أحب العشق فعيونك ونظره منك تكفيني=سرقتي القلب من أعوام سكنتي وسط أهدابي
أنا حبيت وأغليتك غزاله يانظر عيني=أحبك ياملاك الروح وأنتي أغلى أحبابي
صحيح أن الهوى فتنه فزمان الصد يظنيني=وصحيح أن الهوى بلوى على ماقالوا أصحابي
أنا النظرات أكررها وتاصل كامل الزيني=أرى الفتنه وتسحرني مثلما تسحر أقرابي
أردد كلمه أحفظها وأخطك في دواويني=حبر أقلامي جف اليوم أنهى سطر بكتابي
غلاك وعايش بكيفه مكانه في شراييني=أنا أبدعت في وصفك ألين الشوق غنى بي
ممالك عطرك آخاذه ويمّك عذب يرويني=زلال النبع يكفيني يابلسم وجد يقرا بي
أراهن عالهوى إحساس ربيعه فوق عشريني=وحسك زهره معتق رحيقه حيل جذابي
ألا يانحلة العشاق ليت إنك تزوريني=أبتأمل جمال الكون لمّن ياقف بـ / بابي
جمالك حيل أسطوري ويبحر داخل العيني=وأنا أبحرت في وصفك يازهرة فُل عنابي
كتبت الشعر متأخر وشعري دوم يبكيني=وأبترك سلة الأحزان تغادر أوسع أبوابي
أنا الأعذار أقدمها لعلك يوم تعفيني=وتترك شعري يتغزل يكتب شوقي وعتابي
ألا ياقافي لو تبحر وجزل الحرف تعطيني=عطور الشعر أبنثرها مابين الأهل وأحبابي