"يا عمي بارك لي أخذت الشهادة = ومعدلي ما قل عن خمس وْتسعين
مبروك لكن ما أشوف السعادة = بالعكس أشوف الحزن باين على العين
وشفيك قولي لي وليه النكادة = الكل فرحانٍ من أجلك وتبكين
"من حسرتي ابكي يا عمي زيادة = فرقى الحبايب زاد بالهم همين
"فرقى ليان وْريم بأول جماده = فرقى اللي علمني على الشرع والدين
"فرقى مكانٍ صار مثل القلادة = نفسي أعلقها على الصدر وتبين
"منها تعلمنا أصول الركادة = منها تعلمنا على الجيم والسين
"كلمة صباح الخير كل يوم عادة = بأول دخول الفصل أو حنا ماشين
"يا ريت يا عمي تصير استعادة = ونعيش فيها طول هالعمر للبين
ربك كريمٍ ما يخلي عباده = بس اطلبي حلمك وبنردد آمين
الكل يتمنى يحقق مراده = والصبر مفتاحٍٍ يواسيك ويعين
يا بنت خلي بس عندك إرادة = وبتفرحين أكثر من الدنيا بعدين
يمكن تصيري في مجال العيادة = وإلا الصحافة تكتبي لك عنواين
أو يقبلونك تدرسي باستزادة = وتكملي سطرك تخليه سطرين
والليل حتى لو تكوّن سواده = لا بد تشرق شمسنا للملايين
في ظل أبو متعب وصلنا الريادة = لا تشغلي بالك على كم أو وين
روحي يا سارة واكتبي عالوسادة = حلمٍ وحققته حلمته من سْنين

"من حسرتي ابكي يـا عمـي زيـادةفرقـى الحبايـب زاد بالهـم هميـن "فرقـى مكـانٍ صـار مثـل القـلادةنفسي أعلقها علـى الصـدر وتبيـن "منهـا تعلمنـا أصــول الـركـادةمنها تعلمنـا علـى الجيـم والسيـن "يا ريت يا عمـي تصيـر استعـادةونعيش فيها طـول هالعمـر للبيـن روحي يا سـارة واكتبـي عالوسـادةحلمٍ وحققتـه حلمتـه مـن سْنيـن