|
وش ذنبها ؟ .. اهداء لـ ساره الفهد !!
ساره الفهد طالبه سعوديه تدرس في القاهره ارتكبت حادث مروري كأي حادث ونتج عن هذا الحادث وفاة شخص واصابة اثنين علماً بان الطرف الاخر في الحادث وهو سائق التكس المتوفى هو من تسبب في الحادث بقطعه للاشاره الا انالقضيه تحولت الى قضية راي عام في مصر ولم تسلم ساره من بعض الاتهامات الباطله والتي اتهمتها بانها كانت ( مخموره ) وغيرها من التهم !! ... والمبكي في الامر هو موقف السفير السعودي السلبي من هذه القضيه ؛ لذا كتبت هذه القصيده تعاطفاً مع ساره .
كل القلوب الصافيه والنقيه = ضاقت على بنتٍ يقال الها ساره بنتٍ تعاني في مصر والقضيه = حادث مقدر ياهواة الاثاره قصه غريبه والعواقب قويه = يومن راع التكس طاف الاشاره وش ذنبها لامن وفته المنيه = حيث ان ساره اربع سنين طاره الحوادث حكمها بالشرع ديه = ماهي نهب وكذب ياناس وحقاره امشي واهوجس وسط نجد العذيه = يامن يخبرني بدور السفاره ؟ السفير ان كان ماعنده حميه = الرعايا مالهم غير الخساره يامن يبشرني وياخذ هديه = متى كلام الحق يطلع نهاره ؟ خفوا عليها يابشر لو شويه = كثر الحكي ماهوب فن وشطاره ماهيب من يمشي بدرب الرديه = وماهيب من اهل الخمر والزقاره العيون امن الحلاوه نرجسيه = والوجه مثل البدر بالاستداره والجسد مثل الغزال العارضيه = عرضٍ وطول وبنت عز وأماره حبيتها والشاهد الله عليه = واكبر دليل الشعر ضيع مساره ياويل قلبي منفتن بالبنيه = لاشك قلبي تشتعل فيه ناره وان كان ذبح النفس ذنب وخطيه = والله لبيع النفس لعيون ساره توضيح : @ ( اربع سنين طاره ) = لها اربع سنوات تقود السياره ولم ترتكب اي حادث . @ آخر خمسة ابيات من القصيده اتت من حيث لا اشعر حيث انني ضعيف امام الجمال ولا يمكن لي ان اهمش الجمال عنتدما اشاهده والا سأكون في نظر نفسي ( بعوضه ) علماً بان صور ساره انتشرت في اكثر من صحيفه . صورة مع التحيه لسفارة المملكه العربيه السعوديه في جمهورية مصر للاحاطه تحياتي ؛؛؛ سلمان |
صح لسانك ولاهنت |
سلمان العصيمي نصٌ جميل و فكرةٌ رائعة غفل عنها الكثيرون و كنت ممن لامسها بـ روعةٍ و تميز صح لسانك و لاهنت تقبل تحياتي |
قصيدة جميله وتعاطف أجمل لكن أخي سلمان من خلال الأبيات الأخيرة نكون على يقين بأنك تعاطفت مع الجمال وليس مع الإنسانية وليس بدافع الحميه التي تطلبها من السفير يعني لو كانت ساره محجّبه ومنقبه أو غير جميله فلن نجد هذه الأبيات وهذا التعاطف :D صح لسانك ولا هنت |
صح لسانك وتسلم يمناك حضور متألق ورائع تحياتي لك ولقلمك المبدع |
سلمان العصيمي الله يكون بعون سارة ويفرج لها صح لسانك ولاهنت |
.
.
كل القلوب الصافيه والنقيه = ضاقت على بنتٍ يقال الها ساره بنتٍ تعاني في مصر والقضيه = حادث مقدر ياهواة الاثاره قصه غريبه والعواقب قويه = يومن راع التكس طاف الاشاره وش ذنبها لامن وفته المنيه = حيث ان ساره اربع سنين طاره الحوادث حكمها بالشرع ديه = ماهي نهب وكذب ياناس وحقاره امشي واهوجس وسط نجد العذيه = يامن يخبرني بدور السفاره ؟ السفير ان كان ماعنده حميه = الرعايا مالهم غير الخساره يامن يبشرني وياخذ هديه = متى كلام الحق يطلع نهاره ؟ خفوا عليها يابشر لو شويه = كثر الحكي ماهوب فن وشطاره ماهيب من يمشي بدرب الرديه = وماهيب من اهل الخمر والزقاره العيون امن الحلاوه نرجسيه = والوجه مثل البدر بالاستداره والجسد مثل الغزال العارضيه = عرضٍ وطول وبنت عز وأماره حبيتها والشاهد الله عليه = واكبر دليل الشعر ضيع مساره ياويل قلبي منفتن بالبنيه = لاشك قلبي تشتعل فيه ناره وان كان ذبح النفس ذنب وخطيه = والله لبيع النفس لعيون ساره ياعيني على الانسانية كذا ولابلاش العزيز والغالي / المواطن الصالح سلمان العصيمي والله ماادري انت تعاطفت مع الضحية ولاجمالها بيني وبينك : البنت تستحق حتى لو صدمت واحد من العيال ههههه في كل الاحوال : صح لسانك ولاهنت وهذي من بركات الضحية اللي خلتنا نشوفك ونقراء حروفك عبر منابع دمت كماتحب وتقبل مني فائق التقدير والاحترام |
سلمت وسلم نبضك على هالنص الراقي سجل اعجابي ومتابعتي ولك تحياتي |
لآ فض فووكـ اخى سليمان وصح لسانكـ
قصيدة جميلة وآحساس آجمل وسطور رائعة خاطبت الصمت حتى نالت منا وتحدثت الينا لآ عدمنا توآجدكـ وحضوركـ الرآئع ولا تحرمنا من جديدك دمت ودآم نبض قلمكـ |
أخي سلمان العصيمي
جميل ما قرأت هنا قصيدة رائعه الى ابعد الحدود وأبيات عانقت القلوب بروعتها فصح احساسك ولا هنت اخي الكريم دمت بألف خير |
صح لسانك وجاد نظمك لاهنت ولاهان راسك تحياااتي |
| الساعة الآن 09:41 AM |
Powered by vBulletin® Copyright ©2000 - 2026
