|
مختارات من روائع الشاعر / سعد بن جدلان
. . الشاعر سعد بن جدلان أكبر من ان نقوم بتعريفه وإختصاره وسنقوم بجمع ونقل أكبر قدر ممكن من قصائده في هذا المتصفح . . والدعوة عامة للجميع بوضع نتاجات هذا الشاعر العلم في هذا المتصفح نبدء على بركة الله |
.
. 1
ياوجودي ياالله إنـك تزينهـا تزيـن=كل ماظنيت لي ظن خابن الظنـون والله أني ماأعتذر من لزوم الطيبيـن=وان عسرني فالمطاليق دايم يعذرون لانهم زد حدهـم وقتهـم ومجربيـن=مرة ً يلقون ومـرار مايلقـون لـون فى الخلا عندي زباد ٍ ونسمة ياسمين=خير من ترحيب ناس ٍ مغير يجاملون اتلذذ بالخـلا مـن عـداة الغايبيـن=واجتماع الـي يقولـون مالايفعلـون مرخصين انفوسهم وبخلاً مستكبرين=دايم من دون في دون حتى ينفـدون بين هـذولا وذولاتقـول محرجيـن=مايبون الا السعي من زبونً لزبـون |
.
. 2
ياوليفي دمعكم في غيابي ردّ لي = وأدري انّ دمعتك خوفٍ عليّ ومن غلاي أنت ممرضني وأشوف المرض فيكم وفيّ = الهبوب البارده منّك هبّت في حشاي والله انّ كبدي عليكم عراويها أضميّ = والمشارب غير هرجتك ماتقطع ضماي كيف تستغرب بطاي ومجييّ يوم أجيّ = منك اجيك أبدون رأيٍ وأروح ابدون رأي ليلي أسهر به والا جاء النهار أشلى شوّي = مرتٍ أشلى ومرٍ يعاودني بلاي وأنت سبّة كلّ شي ولا داويت شيّ = كيف ياقادر على داي ماتقدر دواي بعد ما شتتوّ الفكر وأخليتو يديّ = كثرت أعلوم الشماميت وأفرحتو عداي مابعد جاني من يوم التقو بي والديّ = ولابعد مرّ المحبين منّ حوّاء وجاي لوّ خبر به حيّ يبكي على فقدان حيّ = كان يمدي من عرفني يشاركني عزاي جعل يسقى يوم كان الهوى ماغير غيّ = فأول الرحله مثل مبتداك ومبتداي |
.
. 3
انا الليّ همومي صايراتٍ عليّ كدر=لوّ انها تحوّل فوق غيري فقد عقله لامنه اشتغل موضوعها داخل الصدر=تقلّ فايزٍ وسطه فريقٍ يصفقّ له على الصاحب الليّ مانويناه بالغدر=شفوقٍ عليّ وانا ماغير أتشفقّ له بنا بيت حبّه فالحشا واسس الجدر=وخلاّ معاليق الضماير تخافق له |
.
. 4
يامل قلب(ن) تقول يقلا على صيخ=خلت به الدنيا حزازات ومشوخ دنيا تنوخ راعي العقل تنويخ=وينداش فيها صاحي الفكر ويدوخ تغيرو فيها العيال المطانيخ=وسبابها شمل العرب صار مشلوخ خلتهم الدنيا مناشف طبابيخ=حتى الاقارب بينها الذيب مصلوخ ماعاش فيها الاأعيال الطخاطيخ=خطوا البعير اللي من المدح منفوخ من شان ماله صار شيخ ولد شيخ=وامشيخٍ نفسه على النصب والجوخ بالحكي لعتازوه وياك مريخ=وليا جاء لزومٍ عندهم صاروا فروخ وعقد الذهب والجوخ لو يكسي الذيخ=ماغير اسمه لاجواهر ولا جوخ |
.
. 5
انا يوم اجيّ وأمركم ياوليفي حنج=ولا وديّ أقرابك تلدّ النظر فيّه لعبّ بيّ غرامك فالخفا لعبة الشطرنج=ليا دار لعبه بين الأعضاء السياسيه وسبح بي غرامك سبح موج البحر فاللنجّ=غفلت وغدابي حبّك شويّه ..شوّيه لاشفت زولك قام يدخل أعظامي بنج=أسولف مع العالم وقلبي له نحيّه |
.
. 6
هم(ن)يمزع سترة القلب تمزيع=تقول ينهش ثومة القلب افاعي خذت القلم من بين روس الاصابيع=وحبيت اميز سيرتي وانطباعي عزلت من صدقان عطلةالاسابيع=وعزلت من ضحك الوجيه الصناعي وعزلت من بنين بامالي مشاريع=جميد برد ولانس الشمس ماعي وعزلت من زرع الخلي البلاقيع=وعزلت من رفع الثنيه رباعي من نفعة اللي ماطلبني منافيع=جميلة(ن)في غير اهلها ضياعي في اسواقها ماعاد لشري ولابيع=لخطيت من رفقة طويل الذراعي اللي على الرفقه يسوقه دوافيع=هذاك تشرى رفقته ماتباعي امايشجعني على الطيب تشجيع=والايعلمني حميد المساعي والا ليامنه رمعني رواميع=وضاقت على كل الفجوج الوساعي جيته ويسرلي عسير المواضيع=وخلاخفايا خاطري له وساعي معرفته ماهي معرفة طماميع=ماتنتج الاالغطرسه والضياعي |
.
. 7
ياصاحبي شوفتك عقب التشافيق = تحيي ضميرٍ دنا منه اليباسي من لامني جعل تفجاه التفافيق = والكلّ منهم محقق ومتواسي بقصيرات العدن روس الصناديق = عكف الأصابع رهيفات الكراسي |
.
. 8
يامرحبا ياصاحبي طيّب الصحبه = يليّ تصادق مع وليفك وتوفيّ له يالليّ كلامك من غلاك اقرح به = هرجك يوسع خاطري من شفاتي له كنّ الكواكب فيّ محيّاك منسحبه = تلعج مقابيس الدجاء من ورى الشيله الأحساد فرقا شملنا لافرحّ به = إللّي معوشتهم على الذلّ والحيله |
.
. 9
يا ذا الجلال اللي عروشك فوق واملاكك حـدر =ومهماً تسامت به عروشه مستحيـل يطولهـا يا حـي يـا قيّـوم يـا ذا الأنافـة والكبـر= ما نافسك في عظمتك مكـر العبـاد وهولهـا وما نافسك من عمّر بيوته على سطح القمـر= واللّي ترسي فـوق أقاليـم الميـاه سطولهـا ما انته بحاجة من عبد ولا بحاجة مـن كفـر= ولا بحاجـة ثابـت الدنـيـا ولا منقولـهـا أنت السميع لمن حمد وأنت المزيد لمن شكـر= واللي ما يشكر نعمة المنعـم عليـه تزولهـا ياذا الجبروت العظيـم ويـا القديـر المقتـدر= تفزع لنا في معضـلات مـا نريـس حلولهـا تلعب بنا خـلاّن فرغتنـا كمـا لعـب الكـور= أن اقبلت صاحوا لها وأن دبّرت صاحوا لهـا لا هبّنا الطايف بعض الأحيان في فية عصـر =شهب الليالي مـن ورانـا يسحبـن ذيولهـا أنت السلام اللي لك الإسلام وانـت المشمخـر= اللي عجايب قدرتك فـي المعجبيـن ذهولهـا سلام يا محمد رسول الله راعي الوجه الأغـر =وسلام يا روح ملائكـة السمـا صلّـوا لهـا سلام يا بو بكر يا عثمان يـا علـي وعمـر= وسلام يا سبـع الآفـاق أطلالهـا وسفولهـا سلام يا صدق النوى سلام يا وسـع الصـدر =سـلام يـا مفتـاح بيبـان الفـرج وقفولهـا وسلام يا شمس الضحى تشرق على بر وبحر= وتشرق على كل الديـار جبالهـا وسهولهـا وسلام يا غر السحاب اللـي تبجـح بالمطـر= وشم الجبال اللي تبجـح بالسحـاب قذولهـا وسلام يا هوج الرياح اللي عطاهـا مستمـر= مهما خذوا منها من الحسنات مـا ردوا لهـا ليت الرحاب اللي لنا بوجيههـا حـق وقـدر= ما تضمحل من الزمان ولا نشـوف سمولهـا و ياليتنا لاما سرحنا اليوم الأبيض من فجـر =تبطي عبات الليل ما تضفـي عليـه سدولهـا ولاّ ليامنهـا ضفـن سدولهـا يطلـع بــدر= يا صل ضياه اللي على الكوره تطق طبولهـا المعتبر يآخذ على الدنيـا دروس مـن العبـر =والنـاس يكسبهـا معاملهـا بقـد عقولهـا أحيان تصدف لعبة الشاطر مع غلطـة عمـر= مره .. لكن لا عدت الغلطة ما عـاد ينولهـا حنا عرفنا كلنا ما طـال مـن شـيء قصـر= والأحلام ماتوا قبلنا شرهين ما وصلـوا لهـا حتى الجمال اللي تحمّلها الهقـاوي بالصبـر= يالله بحملتهـا تقـوم وتــدّرج بحمولـهـا والحب سيسـان العبـادة والعبـادة بالجهـر= ان ما قدرت تقولها وجـه الصحيـح يقولهـا يسرون عميان المحبة تيه فـي غـدرا الغـدر =للـي تحـد سيوفهـا واللـي تعـن خيولهـا ولا تفكـر فـي غنـاة ولا تفكـر فـي فقـر =وتشفع لبيضان الصدور احضوضها وفعولهـا واهل التكلـف بالمعرفـة والتصنـع بالبشـر =والله ما هي حول الصحيح ولا الصحيح بحولها اللي يفضّل ما يقيم بو ميه مـن بـو عشـر =حتى الفضولية عن الفاضـل بطـل مفعلوهـا اللي تخبره لحيته ذا ..طولهـا يصبـح بـزر= واللي تخبره بزر يصبح لحيتـه ذا ..طولهـا |
.
. 10
الجهاله في ابن آدم توليه الدبور=لوطريقه غادي يحسب انه متجه عنده ان مامثل شوره مع الاشوارشور=مادرى انه له مزاج وللناس امزجه يمكن ان تلقى مزاج يبادلك الشعور=لو على فلم الشطاره وفلم الدبلجه واخر المشوار لا حصلت مافي الصدور=كل زور فيه شوراليا فاق اهرجه القمر والشمس كنها تسلف منه نور=والجبال اتصير تحته خيول مسرجه يحسب ان معه افضليه توليه العبور=ان لقاءالملح ازعقه ون لقاءالحلواسمجه السماء عجزت تنوشه جناحين الطيور=ماوصله الامحمد ابليلة معرجه يا ابن آدم يلعن الله مختال فخور=من تواضع تحت ربه يعليه ادرجه لجل ماتدخل جهنم على شان الغرور=للعرب حاول تواضع وتعطيهم وجه من لقا عذب المشارب ومثمرة الزهور=ما قعديغرف من البحرويسوق احدجه |
.
. 11
الا يالهبوب الباردة عجلي هبي=على جاش من قامت هواجيسه تلوبه انا مرةٍ اصحى ومره يغيبي=واسرح معا كثر الطواري بغيبوبه الا يادهر ما هو بحقٍ تلاعبي=خليتني لمقرد الخلق لعبوبه عبادٍ مغقلها الزمان وتعجبي=يحسبون قل المال فالرجل عذروبه وانا قانعٍ باللي علي كاتبه ربي=ومؤمن بمقدوره وقانع بمكتوبه ولا ابغى عمى الاريا برايه يجربي=وهو ما عرف ماجوب ربي وما جوبه هدور المجالس راعي المدح والسبي=وهو بالخلا لو جاه بنتٍ خذت ثوبه يقولون لي جز من تصرفك وتحبي=وهي توبتي من مجتمعهم هي التوبه ديار الوبا من طبها راح متوبي=وقرابة الجربا على الحول مجروبه انا عارفٍ منصاي ليا من بدا نبي=وعارف طريقي والذي باتجه صوبه وانا اعرف من اعادي وانا اعرف من احبي=وبه ناس لاتعرف ولاهي بمحبوبه |
.
. 12
يالجّ صدري مثل لجّة حيام الطرش = على عيلمٍ فالقيظ ميرادها فرزه على الليّ بحبّه بارشِ الضماير برش = وحبّه بصندوق الضماير طبع حرزه حياتي بدونك يالغضي ماتساوي قرش = تكلّم على المكشوف فالنيّة الجرزه محبّة نظيفين الظماير نظاف الفرش = مايحتاج فيها لاتخفيّ ولا برزه عسى دعوتي يفتح لها الله باب العرش = يعاقب عبادٍ ماعرفنا لها خرزه |
.
. 13
البارحة عنزت للراس كفي=ونيت من باب الشرس والحماقه حبيت ابين من خفوقي واخفي=ملامحٍ عن الاصدقاء والرفاقه صديقي اللي لسانه يرفي=ولي صملت مني نوى لنسراقه احسن يقفي عن طريقي واقفي=مستغنيٍ الله والا ذي الصداقه ورفيقي اللي ما يوقف بصفي=لا يمتكن بيني وبينه علاقه فرقاه ربح وجيته ما تشفي=الا الذي ماله على الشي طاقه والا بعضهم للعلوم متلفي=لي جاه علمٍ حط فوقه وساقه كبير قلبٍ في الحياة متعفي=راسٍ خلقه الله في جسم ناقه لا مولعٍ نارٍ ولا هو مطفي=من حيث ما يصفق به الموج ساقه |
.
. 14
شعاني حمامٍ فوق روس النوامي خلج = تغنّي على روس النعانيع منسجمه الاحيه من فرقاك يابو خدودٍ بلج = عسى لايم الميلاف عقرود ابو نجمه محبتك حطّة في محاني ضلوعي فلج = كما فلج سيلٍ الواديٍ ضكتّه عجمه |
.
. 15
ياكبديّ الليّ من الحرمان منهشمه =فيها من العام نجارٍ بشاكوشه والليّ هشمها شفاتٍ دونها حشمه=أرهى على الليّ تبي نفسي ولا أنوشه حجزٍ يرّد الرجاوي من ورى خشمه=وأنّ رده الحجز والاّ ضاع فالطوشه عمّر بيوتٍ على بيبانها رشمه=وبطونها بأفخم الشيراز مفروشه |
.
. 16
ياعيون مرقبٍ فعل الجداير=في صعانين الطوال المستديره صاحبك يعطي على شوفك بشاير=ديرةٍ منتو بها ماهي بديره من خذا منكم خفيّات السراير=والله انّ يبطي ولعكم في ضميره لبةٍ بين المعنّق والزراير=مثل شمس الصبح قدّام السفيره ويتفرشها من الخمري ستاير=ذيل شقراّ شعشعت قدم المغيره جوهرة قارون غالية التجاير=أشهد انّك بهجة العمر الكبيره واحدٍ حضّك مع حضّه يساير=شايفٍ القدر فالعشر الأخيره جعل أبو من لامني حمر المناير=في محبّة واحدٍ مالي بغيره |
.
. 17
ونّ ابن جدلان من لايعٍ لاعه=كن في كبدي دوافير صناعي العب المنكوس واحب روباعه=مملٍ بالوقت والوقت خداعي ما دريت ان ضحكة الوقت خداعه=شفت مدخالي ولا شفت مطلاعي لا بغيت اسج والا انبسط ساعه=دق قلبي من ورى حدب الاضلاعي كن ما بين الضلوع آلة اطباعه=تشتغل لا نمت واقوم مرتاعي هم قلبي ما يفرق تجمّاعه=غير جر الصوت والناس هجاعي فاقدٍ لي سلعةٍ واكبر بضاعه=سلعةٍ تشرى ولا هيب تنباعي رفقة الطيب ليا غير اطباعه=اشهد انها كيةٍ توجع اوجاعي راكب اللي صممه صاحب اصناعه=جمس بيك اب من حديثات الانواعي الغريب اللي جديدٍ من انواعه=حوض رفرف ما يبي شد واشراعي لا انّس البنزين عجلٍ تفرقاعه=مخطرٍ من سرعته يقلع اقلاعي لا تحرك شفت في القاع مشلاعه=والتواير تظهر الماء من القاعي ينعش القلب الحزين بتهملاعه=لا مشى قام يتهملع تهملاعي لا وطى الارض العتش كن تهزاعه=بنت شيخٍ طامحٍ من ولد راعي في رجاء الغايب تحرى لمرجاعه=تنقد العشاق وتطق الاصباعي نفسها من جملة الناس منصاعه=ماتبي الا واحدٍ ذكره يشاعي ينحر اللي ياخذ الطيب بذراعه=الصديق الصافي الصامل الواعي الوفاء والطيب ساسه ومنباعه=يوم بعض الطيب تقليد واصناعي لا وصلتوا فاخبروني عن اوضاعه=واخبروا راعي السمارى عن اوضاعي انشدوا ويش السبايب بمهزاعه=لا علي ناقص ولا ابيه فزاعي ودنا نرضيه ونحاول اقناعه=كان ابن مهمل بعد يسمع الداعي كان يبغى حق للحق قطاعه=نقنعه والحق ما عنه مجزاعي وكان مبغض في الرجاجيل بتاعه=لا يجي ناقد ويلحقني ارياعي لصديق نخلي النفس خضاعه=ما نوريه الجفا والتمطاعي الصداقه عندنا ذخر واطماعه=صحبةٍ ماهي بصحبة تمتاعي حد جدتها على البرق لماعه=وان خذت يومين مفعولها ضاعي فن تلايمنا على العز والطاعه=وان تفرقنا فجوج الله وساعي ما اطرد المقفي ليا صفط اشراعه=مخبل اللي للمقفين تباعي من يحط اذنه على كل سماعه=جاه فرقا ما بعدها تجماعي والزباد اختام هرجي ومطلاعه=يدفعه من ريحة المسك ذعذاعي |
.
. 18
الا واعيون موحشِ مابعد لزم = عدا كلّ صقارٍ بشبكه ولا لزمه على القلب نارٍ ولعّت في قرى حزم = وحطوّ عليها من دقاق الحطب حزمه يقاويك بن جدلان فالصبر والعزم = لكن حبّك الصافي تغلّب على عزمه تراني دخيلك ياوليفي من الهزم = تموت الغزو ولا يقولون منهزمه |
.
. 19
ياعيون مرقبٍ فعل الجداير = في صعانين الطوال المستديره صاحبك يعطي على شوفك بشاير = ديرةٍ منتو بها ماهي بديره من خذا منكم خفيّات السراير = والله انّ يبطي ولعكم في ضميره لبةٍ بين المعنّق والزراير = مثل شمس الصبح قدّام السفيره ويتفرشها من الخمري ستاير = ذيل شقراّ شعشعت قدم المغيره جوهرة قارون غالية التجاير = أشهد انّك بهجة العمر الكبيره واحدٍ حضّك مع حضّه يساير = شايفٍ القدر فالعشر الأخيره جعل أبو من لامني حمر المناير = في محبّة واحدٍ مالي بغيره |
.
. 20
ويش أسوي ياعيون الوحش عنق الغزال = لاحصل طاريك يفتح على قلبي أرواق لي ثلاث سنين بين الحقيقه والخيال = وأخر اشهر ذالسنّه تكمل الرابع غلاق شبه وضحاّ فالمخاضير زاويها الحيال = من غلاها عند أهلها تبارى ماتساق تيهّت من صغرها بين ثنتينٍ هجال = مهتويها راعيّ البل وعاشقها عشاق عنديّ إنّك ماخذٍ تاج ربّات الجمال = سلموّك الحسن من باب صنعاء للعراق |
.
. 21
آه من قلبي اللي دايمٍ في ذهول=والله انه ثقيلٍ لين جوه الثقال ياقطاة العبيه ياهيام الذلول=ياعيون النداوي يارقبة الغزال نور وجهك على من شاف منك القبول=نور صبحٍ تبسم في رهاد الجبال كني اقرا على طُرّة جبينك تقول=انا قلبي يحبك ياحبيبي تعال كان قدمي حدٍ فالحب راح مهبول=والله انه خطيرٍ لايجيني هبال المحبه جملها مرسلٍ ومعقول=نعنبو من يقول ان المحبه خبال والذي ليلة الاسراء عرج بالرسول=ان حبك لحال وحب غيرك لحال |
الشاعر : سعد بن جدلان الاكلبي
المعروف لايعرف مختارات راقية رقي ذوقك الرفيع محمد الفرحان إليكم بعض أبيات الشاعر الجميلة أرجو أن تنال إعجابكم :rose:
مل قلبٍ من هوى الخدرات عيّا = باقيّ له من هو خلّه بقايا لابغيت أسجّ من سمح المحيّا = شفت من وصفه على غيره حلايا فز قلبي وانتبه عقب النسيّا = وانحرف فكري وجارن الكوايا راح يشرفني على نور الثريّا = لين وردني على حوض المنايا وانّ بغيت أجيه وصله ماتهيّا = صارو العربان من دونه حمايا ياوليفي لاتسويبي كذيّا = الخطايا لاتلحقها خطايا مايبور بصاحبه عقب البغيّا = كود ناسٍ مالها بالله عنايا كلّ شيٍ أعمله كود الجفيّا = الجفا يزعل وسيعين النهايا |
كمّ مفرقٍ كلّ ماجيته تعديته = اشوف خطّه ولا أقراء ويش لوحاته ياكود مفرق رقبة العطف لاجيته = يفرض عليّ الألتفاته والتنهّاته فيّ حشمة الليّ مصافيني وصافيته = من خلقتي ماحدٍ سوّى بيّ سواته مايسمح البال لين أقف على بيته = وأضرم له أضرامة الزيدي على قاته :D |
. . العزيزة سراب . . لاهنتِ على التواجد في هذا المتصفح وكل الشكر لكِ على هذه الاضافات الثمينة . . . . ونستمر مع ابداعات الشاعر : سعد بن جدلان |
ياتلّ قلبي تلّ غربٍ ربع سانيه = ماعيّن منه غير العراقي براس أرشاه على أبو دليقٍ فوق دمث النحر كاسيه = حمار وبياضٍ يشبه النوّ من منشاه أتشعشع أخلوم البدر لافرقّه بيديه = يشادي الضباب اليا تعدى القمر غطّاه على عود موزٍ جاريّ الما مع ساقيه = وزدٍ على زمّة نباته قراحٍ ماه الا واعيون الليّ كشف برقه راعيه = يتلّ السبوق وقام راع الولع يشعاه الا يارسولي بلغّه ماقدرت أجيه = سلملي عليه وخذّ سلامه وعطنياه لاقالو تحبّه قلت ماعادني بأبيه = وأنا أشفق له أشفا من سقيم المرض لدواه أقويّ عزومي كنّ معاد عندي فيه = وأنا والله انّي مونسٍ البلا وأكناه عروق الحشى ماتنبت الاّ على طاريه = تنامى على قربه وتهجر على فرقاه فترى من يعذل مولعٍ من هوى غاليه = مثل من يحاول يعدل السيل من منحاه فأنا شفت ناسٍ صلحوّ فالهوى تشويه = لا عيّن وليفه مخلصٍ كلّ يومٍ جاه لوّ انّ الهوى ذالنوع محدٍ تعذّب فيه = الكل أهتنى فالحبّ حتى الطلي والشاه |
عيوني على سهر آخر الليل حدتني=تولع بها سهر الليالي وضريتبه همومي عن الرقده من النوم جزتني=وقلبي هواجيسه مع الهم لعبتبه وليّ حركت دقات قلبي تشاوتني=اغنى لها الشيطان صوتٍ تلاحتبه على مركب الاوهام والهم شالتني=وعلى سيف بحر الياس ركّت ورستبه ولي صورت خلي على الطيف نبتني=ولي قمت مغير الخيال اتلفتبه الا يا وليفي سيطرتكم تولتني=كتب حبكم في القلب وموضحٍ كتبه اشهّد على حبك ملوكٍ على متني=ويشخط ضميري من ونينٍ تنهتبه اراعيك بالذكرى وذكرك يقوتني=ولي غاب ذكرك ويش عاد اتقوتبه ولامن بغيت اسج عن صورتك جتني=مع الطيف والا علمك الناس ما جتبه عليك الضمير مهايمٍ وانتها حتمي=هبوب الشمال من المعاليق هبتبه احيى على ذكرك وبعدك يموتني=ولا لي بغير لا معاشٍ ولا رتبه |
ياعيون اللي على المرقب تعلاّ = مايرب الا المراقيب الطوالا طرتّك منها غثاء البال يتجلاّ = نعسٍ مابينها بيضٍ تلالا تذهل إلّي في جواهرها تحلاّ = واهني من ذاق من ريقك زلالا لا وجاه الله ومنّ زكّى وصلاّ = مانبيك الاّ على السنّه حلالا مايرّد الجوع شخبٍ في المفلاّ = ولا يخضّ السعن من ذوده هجالا أنت غالي ياوليفي لا تغلاّ = يثبت الليّ بيننا ايامٍ طوالا واللهّ انّي ميسٍ من وصلك الاّ = فزعةٍ من ربنا جلّ وتعالا أدخل الضولات من شان أتسلاّ = كود جرح القلب يبرى ويتشالا والمجنّب من الأوادم مايخلاّ = لاسلم من شرّ ذولا ..جوه ذولا |
ياإليّ ليا جيت شيٍ تكمل أوصافه = وإلّي بلا أياك ماتهواه الأخلاقي ترى صوابي لجا وابطيت بسعافه = يامنجّح الكيّ لاتلحق على الباقي عامين والحال من فرقاك ملاّفه = لوف أشهب الال عشبٍ نبته أدقاقي كمّ ليلةٍ من سببك العين ذرّافه = من غيبة الشمس لين الصبح ينساقي ياعين حرٍ على العسرات مشرافه = عيطٍ لحاليحها تصعب على الراقي والعنق عنق أدميّ عاود لميلافه = متذيّرٍ عقب ما أروّح ريح تفّاقي مالك من الجسم غير المتن وأردافه = زاويه خصرٍ عليه الشبر متلاقي لفيتني لفّ سيرٍ فوق حذاّفه = وصرفتني من هوى تلعات الأعناقي فأدخل على امّك وأبوك من التزلافه = تبتنّي بالعذاب وتقطع أرزاقي البرق لجا المشعّف زوّد أشعافه = وأنا مشعّف غرامك وأنت برّاقي |
كل دارٍ أرجّعت وأنا ســـناوي=عزتي للي سواتي عزتي له زادت الحمّى فرحنا للمداوي=والمداوي زوّد الحمّى مـليلـه يا جميله قام يطوي الحال طاوي=والله ان كبدي على شوفك غليله والله ان قلبي على المّة شفاوي=بس ما في ايدي ولا في ايديك حيله سجليني في عالم حبك فداوي=انا مجنونك بعد مجنون ليله يا رقبة الخشف يا عين النداوي=يا سراجيف الذلول المستحيله يا مناةٍ تـنّـقصر منها المناوي=يا خيار الدهم يالقباء لصيله لعنبوك أنتي مكاسر عود جاوي=ملبسك سندس شرابك سلسبيله لو تمرين الشيوخ اهل الفتاوي=عوّدوا مثلي يجرّون الطويله من عشق شرواك والا لا يهاوي=التقيّد في بعض لاشياء فضيله |
:
محمد الفرحان يعطيك العافيه على الاختيار الرائع للشاعر سعد بن جدلان إحترامي لك..// . |
قرأت يوم : الأكلبي والشعر هيلٍ وبنا الأكلبي :: سعد بن جدلان الله عليه رائع ومبدع بحق صح الله لسانه وألف شكر يابو مفلح على هذا الجهد الجميل لاهنت يالغالي |
| الساعة الآن 04:08 PM |
Powered by vBulletin® Copyright ©2000 - 2026
