كَانَت أعْجوبَةْ تَهَيّلتكْ طَعَمْ هيْل بـْ فَميْ مِنْ بَعْد طَعْم عْمَاس .... بـْ فِنْجَال ٍ نَعَسْ مِن نَظْرَتْكْ بـْ أَهْدَابْ مَصْبوبَةْ سَرَىْ الليْلَ البَهِيم بـْ رِمْشكْ المُسْتَهْتِر الخَنَّاس ........... وليلَةْ غيرْ هَاذِيْ مِنْ لَيَاليْ العُمْر مَشْطوبةْ إذَا مَا يَعْشَقْ العَاشِق سَهَرْ شَكواهْ بَعْد نْعَاسْ ........ يَنَامْ أحْسَنْ لِه ويمَسَحْ دمُوعه فِي طَرَفْ ثْوبَهْ إذَا مافَجَّرَ الشَّاعر قَصيْدة صِدقَهَاْ نِبْرَاس ........... يبّل الدَّفْتَر ويَشرَبْ حبْر كِذْبه ومَكتوبهْ وانَا أعْظَم مِن يْحب إليَا هَدَا بَاله عقْب مَا انحَاس ......... أعيْشْ بـْ كبْرِيا والقَلبْ بَيْن يْديْن مَحْبوبهْ مْطَر هَذَا الوصِل يومَ الهَجْر يمْلا الضْلْوعْ يْبَاسْ ...... وعَسَى المَاطِرْ عَلَى يابِسْ ضْلْوعيْ يْرخْي نْصوبهْ مْن الليْ يشْبهَكْ؟ يالفَاتِنْ المُسْتَصْعِب الحَسَّاس ........ ليَا حَاولتْ أشوفَكْ فـْ المَلامِحْ قَبْلْ هَا النُّوبةْ يذّكرنيْ بِـ مِنْ لايشْبهكْ مِنْ يشْبهك لادَاسْ: ........ عَلَى أعْصَابِيْ سَفَركْ ودوبْه أيْقَظ غَافْلكْ دوبْه وأنَا قَلبيْ وطَنْ أرضَهْ سمَاكْ وبيتَهْ الكُراس ..... جبِينَك شَمسَهْ فـْ صُبحَ الوَلَهْ وجْروحَكْ شعوبهْ أنَا قدّامك اخْتَرنيْ حَبيبكْ قَبْل كِل النَّاسْ .......... أوْ إنِيْ مثْلْ عشَاق ٍ هَووّ رمشكْ وضَاعوا بهْ! |
بندر بن محيا كتبت ونسجت بحبك رائع صح الله لسانك ولاهنت حضور في قمة الجمال فائق تحياتي |
صح لسانك وجاد نظمك لاهنت ولاهان راسك تحياااتي |
أخي بندر بن محيا
الله الله عليك يا بندر هنا استنشقت عبير الابداع والجمال وهنا وجدت حدائق الخياااااال جمال وعذوبة وابداع لحد الثماله فــــ لله درك ولا هنت صح لسانك مليوووووووون تحياتي لك |
هل كانت قصيدة ؟ ام سلسلة من المشاعر المترابطة ؟ قصيدة بمواصفات رواية كلمات بمقاييس الإندهاش الممزوج بــ الجمال بندر أهلاً بإطلالتك وأسعدنا هذا الحضور الجميل ألف ألف ألف صح لسانك ولا هنت |
صح لسانك وتسلم يمناك حضور متألق ورائع تحياتي لك ولقلمك المبدع |
بندر بن محيا حيّاك بالمنابع .. أسعدنا هذا التواجد صح الله لسانك على هذا الحضور دمت بروعتك |
بندر بن محيا
قصيده رائعه حد الإدهاش ترابط مميز وتسلسل لذيذ وتصوير لا يـُجيده ُ الا الكبار صح لسانك ولا هنت على هذه ِ الباسقه بروعتها لا تحرمنا المزيد من هكذا فيض دمت بكل الود وتقبل تحياتي واعجابي |
http://www.ksa-7be.com/up/up19/59c366ca8a.gif شاعرنا الراقي والمبدع بندر بن محيا صح إحساسك ونبضك لهذه القصيدة الشامخة دمت لنا نهر من نقاء http://www.ksa-7be.com/up/up19/a38641675e.gif إيمان |
نص مليءٌ بالشجن و الروعة .. قراءته تسر القلب و تسعده .. صح لسانك ولاهنت |
أخي الغالي / بندر بن محيا ..
صح لسانك وانا اخوك قصيدة رائعة من شاعر جزل شكرا ً لك من الأعماق وتقبل خالص تحياتي أخوك / قديم الشوق |
سلمت وسلم نبضك على هالنص الراقي سجل اعجابي ومتابعتي ولك تحياتي |
بندر بن محيا اسمٌ أعرفهُ جيداً و سعادتي بـ حضور هذا الإسم معنا في الـ منابع لاتُوصف ما أنا واثقٌ منه هو أن هذا النص أنيقٌ جداً و مُدهش و في ذات الوقت , ليس غريباً على بندر بن محيا صح لسانك و لاهنت تقبل تحياتي |
. . شاعرنا بندر المحيا عودا حميدا استاذي وعسى ان تزول الظروف التي حرمتنا من معانقة ابداعك في الفترة السابقة وياهلا بك ومرحبا يابندر في منابعك ومكانك العيون والقلوب قبل المنتدى . . . . وصح لسانك مدد بلاعدد ويسلم بنانك على هذه القصيده الرائعه بروعة حضورك وتواجدك والتي لايكتبها الاالمميزون . . . . . سلمت ياشاعرنا ودمت مبدعا" بكل حالاتك ولاعدمنا تواجدك . . . . . تقبل فائق تقديري واحترامي |
بندر بن محيا
الله الله جميله هذه القصيده تسلم يمينك تقبل تحياتي |
هنا أتنفس شعراً وأكثر من شعر بندر بن محيا لك مودتي إعجابي بـ قلبك |
صح لسانك
ودمت في خير وعلى خير |
صح إحساسك
وقلبك ولاهنت مليون لهذه الشامخة شاعرنا الرائع :rose: رنين |
.
. للرفع تضامنا مع الشاعر بعد بلوغة مرحلة مابعد الـ 48 في مسابقة شاعر المليون ودعوة الجميع للوقوف خلفه . |
الرائع بندر بن محيا أبدعت كلمة وصياغة ومعنى قصيدة دافئة بارك الله فيك تقديري ينابيع السبيعي |
لآ فض فووكـ اخى بندر وصح لسانكـ
قصيدة جميلة وآحساس آجمل وسطور رائعة خاطبت الصمت حتى نالت منا وتحدثت الينا لآ عدمنا توآجدكـ وحضوركـ الرآئع ولا تحرمنا من جديدك دمت ودآم نبض قلمكـ |
| الساعة الآن 12:55 AM |
Powered by vBulletin® Copyright ©2000 - 2026
