كل عام ٍ وأنت ياداري بخير=وكل عيد ٍ يا وطن وأنتَ سعيد
عز أمجاد وبطولة والمصير=واحد ويجري بتدبير المعيد
يا وطنا في رخا ولا ّ عسير=ما تغيّرنا طبول المستفيد
راية التوحيد خفاقة تنير =وشعلة الإيمان وضاحة تقيد
مهبط الإسلام والهادي البشير=قبلة جباة الأكابر والعبيد
يا وطنا دام عزك لا تحير=لا تفكّر في تهابيل البعيد
حامك الله والعدل سيف ٍ شطير=في صقاله ردة الفكر البليد
من نوانا يبشر بنار السعير=دام أعلى منزلة روح الشهيد
أي نعم عند المراجل ما نخير=ولا نشح بدم يسري بالوريد
من كبار شيوخنا لين الصغير=وأمهات ومرضعات ٍ للوليد
لو تفتش في معاليق الضمير =تلتقي للمملكة عشق ٍ يزيد
من خلقنا الله وحنّا ما نغير=ولا ندوّر ما حوت كف الشديد
قانعين وحتى لو فينا فقير=الفقر ما عاب رجال ٍ سديد
ما نحب نكون غير اللي نصير=ولا نحب نزود بالحكي ونعيد
مملكتنا فظل أبو متعب تسير=والحسود بنار حقده يستزيد
نيّرة وبنور وجهه تستنير=هو سفير الصبح للفجر الجديد
هو أبونا وهو أخونا والنصير=نِعْمَنا في يوم صكات الحديد
من بسط للدين كفيه وكثير=من فعاله خافية علم ٍ أكيد
و لوليّه راعي الكف المطير=بالمعالي منزل ٍ عالي مشيد
أبو خالد كافي الهم الكبير=من سخاه الجود عن جوده يحيد
من سواه ليا اختلف راي الشوير=من يحلحلها سوى عقله الرشيد
وبعد هذا يا وطنا بألف خير=عاد عيدك بالأمن في كل عيد

المشاركة الأصلية كتبت بواسطة علي عبدالرحمن الأسمري (المشاركة 99320) الغالي حمد الاسمري صح الله لسانك ياابن العم ويسلم لي راسك ويمناك دمت بود